ນະຄອນຫລວງກຽມຕິດຕັ້ງຮາວເຫລັກກັ້ນຂອບທາງເຂດຕະຫລາດເຊົ້າຕາມແຜນຈັດສັນຄວາມເປັນລະບຽບ

- advert banner 728 90 728x90 - ນະຄອນຫລວງກຽມຕິດຕັ້ງຮາວເຫລັກກັ້ນຂອບທາງເຂດຕະຫລາດເຊົ້າຕາມແຜນຈັດສັນຄວາມເປັນລະບຽບ

ເມື່ອທ້າຍອາທິດຜ່ານມາ, ພະແນ​ກ​ໂຍທາ​ທິການ ​ແລະ ຂົນ​ສົ່ງນະຄອນຫລວງ​ວຽງ​ຈັນ, ໄດ້ເຊີນພາກສ່ວນ​ທີ່​ກ່ຽວຂ້ອງຕ່າງໆ ແລະ ຊາວຄ້າຂາຍທີ່ຢູ່ໃກ້ບໍລິເວນຕະຫລາດເຊົ້າ, ເສັ້ນທາງຄູວຽງ, ເສັ້ນທາງໜອງບອນ ເພື່ອຮ່ວມປຶກສາ​ຫາລື ແລະ ໃຫ້ການຮ່ວມມືໃນການຕິດ​ຕັ້ງຮາວເຫລັກກັ້ນ​ຂອບ​ທາງ​ຍ່າງ​ຕາມສາຍທາງດັ່ງກ່າວ.

- lattana 1 - ນະຄອນຫລວງກຽມຕິດຕັ້ງຮາວເຫລັກກັ້ນຂອບທາງເຂດຕະຫລາດເຊົ້າຕາມແຜນຈັດສັນຄວາມເປັນລະບຽບ

ທ່ານຫົວໜ້າພະແນກໂຍທາທິການ ແລະ ຂົນສົ່ງ ກ່າວວ່າ: ກ່ອນນີ້ການ​ຕິດຕັ້ງຮາວດັ່ງກ່າວແມ່ນປະຊາຊົນ, ຊາວຄ້າຂາຍ ແລະ ຫ້າງຮ້ານຈໍານວນໜຶ່ງຢູ່ໃນບໍລິເວນດັ່ງກ່າວ​ບໍ່​ເຫັນ​ດີ​ປານ​ໃດ, ເພາະພວກເຂົາຄິດວ່າອາດຈະສົ່ງ​ຜົນ​ກະທົບຕໍ່​ການ​ຄ້າຂາຍ ແລະ ດໍາເນີນທຸລະກິດຂອງເຂົາເຈົ້າ, ແຕ່ຜ່ານການລົງສໍາຫລວດຕົວຈິງຂອງພາກສ່ວນກ່ຽວຂ້ອງແລ້ວເຫັນວ່າບໍ່ມີຜົນກະທົບແຕ່ຢ່າງໃດ, ພ້ອມທັງສາມາດ​ແກ້​ໄຂສະພາບ​ການ​ສັນຈອນແອອັດ, ການຈອດລົດຊະຊາຍ​, ການຂ້າມທາງຢ່າງບໍ່ມີລະບຽບ ແລະ ສ້າງຄວາມບໍ່​​ຈົບງາມ​ຂອງ​ຕົວ​ເມືອງນໍາດ້ວຍ.

ທ່ານຫົວໜ້າພະແນກດັ່ງກ່າວ ໃຫ້ຮູ້ວ່າ: ຮາວເຫລັກທີ່ຈະຕິດຕັ້ງນີ້, ສູງປະມານ 120 ຊັງຕີແມັດ ແລະ ໄດ້ກໍານົດ 2 ຈຸດ ຄື: ​ແຕ່ 4 ​ແຍກ​ໄຟ​ແດງ​ແພດສາດຫາ 4 ​ແຍກ​ໄຟ​ແດງ​ວັດ​ທາດ​ຝຸ່ນ​,​ ມີຄວາມ​ຍາວ​ 500 ​​ແມັດ, ໂດຍຈະ​ຈົ່ງ​ຫວ່າງໃຫ້ຄົນ​ຍ່າງ​ຂ້າມ​ທາງປະມານ 4-5 ຈຸດ ແລະ ອີກຈຸດໜຶ່ງແມ່ນ​ເບື້ອງ​ຫ້ອງການໄປສະນີ, ​ແຕ່​ໄຟ​ແດງ​ແພດສາດ​ຫາ​ໄຟ​ແດງ​ໄປສະນີ ​ແລະ ໜ້າ​ຄອກ​ລົດ​ຕະຫລາດ​ເຊົ້າມີ​ຄວາມ​ຍາວ 400 ​ແມັດ ແລະ ຄາດວ່າຈະເລີ່ມລົງມື​ຈັດຕັ້ງປະຕິບັດ​ໃນ​ໄວໆ​ນີ້.