ສົກປີນີ້ ມີນັກສຶກສາເສັງເຂົ້າ ມຊ ໄດ້ 4838 ຄົນ.

- advert banner 728 90 728x90 - ສົກປີນີ້ ມີນັກສຶກສາເສັງເຂົ້າ ມຊ ໄດ້ 4838 ຄົນ.

ຕາມການຖະແຫລງຂ່າວເປັນທາງການຂອງທ່ານ ສົມສີ ຍໍພັນໄຊ ຮັກສາການອະທິການບໍດີມະຫາວິທະຍາໄລແຫ່ງຊາດ (ມຊ) ເມື່ອບໍ່ດົນມານີ້ວ່າ:  ການສອບເສັງເຂົ້າມະຫາວິທະຍາໄລແຫ່ງຊາດສົກປີ 2017-2018 ນັບວ່າໄດ້ຮັບຄວາມສົນໃຈຈາກນັກສຶກສາຫລາຍສົມຄວນ, ຊຶ່ງມີນັກສຶກສາລົງທະບຽນສະໝັກສອບເສັງທັງໝົດ 18.193 ຄົນ(ຍິງ 8.728 ຄົນ) ທຽບໃສ່ສົກປີຜ່ານມາເພີ່ມຂຶ້ນ 2 ພັນກວ່າຄົນ ແລະ ຜ່ານການສອບເສັງຕົວຈິງສາມາດຄັດເລືອກໄດ້ 4.838 ຄົນທີ່ຈະໄດ້ເຂົ້າສຶກສາໃນລະດັບປະລິນຍາຕີ ໃນ 13 ຄະນະວິຊາຄື: ສຶກສາສາດ 283 ຄົນ, ອັກສອນສາດ 434 ຄົນ, ວິທະຍາສາດສັງຄົມ 576 ຄົນ, ເສດຖະສາດບໍລິຫານ-ທຸລະກິດ 600 ຄົນ, ນິຕິສາດ-ລັດຖະສາດ 240 ຄົນ, ວິທະຍາສາດທຳມະຊາດ 432 ຄົນ, ວິສະວະກຳສາດ 728 ຄົນ, ກະເສດສາດ 192 ຄົນ, ວິທະຍາສາດປ່າໄມ້ 204 ຄົນ, ສະຖາປັດຕະຍາກຳສາດ 224 ຄົນ, ວິທະຍາສາດສິ່ງແວດລ້ອມ 192 ຄົນ, ຊັບພະຍາກອນນໍ້າ 173 ຄົນ ແລະ ວິທະຍາສາດການກິລາ ແລະ ກາຍຍະກຳ 72 ຄົນ, ພ້ອມນີ້ຍັງມີນັກສຶກສາໃນແຜນທັງໝົດ 919 ຄົນ ແລະ ຈະເລີ່ມເປີດການຮຽນໃນວັນທີ 2 ຕຸລາ 2017.

- lattana 1 - ສົກປີນີ້ ມີນັກສຶກສາເສັງເຂົ້າ ມຊ ໄດ້ 4838 ຄົນ.

+ປີນີ້ມີຜູ້ສອບເສັງເຂົ້າມະຫາວິທະຍາໄລ ແຫ່ງຊາດຫລາຍກວ່າ 18 ພັນຄົນໃນ ຂະນະ ມຊ ຮັບເອົາພຽງ 6 ພັນຄົນເທົ່ານັ້ນ

ທ່ານຮັກສາການອະທິການບໍດີມະຫາວິໄລແຫ່ງຊາດ ກ່າວວ່າ: ການສອບເສັງ ເຂົ້າມະຫາວິທະຍາໄລປີນີ້, ແມ່ນມີຄວາມເປັນລະບຽບຮຽບຮ້ອຍ ແລະ ການກວດນັບຄະແນນແມ່ນມີຄວາມທັນສະໄໝ, ວ່ອງໄວ ແລະ ໂປ່ງໃສດີ.