ສະຖາບັນພັດທະນາສີມືແຮງງານລາວ-ເກົາຫລີ ຫວນຄືນວັນສ້າງຕັ້ງອາຊຽນ

- WhatsApp Image 2017 07 12 at 9 - ສະຖາບັນພັດທະນາສີມືແຮງງານລາວ-ເກົາຫລີ ຫວນຄືນວັນສ້າງຕັ້ງອາຊຽນ

ໃນອາທິດຜ່ານມາ, ສະຖາ ບັນພັດທະນາສີມືແຮງງານ ລາວ-ເກົາຫລີ, ໄດ້ຈັດພິທີປາ ຖະກະຖາຫວນຄືນວັນສ້າງ ຕັ້ງອາຊຽນຄົບຮອບ 50 ປີ (8 ສິງຫາ 1967-8 ສິງຫາ 2017) ແລະ ຄົບຮອບ 20 ປີ ທີ່ ສປປ ລາວເຂົ້າເປັນສະມາຊິກ ອາຊຽນ (23 ກໍລະກົດ 1997-23 ກໍລະກົດ 2017), ໂດຍມີ ບັນດາ ພະນັກງານ-ລັດຖະກອນ ແລະ ຄູ-ອາຈານ ພາຍໃນ ສະຖາ ບັນ ເຂົ້າຮ່ວມຢ່າງຫລວງຫລາຍ.

- lattana 1 - ສະຖາບັນພັດທະນາສີມືແຮງງານລາວ-ເກົາຫລີ ຫວນຄືນວັນສ້າງຕັ້ງອາຊຽນ

 

- 412 300x141 - ສະຖາບັນພັດທະນາສີມືແຮງງານລາວ-ເກົາຫລີ ຫວນຄືນວັນສ້າງຕັ້ງອາຊຽນ

 

 

+ ໜ່ວຍງານປັບສະຖານະພາບແຮງງານລາວປະຈຳ​ໄທ​ເປີດ​​ໃຫ້​ບໍລິການຢ່າງ​ເປັນ​ທາງ​ການແລ້ວ

+ ໄຊຍະບູລີຫວນຄືນມູນເຊື້ອ 2 ວັນປະຫວັດສາດລາວ-ຫວຽດນາມ

 

ຫົວໜ້າສະຖາບັນ ພັດທະ ນາສີມືສີມືແຮງງານລາວ-ເກົາ ຫລີ ກ່າວວ່າ: ຕະຫລອດໄລຍະ ຜ່ານມາອາຊຽນໄດ້ສຸມໃສການ ເຊື່ອມໂຍງພາກພື້ນອາຊຽນ ແລະ ການສ້າງປະຊາຄົມອາຊຽນ ອັນໄດ້ນໍາມາສູ່ການປະກາດ ສ້າງຕັ້ງເປັນ ປະຊາຄົມອາຊຽນ ຢ່າງ ເປັນທາງການໃນວັນທີ 31 ທັນວາ 2015 ທີ່ປະກອບດ້ວຍ 3 ເສົາຄໍ້າປະຊາຄົມອາຊຽນຄື: ປະຊາຄົມການເມືອງ-ຄວາມ ໝັ້ນຄົງອາຊຽນ, ປະຊາຄົມເສດ ຖະກິດອາຊຽນ ແລະ ປະຊາຄົມ ວັດທະນະທໍາ-ສັງຄົມ ອາຊຽນ. ພ້ອມນີ້ອາຊຽນຍັງໄດ້ຮັດແໜ້ນການພົວພັນກັບພາຍນອກ, ໂດຍ ໄດ້ຂະຫຍາຍການເປັນຄູ່ຮ່ວມ ເຈ ລະຈາກວມເອົາບັນດາປະເທດ ໃຫຍ່ໃນໂລກ, ໂດຍ ຜ່ານບັນດາ ກົນໄກຮ່ວມມືທີ່ອາຊຽນເປັນ ຜູ້ລິເລີ້ມ, ເຊິ່ງບໍ່ພຽງແຕ່ສຳລັບ ໃຫ້ອາຊຽນພົວພັນຮ່ວມມືກັບ ຄູ່ເຈລະຈາຂອງຕົນ ແລະ ຄູ່ຮ່ວມ ມືພາຍນອກອື່ນໆເທົ່ານັ້ນ, ແຕ່ຍັງ ເປັນເວທີໃຫ້ຄູ່ເຈລະຈາ ແລະ ຄູ່ຮ່ວມມືພາຍນອກ ລວມທັງ ບັນດາປະເທດມະຫາອໍານາດ ໄດ້ພົບປະປຶກສາຫາລືກັນ, ເຊິ່ງ ເປັນການປະກອບສ່ວນເຂົ້າ ໃນການສົ່ງເສີມຄວາມເຂົ້າໃຈ ເຊິ່ງກັນ ແລະ ກັນ, ຄວາມໄວ້ ເນື້ອເຊື່ອໃຈດ້ານ ຍຸດທະສາດ, ສົ່ງເສີມສັນຕິພາບ, ສະຖຽນລະ ພາບ ແລະ ການຮ່ວມມືເພື່ອ ການພັດທະນາໃນພາກພື້ນ ກໍຄືໃນໂລກ.

ທ່ານຍັງກ່າວວ່າ: ນັບແຕ່ ສປປ ລາວ ເຂົ້າເປັນສະມາຊິກ ອາ ຊຽນ ໃນປີ 1997, ອາຊຽນ ໄດ້ກາຍເປັນເສົາຄ້ຳໜຶ່ງທີ່ສໍາ ຄັນໃນນະໂຍບາຍການຕ່າງ ປະເທດຂອງ ສປປ ລາວ. ຕະ ຫຼອດໄລຍະສອງທົດສະຫວັດ ຜ່ານມາ, ສປປ ລາວ ໄດ້ເຄື່ອນ ໄຫວວຽກງານອາຊຽນຢ່າງ ຕັ້ງຫນ້າໃນທຸກໆຂົງເຂດການ ຮ່ວມມືພາຍ ໃຕ້ 3 ເສົາຄໍ້າປະຊາ ຄົມອາຊຽນ, ລວມທັງການພົວ ພັນກັບພາຍນອກຂອງອາຊຽນ ແລະ ໄດ້ປະຕິບັດພັນທະຕ່າງໆ ຂອງຕົນອັນໄດ້ນໍາຜົນປະໂຫຍດມາສູ່ປະເທດຊາດ ແລະ ປະຊາ ຊົນລາວ. ອັນສໍາຄັນ ສປປ ລາວ ກໍໄດ້ຮັບກຽດເປັນປະທານອາ ຊຽນຄັ້ງທີ 2 ໃນປີ 2016 ພາຍ ໃຕ້ຄໍາຂວັນ “ຫັນວິໄສທັດໃຫ້ ເປັນຮູບປະທຳເພື່ອຄວາມເຂັ້ມ ແຂງຂອງປະຊາຄົມອາຊຽນ”. ໃນການເປັນປະທານອາຊຽນ ຄັ້ງທີ 2 ນີ້ ພວກເຮົາ ໄດ້ສໍາເລັດ ການສ້າງເອກະສານຫລາຍ ສະບັບອັນເປັນພື້ນຖານ ສໍາລັບ ການຮ່ວມມືພາຍໃນອາຊຽນ, ພາຍໃຕ້ 3 ເສົາຄໍ້າ ແລະ ການ ຮ່ວມມືລະຫວ່າງອາຊຽນກັບ ພາຍນອກ. ຜົນສໍາເລັດດັ່ງກ່າວ ໄດ້ສົ່ງເສີມຖານະບົດບາດຂອງ ລາວໃນເວທີພາກພື້ນ ແລະ ສາ ກົນໃຫ້ສູງເດັ່ນຂຶ້ນ.