ຜູ້ນຳກຳປູເຈຍປະກາດຕໍ່ຕ້ານ ການແຊກແຊງຈາກຕ່າງປະເທດ

- WhatsApp Image 2017 07 12 at 9 - ຜູ້ນຳກຳປູເຈຍປະກາດຕໍ່ຕ້ານ ການແຊກແຊງຈາກຕ່າງປະເທດ

- 4d08fbea 8f23 11e7 9f40 4d9615941c08 image hires 174123 - ຜູ້ນຳກຳປູເຈຍປະກາດຕໍ່ຕ້ານ ການແຊກແຊງຈາກຕ່າງປະເທດ

- lattana 1 - ຜູ້ນຳກຳປູເຈຍປະກາດຕໍ່ຕ້ານ ການແຊກແຊງຈາກຕ່າງປະເທດ

ສົມ​ເດັດ ຮຸນ​ເຊ​ນ ປະກາດ​ວ່າ​ກຳປູ​ເຈຍ​ຈະ​ຕໍ່ຕ້ານ​ການ​ແຊກ​ແຊງ​ທຸກ​ຮູບ​ແບບ​ຈາກ​ລັດຖະບານ​ຕ່າງປະ​ເທດ ທ່າມກາງ​ການ​ພົວພັນ​ກັບ​ອາ​ເມ​ລິ​ກາ​ທີ່​ເຄັ່ງ​ຕຶງ​ຂຶ້ນ ຈາກ​ກໍລະນີ​ທີ່​ລັດຖະບານ​ພະນົມ​ເປັນ​ຈັບ​ກຸມ​ຜູ້ນຳ​ຝ່າຍ​ຄ້ານ​ຂໍ້​ຫາ​ເປັນ​ກະບົດ ​ແລະ ປິດ​ໜັງສືພິມ​ພາສາ​ອັງກິດ​ວິຈານ​ລັດຖະບານ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ເມືອງ​ກຳ​ປົງ​ຈາມ ປະ​ເທດ​ກຳປູ​ເຈຍ ​ໃນ​ວັນ​ທີ 4 ກັນຍາ​ວ່າ: ສົມ​ເດັດ ຮຸນ​​ເຊ​ນ ນາຍົກລັດຖະມົນຕີກຳປູ​ເຈຍ ກ່າວ​ລະຫວ່າງ​ລົງພື້ນທີ່ຢູ່​ແຂວງ​ກຳ​ປົງ​ຈາມ ທາງ​ຕອນ​ກາງຂອງ​ປະ​ເທດ​ວ່າ: ທ່ານ​ຈະ​ບໍ່​ມີ​ທາງ​ປ່ອຍ​ໃຫ້​ບຸ​ກຄົນ​ກຸ່ມ​ໃດ​ກໍ​ຕາມ​ທຳລາຍ​ສະຖຽນ​ລະ​ພາບ ​ແລະ ສັນຕິພາບ​ພາຍ​ໃນ​ປະ​ເທດ ດ້ວຍ​ການ​ຍອມ​ຕົກ​ເປັນ​ນໍ​ມິ​ນີຂອງ​ລັດຖະບານ​ຕ່າງປະ​ເທດ ​ແລະ ຈະ​ບໍ່​ມີ​ທາງ​ປ່ອຍ​ໃຫ້​ເກີດ​ເຫດການ​ຊາວ​ຂະ​ເໝນ​ເຂັ່ນຂ້າ​ຊາວ​ຂະ​ເໝນດ້ວຍ​ກັນ​ອີກ ​ເຊິ່ງໝາຍ​ເຖິງ​ສະ​ໄໝ​ລັດຖະບານ​ຂະ​ເໝນ​ແດງ ​ເມື່ອ​ເກືອບ 4 ທົດ​ສະ​ວັດ​ຜ່ານ​ມາ, ​ເຖິງ​ວ່າ ສົມ​ເດັດ ຮຸນ​​ເຊ​ນ ​ເຄີຍ​ເປັນ​ໜຶ່ງ​ໃນ​ສະມາຊິກ​ກອງ​ກຳລັງ​ຂະ​ເໝນ​ແດງ, ​ແຕ່​ປ່ຽນ​ທ່າ​ທີ​ໃນ​ເວລາ​ຕໍ່​ມາ​ກ່ອນ​ມີ​ການ​ລຸກ​ຮື້ຂຶ້ນຂັບ​ໄລ່.

- w0e2vvrq - ຜູ້ນຳກຳປູເຈຍປະກາດຕໍ່ຕ້ານ ການແຊກແຊງຈາກຕ່າງປະເທດ

ຄຳ​ຖະ​ແຫລ​ງດັ່ງກ່າວ​ຂອງ​ ສົມ​ເດັດ ຮຸນ​ເຊ​ນ ມີ​ຂຶ້ນທ່າມກາງ​ສຽງ​ວິຈານ​ຢ່າງ​ໜັກ​ຈາກ​ຕາ​ເວັນ​ຕົກ ​ໂດຍ​ສະ​ເພາະ​ອາ​ເມ​ລິ​ກາ ​ແລະ ສະຫະພາບ​ເອີຣົບ (EU) ຕໍ່​ກໍລະນີ​ການ​ຈັບ​ກຸມ​ທ່ານ ​​ເກິມ ສຸພາ ຜູ້ນຳ​ຝ່າຍ​ຄ້ານ ​ແລະ ຫົວໜ້າ​ພັກ​ກູ້​ຊາດ​ກຳປູ​ເຈຍ (CNRP) ​ໃນ​ທ້າຍ​ອາທິດ​ຜ່ານ​ມາ ຂໍ້​ຫາ​ເປັນ​ກະບົດ​ຈາກ​ຄວາມ​ພະຍາຍາມ​ສົມຮູ້​ຮ່ວມ​ຄິດ​ກັບ​ກຸ່ມ​ຕ່າງປະ​ເທດ​ໃນ​ການ​ໂຄ່ນ​ລົ້ມອຳນາດ​ລັດ ທີ່​ສົມ​ເດັດ ຮຸນ​ເຊ​ນ ກ່າວ​ວ່າ​ລັດຖະບານ​ວໍ​ຊິງ​ຕັນ​ຄື​ຜູ້​ຢູ່​ເບື້ອງຫລັງ​ການ​ດຳ​ເນີນ​ງານ​ຂອງ​ພັກ CNRP.