ສ້າງຄວາມສຸກໃຫ້ຊີວິດຄູ່ຄົນເຮັດວຽກນອກເຮືອນ

- advert banner 728 90 728x90 - ສ້າງຄວາມສຸກໃຫ້ຊີວິດຄູ່ຄົນເຮັດວຽກນອກເຮືອນ

ຫລາຍຄົນຢາກມີຊີວິດຄູ່ທີ່ດີ, ແຕ່ຈະເຮັດແນວໃດໃຫ້ຄວາມຮັກ ແລະ ຊີວິດຄູ່ຂອງເຮົາປະສົບຄວາມສຳເລັດ ແລະ ຢູ່ລອດ ແລະ ຍິ່ງຖ້າຄູ່ຮັກຕ່າງຄົນກໍຕ້ອງເຮັດວຽກນອກເຮືອນຄືກັນທັງສອງ ກໍບໍ່ຮູ້ວ່າຊີວິດຮັກຈະເປັນແນວໃດຕໍ່ໄປ, ຄວາມຫວານ ຄວາມຮັກທີ່ເຄີຍມີໃຫ້ກັນຈະຈືດຈາງລົງຫລືບໍ່.

- lattana 1 - ສ້າງຄວາມສຸກໃຫ້ຊີວິດຄູ່ຄົນເຮັດວຽກນອກເຮືອນ

ໂຄງສ້າງຄອບຄົວເລີ່ມປ່ຽນແປງໄປຕະຫລອດໄລຍະຫລາຍສິບປີທີ່ຜ່ານມາ ທຸກມື້ນີ້ຖືເປັນເລື່ອງປົກກະຕິທີ່ເຮົາຈະເຫັນທັງ ຝ່າຍຍິງ ແລະ ຝ່າຍຊາຍອອກໄປເຮັດວຽກນອກເຮືອນ ແຕກຕ່າງຈາກຄອບຄົວໃນເມື່ອກ່ອນທີ່ຝ່າຍຊາຍເປັນຄົນອອກໄປເຮັດວຽກ ນອກເຮືອນ ແລະ ຝ່າຍຍິງເປັນແມ່ເຮືອນເຝົ້າເຮືອນ. ສຳລັບພໍ່ແມ່ຜູ້ປົກຄອງ ແລະ ຄູ່ແຕ່ງດອງໃໝ່ໆທີ່ຕ້ອງອອກຈາກເຮືອນໄປເຮັດວຽກແຕ່ເຊົ້າທັງສອງ ເຮົາມີຄຳແນະນຳດີໆທີ່ຈະຊ່ວຍໃຫ້ຊີວິດຄູ່ຂອງທ່ານດຳເນີນໄປໄດ້ຢ່າງໝັ້ນຄົງ ເຖິງວ່າຈະຕ້ອງພະເຊີນກັບພາລະໜ້າທີ່ອັນລົ້ນມືກໍຕາມ.

ຄົນບ້າວຽກທັງຫລາຍລ້ວນແຕ່ລໍຄອຍນັບຖອຍຫລັງໃຫ້ເຖິງມື້ພັກທ້າຍອາທິດ ເພາະມັນເປັນໄລຍະເວລາດຽວຂອງອາທິດທ່ີຈະໄດ້ພັກຜ່ອນຈາກການເຮັດວຽກອັນອິດເມື່ອຍເຖິງ 2 ມື້ແບບບໍ່ຖືກຂັດຈັງຫວະ, ມື້ເຮັດວຽກແມ່ນໄລຍະເວລາແຫ່ງຄວາມເຄັ່ງຄຽດທີ່ເຮົາມັກເຮັດວຽກຈົນເດິກດື່ນ ເພື່ອໃຫ້ວຽກເຫລືອຄ້າງໜ້ອຍທີ່ສຸດ. ດັ່ງນັ້ນ, ທ້າຍອາທິດຈຶ່ງເປັນໄລຍະເວລາທີ່ຄູ່ຮັກຈະໄດ້ໃຊ້ເວລາຮ່ວມກັນຢ່າງເຕັມທີ່ ອາດຈະຫາເວລາໄປທ່ຽວຕ່າງແຂວງທີ່ບໍ່ໄກປານໃດ, ອອກໄປກິນເຂົ້າສວາຍນຳກັນໃນມື້ວັນເສົາ ຫລື ນອນຢູ່ເທິງຕຽງເບິ່ງໂທລະພາບນຳກັນໝົດມື້ ເຊິ່ງຫລັກການກໍຄື : ທ່ານຄວນຈະໃຊ້ເວລາກັບຄູ່ຮັກຂອງທ່ານໃຫ້ເຕັມທີ່ເພື່ອຊົດເຊີຍເວລາທີ່ໝົດໄປກັບການເຮັດວຽກມາຕະຫລອດ 5 ມື້ ຖືວ່າເປັນການພັກຜ່ອນຮ່າງກາຍ ແລະ ສະໝອງໄປໃນໂຕນຳອີກ.