ຜູ້ນຳຈີນເຜີຍເສດຖະກິດໂລກ ຟື້ນຕົວແຕ່ຍັງມີປັດໄຈສ່ຽງ

- WhatsApp Image 2017 07 12 at 9 - ຜູ້ນຳຈີນເຜີຍເສດຖະກິດໂລກ ຟື້ນຕົວແຕ່ຍັງມີປັດໄຈສ່ຽງ

- 564dd27308064bb893dd54db8ffa2cb3 - ຜູ້ນຳຈີນເຜີຍເສດຖະກິດໂລກ ຟື້ນຕົວແຕ່ຍັງມີປັດໄຈສ່ຽງ

- lattana 1 - ຜູ້ນຳຈີນເຜີຍເສດຖະກິດໂລກ ຟື້ນຕົວແຕ່ຍັງມີປັດໄຈສ່ຽງ

ປະທານ​ປະ​ເທດ ສີ​ຈິ້ນຜິ​ງ ຂອງ​ຈີນ ກ່າວ​ສູນ​ທອນ​ພົດ​ລະຫວ່າງ​ກອງ​ປະຊຸມ​ຜູ້ນຳ​ກຸ່ມ​ປະ​ເທດ​ຕະຫລາດ​ເກີ​ດ​ໃໝ່ ​ແລະ ປະ​ເທດ​ກຳລັງ​ພັດທະນາ ​ໃນ​ວັນ​ທີ 5 ກັນຍາ​ນີ້​ວ່າ: ​ເສດຖະກິດ​ໂລກ​ຟື້ນຕົວ​ດີ​ຂຶ້ນ, ​ແຕ່​ປັດ​ໄຈ​ສ່ຽງ​ກໍ​ເພີ່ມ​ຂຶ້ນ​ເຊັ່ນ​ກັນ.

ຈີນ​ເປັນ​ເຈົ້າພາບ​ຈັດ​ກອງ​ປະຊຸມ​ຜູ້ນຳ​ກຸ່ມ​ປະ​ເທດ​ເສດຖະກິດ​ຊັ້ນນຳ 5 ປະ​ເທດ (ກຸ່ມ​ບຣິກສ໌) ກັບປະ​ເທດ​ຕະຫລາດ​ເກີດ​ໃໝ່ ​ແລະ ປະ​ເທດ​ກຳລັງ​ພັດທະນາ ຢູ່​ເມືອງ​ເຊ້ຍ​ເໝິນ ທາງ​ຕາ​ເວັນ​ອອກສຽງ​ໃຕ້​ຂອງ​ປະ​ເທດ.

ປະທານ​ປະ​ເທດ ສີ​ຈິ້ນຜິ​ງ ກ່າວ​ວ່າ: ກຸ່ມ​ປະ​ເທດ​ຕະຫລາດ​ເກີດ​ໃໝ່ ​ແລະ ປະ​ເທດ​ກຳລັງ​ພັດທະນາ​ເປັນ​ແຮງ​ຂັບ​ເຄື່ອນ​ສຳຄັນ​ຕໍ່​ການ​ຂະຫຍາຍຕົວ​ຂອງ​ເສດຖະກິດ​ໂລກ ​ແລະ ກ່າວ​ວ່າ: ​ແຕ່ລະ​ປະ​ເທດ​ຕ້ອງ​ຊ່ວຍ​ກັນ​ສ້າງ​ລະບົບ​ເສດຖະກິດ​ແບບ​ເປີດຜ່ານ​ການ​ເຮັດ​ວຽກ​ຮ່ວມ​ກັນ​ຢ່າງ​ໃກ້ຊິດ. ທັງ​ນີ້ ​ເສດຖະກິດ​ໂລກ​ມີ​ທ່າ​ອ່ຽງດີ​ຂຶ້ນ, ການ​ຄ້າ ​ແລະ ການ​ລົງທຶນ​ລະຫວ່າງ​ປະ​ເທດ​ລ້ວນ​ເພີ່ມ​ຂຶ້ນ, ​ແຕ່​ໃນ​ຂະນະ​ດຽວ​ກັນ ຄວາມ​ສ່ຽງ ​ແລະ ຄວາມ​ບໍ່​ແນ່ນອນ​ກໍ​ມີ​​ເພີ່ມ​ຂຶ້ນ​ເປັນ​ເງົາ​ຕາມ​ຕົວ​ເຊັ່ນ​ກັນ.

ປະທານປະ​ເທດ ສີ​ຈິ້ນຜິ​ງ ອະທິບາຍ​ວ່າ: ການ​ເດີນ​ໜ້າການ​ເຈລະຈາ​ການ​ຄ້າ​ໃນ​ລະດັບ​ພະຫຸ​ພາຄີ​ເຕັມ​ໄປ​ດ້ວຍ​ອຸປະສັກ, ຂະນະ​ທີ່​ການ​ເຮັດ​ຂ້ໍ​ຕົກລົງ​ປາຣີກໍ​ຖືກ​ຕໍ່ຕ້ານ, ບາງ​ປະ​ເທດ​ຫັນ​ໄປ​ເບິ່ງ​ແຕ່​ຜົນ​ປະ​ໂຫຍ​ດຂອງ​ປະ​ເທດ​ຕົນ​ເອງ​ເປັນ​ຫລັກ ​ແລະ ຕີ​ຕົນ​ອອກ​ຫ່າງ​ຈາກ​ການ​ໃຫ້ການ​ຮ່ວມ​ມື​ພັດທະນາ​ສິ່ງ​ຕ່າງໆ. ກ່ອນ​ໜ້າ​ນີ້, ປະທານາທິບໍດີ ​ໂດ​ນັນ ທຣຳ ຂອງ​ອາ​ເມ​ລິ​ກາ ຮຽກຮ້ອງ​ໃຫ້​ມີ​ການ​ທົບ​ທວນ​​ເງື່ອນ​ໄຂ​ຂໍ້​ຕົກລົງ​ການ​ຄ້າ​ເສລີ​ອາ​ເມ​ລິ​ກາ​ເໜືອ ຫລື NAFTA ບໍ່​ສະນັ້ນຂູ່​ວ່າ: ອາ​ເມ​ລິ​ກາ​ຈະ​ຖອນ​ຕົວ​ອອກ​ຈາກ​ຂໍ້​ຕົກລົງ​ດັ່ງກ່າວ. ນອກຈາກ​ນີ້ ທ່າ​ນຍັງ​ກ່າວ​ວ່າ: ຈະ​ໃຫ້​ອາ​ເມ​ລິ​ກາ​ຖອນ​ຕົວ​ອອກ​ຈາກ​ຂໍ້​ຕົກລົງ​ວ່າ​ດ້ວຍ​ການ​ປ່ຽນ​ແປງ​ສະພາບ​ອາກາດ​ນຳ​ອີກ.