ຣັກບີ້ລາວ ເດີນທາງສູ່ຊີເກມ ທີ່ມາເລເຊຍ

- advert banner 728 90 728x90 - ຣັກບີ້ລາວ ເດີນທາງສູ່ຊີເກມ ທີ່ມາເລເຊຍ

- m 300x225 - ຣັກບີ້ລາວ ເດີນທາງສູ່ຊີເກມ ທີ່ມາເລເຊຍໃນວັນທີ 16 ສິງຫານີ້, ນັກກິລາຣັກບີ້ທີມຊາດລາວ ທັງຍິງ ແລະ ຊາຍ ໄດ້ເດີນ ທາງເຂົ້າຮ່ວມການແຂ່ງຂັນ ມະຫາກໍາກິລາຊີເກມ ຄັ້ງທີ 29 ທີ່ປະເທດມາເລເຊຍ. ຊຶ່ງ ເປັນຂີດໝາຍສໍາຄັນຂອງຣັກບີ້ທີ່ໄດ້ເຂົ້າຮ່ວມການແຂ່ງຂັນລະດັບພູມິພາກນັບແຕ່ປີ 2007 ຢູ່ທີ່ໂຄລາດ ປະເທດ ໄທ (ສາມາດຍາດໄດ້ຫຼຽນ ທອງແດງມາຄອງ) ແລະ ເປັນບາດກ້າວສໍາຄັນທີ່ສະ ແດງໃຫ້ເຫັນເຖິງຄວາມທຸ່ມເທ, ພະຍາຍາມຂອງຣັກບີ້ໃນ ການເຂົ້າຮ່ວມແຂ່ງຂັນກິລາຊີ ເກມຄັ້ງ ນີ້.
ກິລາຣັກບີ້ປະເພດ 7 ຄົນ ຂອງເພດຍິງ, ປະກອບມີ ປະ ເທດເຈົ້າພາບສິງກະໂປ, ມາ ເລເຊຍ, ໄທ, ຟິລິປິນ ແລະ ສປປ ລາວ. ທ່ານ ປີຊາ ວັນ ເດືອນເພັງ ຫົວໜ້າຄູຝຶກ ໄດ້ ວາງຄາດໝາຍໄວ້ວ່າ: ຈະ ຕ້ອງຍາດໃຫ້ໄດ້ ຫຼຽນເງິນ ຫຼື ຕໍ່າສຸດກໍແມ່ນຫຼຽນທອງແດງ. ກັບມາຝາກປະຊາຊົນລາວໄດ້ຊື່ນຊົມ.
ທ່ານກ່າວອີກວ່າ: ການ ໄປຮ່ວມແຂ່ງຂັນຊີເກມຄັ້ງນີ້, ທາງຄະນະກິລາຣັກບີ້ລາວ ເຮົາ ໄດ້ເກັບໂຕຝຶກຊ້ອມກັນ ເປັນເວລາ 3-4 ເດືອນ ຈາກຄູ ຝຶກຜູ້ມີປະສົບການຂອງຕ່າງ ປະເທດມາຊ່ວຍ ເພື່ອຮຽນຮູ້ ທັກສະ ແລະ ເທັກນິກໃໝ່ໆ ທີ່ສາມາດນໍາໄປໃຊ້ໃນການ ແຂ່ງຂັນໄດ້. ໃນໂອກາດນີ້ ທາງສະຫະພັນກິລາຣັກບີ້ແຫ່ງຊາດ ຂໍຂອບໃຈມາຍັງການ ສະໜັບສະໜູນຂອງສະຫະພັນຣັກບີ້ຮົງກົງ ແລະ ສະໂມສອນ Glendale Raptors ທີ່ຊ່ວຍ ຄູຝຶກ ແລະ ຂອບໃຈມາຍັງຜູ້ ໃຫ້ການສະໜັບສະໜູນອື່ນໆ ອີກ.
ທ່ານສາມາດເຊຍ ຫຼື ຕິດ ຕາມຜົນງານຂອງການແຂ່ງຂັນຂອງທີມໄດ້ທີ່ເວັບໄຊww w.laorugby.com ຫຼືທາງ ເຟສບຸກສະຫະພັນwww. facebook.com/laoruby.

- lattana 1 - ຣັກບີ້ລາວ ເດີນທາງສູ່ຊີເກມ ທີ່ມາເລເຊຍ