ເສດຖະກິດອົດສະຕຣາລີແຂງແກ່ນຂຶ້ນ ຫລັງຊຸດໂຊມໃນໄລຍະຕົ້ນປີນີ້

- advert banner 728 90 728x90 - ເສດຖະກິດອົດສະຕຣາລີແຂງແກ່ນຂຶ້ນ ຫລັງຊຸດໂຊມໃນໄລຍະຕົ້ນປີນີ້

ຂໍ້​ມູນ​ທາງ​ການ​ອົດ​ສະຕຣາລີ​ລະບຸ​ວ່າ: ​ເສດຖະກິດ​ອົດ​ສະຕຣາລີ​ຫລຸດ​ພົ້ນຈາກ​ສະພາບ​ຊຸດ​ໂຊມ​ນັບ​ແຕ່​ຕົ້ນປີ​ນີ້ ​ໂດຍ​ເລີ່​ມ​ແຂງ​ແຮງ​ຂຶ້ນ ​ດ້ວຍ​ແຮງ​ໜຸນ​ຈາກ​ການ​ໃຊ້​ຈ່າຍ​ຂອງ​ພາກ​ລັດ ​ແລະ ຜູ້​ບໍລິ​ໂພ​ກ ​ເຮັດ​ໃຫ້​ຕົວ​ເລກ​ເສດຖະກິດ​ຢູ່​ໃນ​ລະດັບ​ເຕີບ​ໃຫຍ່​ເປັນ​ປະຫວັດສາດ.

- lattana 1 - ເສດຖະກິດອົດສະຕຣາລີແຂງແກ່ນຂຶ້ນ ຫລັງຊຸດໂຊມໃນໄລຍະຕົ້ນປີນີ້

ສຳນັກ​ງານ​ສະຖິຕິ​ແຫ່ງ​ຊາດ​ອົດ​ສະຕຣາລີ ລາຍ​ງານ​ໃນ​ວັນ​ທີ 6 ກັນຍາ​ນີ້​ວ່າ: ການ​ເຕີບ​ໃຫຍ່​ທາງ​ເສດຖະກິດ​ໃນ​ໄຕ​ມາດ​ສອງ​ຂອງ​ອົດ​ສະຕຣາລີ​ບັນລຸ 0,8% ພາຍຫລັງ​ຢູ່​ໃນ​ລະດັບ 0,3% ​​ໄລຍະ​ໄຕ​ມາດ​ເດືອນ​ມັງກອນ-ມີນາ ​ເຮັດ​ໃຫ້​ອັດຕາ​ການ​ຂະຫຍາຍຕົວ​ຕໍ່​ປີ​ບັນລຸ 1,8%. ທ່ານ ສະ​ກອດ ມໍຣິສັນ ລັດຖະມົນຕີ​ການ​ເງິນ​ອົດ​ສະຕຣາລີ ຖະ​ແຫລ​ງຕໍ່​ສື່​ມວນ​ຊົນ​ຢູ່​ນະຄອນຫລວງ​ແກນ​ເບີຣາວ່າ: ຕົວ​ເລກ​ເສດຖະກິດ​ໄຕ​ມາດ​ເດືອນ​ມິຖຸນາ​ນີ້​ເປັນ​ໄປ​ຢ່າງ​ແຂງ​ແຮງ ​ແລະ ​ເຕີບ​ໃຫຍ່​ຢ່າງ​ສົມ​ດູ​ນ. ຕົວ​ເລກ​ເສດຖະກິດ​ທີ່​ຂະຫຍາຍຕົວ​ຂອງ​ອົດ​ສະຕຣາລີ​ມີ​ຂຶ້ນພາຍຫລັງ​ເສດຖະກິດ​ອົດ​ສະຕຣາລີ​ຂຶ້ນອັນ​ດັບ​ເສດຖະກິດ​ເຕີບ​ໃຫຍ່​ເປັນ​ປະຫວັດສາດ​ຂອງ​ໂລກ​ໃນ​ຮອບ 26 ປີ ​ໂດຍ​ບໍ່​ມີ​ສະພາບ​ຫລຸດ​ຖອຍ, ​ເຖິງ​ວ່າການ​ເຕີບ​ໃຫຍ່​ຈະ​ຊ້າ​ລົງ​ເລັກ​ໜ້ອຍ​ໃນ​ໄລຍະ​ຕົ້ນປີ​ນີ້​ຈາກ​ຜົນ​ກະທົບ​ຂອງ​ໄຊ​ໂຄຣນ​ເດັບ​ບີ​ລະດັບ 4 ທາງ​ຕາ​ເວັນອອກ​ຂອງ​ອົດ​ສະຕຣາລີ, ​ເງິນ​ໂດ​ລາ​ອົດ​ສະຕຣາລີ​ອ່ອນ​ຄ່າ​ລົງ​ເລັກ​ໜ້ອຍ​ມາ​ຢູ່​ຕໍ່າ​ກວ່າ 80 ​ເຊ​ນອາ​ເມ​ລິ​ກາ ຫລັງ​ເປີດ​ເຜີຍ​ລາຍ​ງານ​ເສດຖະກິດ ​ໂດຍ​ນັກ​ລົງທຶນ​ຜິດ​ຫວັງ​ຕໍ່​ຕົວ​​ເລກ​ລວມຍອດ​ຜະລິດ​ຕະພັນ​ພາຍ​ໃນ (GDP) ຫລ້າ​ສຸດ​ເຕີບ​ໃຫຍ່​ໜ້ອຍ​ກວ່າ​ນັກວິ​ເຄາະ​ຄາດ​ຄະ​ເນ​ໄວ້.