10 ຄຸນປະໂຫຍດດີໆຈາກການຈະເລີນສະຕິ

- WhatsApp Image 2017 07 12 at 9 - 10 ຄຸນປະໂຫຍດດີໆຈາກການຈະເລີນສະຕິ

ການຈະເລີນສະຕິກໍແມ່ນການບໍລິຫານຈິດ ເຊິ່ງການບໍລິຫານຈິດນີ້ຈະສົ່ງເສີມໃຫ້ມີການປ່ຽນແປງໃນທາງທີ່ດີຂອງໂຄງສ້າງສະໝອງ ມີຜົນໃຫ້ການພັດທະນາຈິດໃຈດີຂຶ້ນໄປນຳ ແລະ ຍັງມີຄຸນປະໂຫຍດອື່ນອີກໄດ້ແກ່ :

  1. ເຮັດໃຫ້ສຸຂະພາບຈິດດີຂຶ້ນ ສາມາດຈັດການກັບຄວາມເຄັ່ງຄຽດໄດ້ ແລະ ມີຄວາມສະຫງົບຮົ່ມເຢັນຫລາຍຂຶ້ນ.
  2. ຄວາມຈື່ຈຳດີຂຶ້ນ, ຮຽນຮູ້ສິ່ງຕ່າງໆໄດ້ຫລາຍຂຶ້ນ.
  3. ມີໃຈທີ່ເປັນອິດສະລະ, ບໍ່ຍຶດຕິດ, ເປັນກາງ ແລະ ປາສະຈາກອັກຄະຕິ.
  4. ມີສະມາທິໃນການເຮັດວຽກຫລາຍຂຶ້ນ.
  5. ເຫັນອົກເຫັນໃຈຜູ້ອື່ນຫລາຍຂຶ້ນ, ມີຄວາມເຂົ້າໃຈ ແລະ ໃຫ້ການຊ່ວຍເຫລືອເກື້ອກູນຜູ້ອື່ນ.
  6. ເພີ່ມລະດັບຂອງພູມຕ້ານທານພະຍາດ, ປ້ອງກັນ ແລະ ຫລຸດຄວາມເຈັບປ່ວຍຕ່າງໆໄດ້.
  7. ເຮັດໃຫ້ຈິດໃຈເຂັ້ມແຂງຂຶ້ນ, ພະເຊີນກັບບັນຫາຕ່າງໆໃນຊີວິດໄດ້ຢ່າງກ້າຫານ, ມີສະຕິປັນຍາຮູ້ເທົ່າທັນໂຕເອງ, ຍອມຮັບ ເຫດຮ້າຍທີ່ເກີດຂຶ້ນຢ່າງສະຫງົບເຢັນ ແລະ ມີສະຕິໃນການຈັດການກັບບັນຫາຕ່າງໆໄດ້.
  8. ເຮັດໃຫ້ຮ່າງກາຍຟື້ນຟູໄດ້ໄວຂຶ້ນ.
  9. ມີສະຕິ ແລະ ບໍ່ປະໝາດກັບການໃຊ້ຊີວິດ.
  10. ສາມາດນຳມາບຳບັດພະຍາດທາງຈິດໄດ້ ບໍ່ວ່າຈະເປັນອາການຊຶມເສົ້າ, ຄວາມວິຕົກກັງວົນ, ຄວາມເຄັ່ງຄຽດ ແລະ ພະຍາດທາງກາຍທີ່ເກີດຈາກຈິດ ເຊັ່ນ : ອາການປວດຊຳ້ເຮື້ອ ເປັນຕົ້ນ.
- lattana 1 - 10 ຄຸນປະໂຫຍດດີໆຈາກການຈະເລີນສະຕິ