ເຈົ້າໜ້າທີ່ສາມາດມ້າງເຄືອຂ່າຍຄ້າ​ຢາ​ເສບ​ຕິດລາຍໃຫຍ່ມາດໍາເນີນຄະດີ

- advert banner 728 90 728x90 - ເຈົ້າໜ້າທີ່ສາມາດມ້າງເຄືອຂ່າຍຄ້າ​ຢາ​ເສບ​ຕິດລາຍໃຫຍ່ມາດໍາເນີນຄະດີ

ເມື່ອທ້າຍອາທິດຜ່ານມານີ້, ​ເຈົ້າໜ້າ​ທີ່​ກົມ​ຕຳຫລວດ​ສະກັດ​ກັ້ນ ​ແລະ ຕ້ານ​ຢາ​ເສບ​ຕິດ, ໄດ້ນໍາກໍາລັງ ລົງມ້າງ​ເຄືອຂ່າຍ​ຄ້າຂາຍ​ຢາ​ເສບ​ຕິດລາຍໃຫຍ່​ຢູ່​ໂຮງ​ແຮມ​ອານຸສອນ, ບ້ານ​ດົງ​ນາ​ທອງ​ເມືອງ​ສີ​ໂຄດ​ຕະບອງນະຄອນຫລວງ​ວຽງ​ຈັນ ແລະ ສາມາດຈັບຕົວ​ຜູ້​ຖືກ​ຫາ​ໄດ້ 7 ຄົນຄື: ທ້າວ ສົມ​ມະນີ ອາຍຸ 50 ປີຢູ່ ບ້ານ​ຫລັກ​ຫີນ, ທ້າວ ລ້ານ ອາຍຸ 37 ປີຢູ່​ບ້ານ​ໂພ​ສີເມືອງ​ສີ​ໂຄດ​ຕະບອງ, ທ້າວ ອຸດົມ ອາຍຸ 31 ປີ, ທ້າວ ​ໄຊ ອາຍຸ 28 ປີ, ທ້າວ ລ້ຽງ ອາຍຸ 43 ປີ​ຢູ່​ບ້ານ​ສຳພັນ​ນາ​ເມືອງ​ສັງ​ທອງ, ນາງ ພອນ ອາຍຸ 45 ປີຢູ່​ບ້ານ​ຫລັກ​ຫີນ​ເມືອງ​ສີ​ໂຄດ​ຕະບອງ ​ແລະ ທ້າວ ເພັດ ອາຍຸ 40 ປີສັນຊາດ​ມຽນມາຢູ່​ບ້ານ​ທ່າ​ຂີ້​ເຫລັກ ​ປະ​ເທດ​ມຽນມາ, ພ້ອມຂອງກາງຢາບ້າຈໍານວນ 106.460 ​ເມັດ, ລົດ​ໃຫຍ່ 4 ຄັນ ​ແລະ ​ເງິນ​ຈຳນວນ​ໜຶ່ງ ຈຶ່ງໄດ້ຢຶດໄວ້ເປັນຫລັກຖານເພື່ອດໍາເນີນຄະດີຕາມລະບຽບກົດໝາຍ.

- lattana 1 - ເຈົ້າໜ້າທີ່ສາມາດມ້າງເຄືອຂ່າຍຄ້າ​ຢາ​ເສບ​ຕິດລາຍໃຫຍ່ມາດໍາເນີນຄະດີ

+ເຈົ້າໜ້າທີ່ສາມາດມ້າງເຄືອຂ່າຍຄ້າ​ຢາ​ເສບ​ຕິດລາຍໃຫຍ່ມາດໍາເນີນຄະດີ

+ປກສ ຈຳປາສັກສາມາດມ້າງເຄືອຂ່າຍຢາເສບຕິດທີ່ອັນຕະລາຍ

ຜ່ານ​ການ​ສືບສວນ-ສອບ​ສວນ​ຂອງ​ເຈົ້າໜ້າ​ທີ່ພວກເຂົາ​ຮັບ​ສາລະພາບ​ວ່າ: ຢາເສບຕິດ​ດັ່ງກ່າວເປັນ​ຂອງຕົນເອງແທ້ ທີ່ໄດ້​ຊື້ຈາກຂະບວນການຄ້າຢາເສບຕິດໃນນະຄອນຫລວງວຽງຈັນ, ​ເພື່ອ​ຈະ​ໄປ​ຂາຍ​ໃຫ້ລູກຄ້າ ແລະ ຄະດີຢາເສບຕິດລາຍນີ້ເຈົ້າໜ້າທີ່ກໍາລັງ​ຂະຫຍາຍ​ຜົນ​ຫາຜູ້ຮ່ວມຂະບວນການ​ເພື່ອຈັບຕົວ​ມາ​ດຳ​ເນີນ​ຄະດີ​.

ຂ່າວ-ພາບ : ຫນັງສືພິມ ປກສ