ຂຽນຈົດໝາຍສະໝັກວຽກແນວໃດໃຫ້ໜ້າສົນໃຈກວ່າ

- advert banner 728 90 728x90 - ຂຽນຈົດໝາຍສະໝັກວຽກແນວໃດໃຫ້ໜ້າສົນໃຈກວ່າ

ເຊື່ອຫລືບໍ່ວ່າຝ່າຍຊັບພະຍາກອນບຸກຄົນໃຊ້ເວລາໂດຍສະເລ່ຍພຽງ 6 ວິນາທີ ໃນການຊອກຫາຄວາມໜ້າສົນໃຈຈາກຈົດໝາຍສະໝັກວຽກທີ່ກອງຢູ່ເຕັມໂຕະເຮັດວຽກຂອງເຂົາເຈົ້າ ແລະ ວິທີໜຶ່ງທີ່ຈະເຮັດໃຫ້ຝ່າຍບຸກຄົນສົນໃຈກັບໃບສະໝັກວຽກຂອງທ່ານໄດ້ນັ້ນຕ້ອງປະກອບດ້ວຍ 8 ອົງປະກອບສຳຄັນໃຫ້ມີຄວາມໜ້າສົນໃຈຫລາຍຍິ່ງຂຶ້ນ.

  1. ໃສ່ເບີໂທລະສັບ ແລະ ອີເມວພຽງອັນດຽວທີ່ສາມາດຕິດຕໍ່ໄດ້ຕະຫລອດເວລາໃສ່ເທິງຊອງຈົດໝາຍສະໝັກວຽກ : ເພື່ອໃຫ້ນາຍຈ້າງຈະເຫັນໄດ້ຢ່າງຈະແຈ້ງເມື່ອຢາກຕິດຕໍ່ນັດສຳພາດວຽກ ແລະ ເພື່ອໃຫ້ທ່ານບໍ່ພາດການຕິດຕໍ່ນັດສຳພາດວຽກ ແລະ ເພື່ອໃຫ້ທ່ານບໍ່ພາດການຕິດຕໍ່ ຫາກນາຍຈ້າງໂທໄປອີກເບີທີ່ທ່ານບໍ່ໄດ້ໃຊ້ ຫລື ອີເມວທີ່ທ່ານບໍ່ໄດ້ເຊັກຢູ່ຕະຫລອດ.
  2. ບໍ່ຈຳເປັນຕ້ອງໃສ່ຈຸດມຸ່ງໝາຍໃນອາຊີບ (Career Objective) ຫາກມັນບໍ່ໄດ້ເປັນປະໂຫຍດຕໍ່ບໍລິສັດ : ການຂຽນ Career Objective ປະມານວ່າຕ້ອງການປະສົບການໃນວຽກ ຫລື ໂອກາດໃນການພັດທະນາທັກສະຄວາມສາມາດ ບໍ່ໄດ້ເຮັດ ໃຫ້ທ່ານເບິ່ງໜ້າສົນໃຈຫລາຍຂຶ້ນ ຄວນຕັດມັນຖິ້ມ ເພື່ອທີ່ທ່ານຈະມີພື້ນທີ່ສຳລັບສະແດງຈຸດເດັ່ນຢ່າງອື່ນດີກ່ວາ.
  3. ໃສ່ສະຫລຸບປະຫວັດສ່ວນໂຕ (Executive Summary) ແທນ Career Objective : ການຂຽນ Executive Summary ເປັນການສະຫລຸບໂດຍຫຍໍ້ກ່ຽວກັບໂຕທ່ານ ເຊັ່ນ : ຈຸດເດັ່ນ, ຄຸນສົມບັດ ແລະ ຄຸນຄ່າທີ່ທ່ານມີຕໍ່ບໍລິສັດ ປະມານ 3 – 5 ຂໍ້ ເພື່ອໃຫ້ນາຍຈ້າງຮູ້ຈັກທ່ານຫລາຍຂຶ້ນ.
  4. ໃຊ້ໂຕຫຍໍ້ດຽວກັບທີ່ລະບຸໃນປະກາດວຽກ : ໂຕຫຍໍ້ທີ່ລະບຸໃນປະກາດວຽກແມ່ນຄຸນສົມບັດທີ່ນາຍຈ້າງຕ້ອງການ ທ່ານຈຶ່ງ ຄວນໃຊ້ໂຕຫຍໍ້ໃນຈົດໝາຍສະໝັກວຽກຂອງທ່ານໃຫ້ກົງກັນໂຕຫຍໍ້ໃນປະກາດວຽກນຳ ເມື່ອຝ່າຍບຸກຄົນຊອກເບິ່ງຈົດໝາຍສະໝັກວຽກຂອງທ່ານກໍຈະສົນໃຈກັບໂຕຫຍໍ້ທີ່ກົງກັນກັບຄວາມຕ້ອງການຂອງເຂົາທັນທີ.
  5. ໃຫ້ຂໍ້ມູນບໍລິສັດທີ່ທ່ານເຄີຍເຮັດວຽກ : ຫາກນາຍຈ້າງໄດ້ຮູ້ວ່າທ່ານເຄີຍເຮັດວຽກໃນອຸດສາຫະກຳໃດ, ບໍລິສັດຂະໜາດໃຫຍ່ ຫລື ນ້ອຍມາກ່ອນ ຈະຊ່ວຍເຮັດໃຫ້ການຕັດສິນໃຈງ່າຍຂຶ້ນ ຫາກທ່ານຕໍ່ຍອດໃນອຸດສາຫະກຳດຽວກັນ ຢ່າລືມທີ່ຈະບອກໃຫ້ນາຍຈ້າງຮູ້, ແຕ່ຫາກທ່ານຢາກປ່ຽນວຽກໄປຫາອຸດສາຫະກຳອື່ນອາດເລືອກຈຳກັດໃສ່ຂະໜາດຂອງບໍລິສັດແທນ.
  6. ລະບຸຄວາມສຳເລັດເປັນຂໍ້ໆທາງລຸ່ມຂອງປະສົບການການເຮັດວຽກໃນແຕ່ລະບ່ອນ ຄວນບັນລະຍາຍເຖິງຄວາມສຳເລັດທີ່ທ່ານໄດ້ເຮັດໃຫ້ກັບທີມ ຫລື ບໍລິສັດທ່ີຜ່ານມາ ໂດຍເລີ່ມຈາກຜົນທ່ີໄດ້ ແລ້ວຈຶ່ງຕາມມາດ້ວຍວິທີການໄດ້ມາເຊິ່ງຜົນນັ້ນ ເຊັ່ນ : ເພີ່ມຍອດຂາຍ 40% ຕໍ່ເດືອນໂດຍການ … ຄວາມຍາວປະມານ 2 – 5 ຂໍ້.
  7. ປະຫວັດການສຶກສາເອົາໄວ້ທ້າຍສຸດ : ຫາກທ່ານບໍ່ແມ່ນນັກສຶກສາຈົບໃໝ່ ຄວນເນັ້ນໃສ່ປະສົບການການເຮັດວຽກເປັນ ຫລັກ. ສ່ວນປະຫວັດການສຶກສາຄວນຍ້າຍໄປໄວ້ຕອນທ້າຍຂອງຈົດໝາຍສະໝັກວຽກ ແລະ ບໍ່ຈຳເປັນຕ້ອງໃສ່ປະຫວັດການສຶກສາລະດັບມັດທະຍົມລົງໄປ.
  8. ບໍ່ລະບຸຂໍ້ມູນບຸກຄົນອ້າງອີງ (References upon request) : ຝ່າຍບຸກຄົນຮູ້ດີຢູ່ແລ້ວວ່າຜູ້ສະໝັກຄວນຈະໃຫ້ຂໍ້ມູນບຸກຄົນອ້າງອີງກໍຕໍ່ເມື່ອຝ່າຍບຸກຄົນຮ້ອງຂໍ ຈຶ່ງບໍ່ມີເຫດຜົນທີ່ຈະຕ້ອງໃສ່ປະໂຫຍກນີ້ລົງໄປໃນຈົດໝາຍສະໝັກວຽກຂອງທ່ານ ຢ່າລືມວ່າພື້ນທີ່ໃນຈົດໝາຍສະໝັກວຽກຂອງທ່ານມີຄ່າຫລາຍກ່ວາຈະເສຍໄປກັບສິ່ງທີ່ບໍ່ເປັນປະໂຫຍດໃດໆ.
- lattana 1 - ຂຽນຈົດໝາຍສະໝັກວຽກແນວໃດໃຫ້ໜ້າສົນໃຈກວ່າ