ຂົວຂ້າມນ້ຳຂອງປາກລາຍ-ຊະນະຄາມຈະເປີດນຳໃຊ້​ໃນກາງ​ເດືອນນີ້

- advert banner 728 90 728x90 - ຂົວຂ້າມນ້ຳຂອງປາກລາຍ-ຊະນະຄາມຈະເປີດນຳໃຊ້​ໃນກາງ​ເດືອນນີ້

​ເຈົ້າ​ໜ້າ​ທີ່ຮັບຜິດຊອບໂຄງການກໍ່ສ້າງຂົວຂ້າມນ້ຳຂອງລະຫວ່າງ​ເມືອງປາກລາຍແຂວງ​ໄຊ​ຍະ​ບູລີ-​ເມືອງຊະນະຄາມ​ແຂວງ​ວຽງ​ຈັນ, ໂດຍຈະເລັ່ງສ້ອມແປງໃຫ້ສຳ​ເລັດເພື່ອສາມາດເປີດນໍາໃຊ້ໃນການເດືອນກັນຍານີ້.

- lattana 1 - ຂົວຂ້າມນ້ຳຂອງປາກລາຍ-ຊະນະຄາມຈະເປີດນຳໃຊ້​ໃນກາງ​ເດືອນນີ້

ທ່ານ ບົວວຽງ ຈຳປາພັນ ຫົວໜ້າໂຄງການດັ່ງກ່າວ ໃຫ້ຮູ້ວ່າ: ການກໍ່ສ້າງຂົວຂ້າມນ້ຳຂອງລະຫວ່າງບ້ານນາສັກເມືອງປາກລາຍແຂວງໄຊຍະບູລີ ຫາບ້ານຄົກເຂົ້າດໍເມື​ອງຊະນະຄາມແຂວງວຽງຈັນແມ່ນໄດ້ສຳເລັດ 100% ໃນເດືອນເມສາຜ່ານມາ ຕາມກຳນົດເວລາໃນສັນຍາ, ​ແຕ່ເພື່ອຮັບປະກັນດ້ານຄວາມປອດໄພ, ຄຸນນະພາບ ແລະ ອາຍຸການໃຊ້ງານທາງໂຄງການຈຶ່ງເຫັນວ່າມີຄວາມຈຳເປັນຕ້ອງເພີ່ມໜ້າວຽກເຂົ້າຕື່ມ​ຄື: ທາສີຄືນໃໝ່, ພ້ອມ​ປູຢາງຂົ້ວ (ອັດສະຟານ) ອີກຊັ້ນໜຶ່ງ ເພື່ອທັບບໍລິເວນໜ້າຂົວ, ຊຶ່ງປັດຈຸບັນວຽກທາສີໄດ້ສຳເລັດແລ້ວ ​ແລະ ວຽກປູຢາງກໍພວມກຳລັງລົງມືປະຕິບັດ.

ທ່ານກ່າວວ່າ: ພວກ​ເຮົາສຸດທີ່ເຫັນໃຈປະຊາຊົນທີ່ຂ້າມບັກ​ແມ່ນມີຄວາມຫຍຸ້ງຍາກ, ເສຍເວລາ ແລະ ມີຄວາມສ່ຽງ, ແຕ່ເພື່ອຮັບປະກັນຄວາມປອດໄພ ​ແລະ ການນຳໃຊ້ຂົວ ຈຶ່ງຈຳ​ເປັນຕ້ອງໄດ້ປັບປຸງບາງຈຸດຄືນໃໝ່, ຈຶ່ງບໍ່ສາມາດໃຫ້ລົດສັນຈອນຜ່ານຂົວໄດ້, ​ແຕ່ເຖິງຢ່າງໃດກໍຕາມ ທາງໂຄງການຈະສຸມໃສ່ຈັດຕັ້ງປະຕິບັດໃຫ້ສຳເລັດໂດຍໄວ, ເພື່ອສາມາດຕອບສະໜອງຄວາມຮຽກຮ້ອງຕ້ອງການອັນຮີບດ່ວນຂອງປະຊາຊົນ.