ປ້ອງກັນການເປັນໄຂ້ຫວັດໃນຍາມອາກາດປ່ຽນແປງ

- advert banner 728 90 728x90 -  ປ້ອງກັນການເປັນໄຂ້ຫວັດໃນຍາມອາກາດປ່ຽນແປງ

ໄລຍະທີ່ອາກາດມີການປ່ຽນແປງ ຝົນຕົກຫລາຍຂຶ້ນ, ບຶດຮ້ອນ, ບຶດໜາວ ຜູ້ທີ່ມີພູມຕ້ານທານຮ່າງກາຍອ່າວຕໍ່າ ຫລື ສຸຂະພາບອ່ອນແອຍ້ອນປັບໂຕບໍ່ທັນ ຈຶ່ງເຈັບໄຂ້ໄດ້ງ່າຍ ໂດຍສະເພາະພະຍາດຕິດເຊື້ອທາງລົມຫາຍໃຈຈຳພວກໄຂ້ຫວັດ ຫລື ໄຂ້ຫວັດໃຫຍ່ທີ່ຕິດຕໍ່ກັນໄດ້ງ່າຍນັ້ນ ເຮົາຈຶ່ງຍິ່ງຈຳ ເປັນຕ້ອງກຽມຮ່າງກາຍໃຫ້ພ້ອມໃນການປ້ອງກັນພະຍາດຕິດຕໍ່ເຫລົ່ານີ້ ເຊິ່ງມີວິທີການເບິ່ງແຍງດູແລຕົນເອງງ່າຍໆດັ່ງຕໍ່ໄປນີ້ :

- lattana 1 -  ປ້ອງກັນການເປັນໄຂ້ຫວັດໃນຍາມອາກາດປ່ຽນແປງ

– ເມື່ອຮູ້ໂຕວ່າເລີ່ມປ່ວຍເລີ່ມເປັນໄຂ້ ບໍ່ສະບາຍ ຮູ້ສຶກອ່ອນເພຍ ນອນບໍ່ພໍ ຍິ່ງບໍ່ຄວນເຂົ້າໄປສ່ຽງໃນແຫ່ລງຊຸມຊົນທີ່ມີຄົນຢູ່ຫລາຍ ບໍ່ວ່າຈະແມ່ນຕະຫລາດ, ສູນການຄ້າ, ຫ້າງສັບພະສິນຄ້າ, ໂຮງໝໍ  ເພາະວ່າຮ່າງກາຍໃນໄລຍະນີ້ມີພູມຕ້ານທານຕໍ່າ ຈະສ່ຽງຕໍ່ການຕິດເຊື້ອໄດ້ງ່າຍ.

– ໝັ່ນລ້າງມືເລື້ອຍໆດ້ວຍສະບູ ຫລື ຫາກບໍ່ສະດວກໃນການລ້າງມື ຈະໃຊ້ເຈວອານກໍຮໍມາເຊັດກໍໄດ້ ຊ່ວຍປ້ອງກັນເຊື້ອພະຍາດຕ່າງໆໄດ້ດີ ຍິ່ງຫາກຢູ່ໃນໄລຍະທີ່ກຳລັງມີອາການໄອ ຫລື ຈາມ ຍິ່ງຄວນໝັ່ນລ້າງມືເລື້ອຍໆ ເພາະຫາກເອົາມືໄປສຳຜັດກັບດວງຕາກໍອາດຕິດເຊື້ອຕາອັກເສບໄດ້ ຫລື ໄປຈັບສິ່ງຂອງກໍຈະເທົ່າກັບເປັນການແຜ່ເຊື້ອໃຫ້ຜູ້ອື່ນອີກທາງໜຶ່ງ.

– ຫລີກເວັ້ນ ແລະ ຢູ່ຫ່າງຈາກຄົນປ່ວຍທີ່ມີອາການຫວັດ ເຊິ່ງຫາກຫລີກເວັ້ນບໍ່ໄດ້ກໍຄວນໃສ່ຜ້າອັດປາກທຸກເທື່ອ ຈະຊ່ວຍປ້ອງກັນເຊື້ອຫວັດ ແລະ ພະຍາດທາງລົມຫາຍໃຈໄດ້ດີ.

– ໝັ່ນອອກກຳລັງກາຍຢ່າງສະໝໍ່າສະເໝີ ແລ້ວພັກຜ່ອນໃຫ້ພຽງພໍ.

– ດື່ມນຳ້ສະອາດຢ່າງໜ້ອຍມື້ລະ 2 ລິດ.

– ຫາກໃນເຮືອນຂອງທ່ານມີເດັກນ້ອຍ ຫລື ຜູ້ເຖົ້າທີ່ເຈັບປ່ວຍຄ້າຍຄືໄຂ້ຫວັດໃຫຍ່ຄວນຟ້າວໄປໂຮງໝໍ ແລະ ຄວນປ້ອງກັນການແຜ່ເຊື້ອໃຫ້ແກ່ຜູ້ອື່ນນຳ ໂດຍການບໍ່ໄປໃກ້ຊິດກັນ, ໃຊ້ຜ້າອັດປາກອັດດັງເມື່ອໄອ ຫລື ຈາມ ແລະ ໝັ່ນລ້າງມືເລື້ອຍໆ.

– ສຳລັບກຸ່ມຜູ້ສ່ຽງ ທັງເດັກນ້ອຍ, ຜູ້ເຖົ້າ, ຜູ້ເຈັບປ່ວຍເຊື້ອພະຍາດຊຳ້ເຮື້ອ, ຜູ້ທີ່ມີພະຍາດປະຈຳໂຕຢູ່ແລ້ວ ຄວນສັກວັກແຊັງປ້ອງກັນໄຂ້ຫວັດໃຫຍ່ໄວ້ຈະດີກ່ວາ.

– ວິທີການປ້ອງກັນຕົນເອງຈາກພະຍາດຕິດຕໍ່ທາງລົມຫາຍໃຈຂ້າງຕົ້ນນີ້ ບໍ່ພຽງແຕ່ຈະຊ່ວຍປ້ອງກັນພະຍາດໄຂ້ຫວັດ ຫລື ໄຂ້ຫວັດໃຫຍ່ໄດ້ເທົ່ານັ້ນ, ແຕ່ຍັງສາມາດປ້ອງກັນພະຍາດຕ່າງໆທີ່ເປັນພະຍາດລະບາດ ບໍ່ວ່າຈະເປັນພະຍາດຖອກທ້ອງ, ພະຍາດຕາແດງ, ວັນນະໂລກ, ພະຍາດຕິດຕໍ່ທາງຜິວໜັງ ແລະອື່ນໆໄດ້ນຳ.