ບໍ່ຢາກເຈັບທ້ອງນ້ອຍເວລາເປັນປະຈຳເດືອນຕ້ອງເຮັດແນວໃດ ?

- WhatsApp Image 2017 07 12 at 9 - ບໍ່ຢາກເຈັບທ້ອງນ້ອຍເວລາເປັນປະຈຳເດືອນຕ້ອງເຮັດແນວໃດ ?
  1. ເຮັດຈິດໃຈໃຫ້ເບີກບານ, ຫລຸດຄວາມເຄັ່ງຄຽດ, ເບິ່ງໂລກໃນແງ່ດີ, ເຮັດອາລົມໃຫ້ສົດຊື່ນແຈ່ມໃສຢູ່ຕະຫລອດເວລາ ສິ່ງ ເຫລົ່ານີ້ຊ່ວຍປັບລະບົບຮໍໂມນໃນຮ່າງກາຍໃຫ້ດຸ່ນດ່ຽງຂຶ້ນ.
  2. ດື່ມນຳ້ຂີງອຸ່ນໆ ເຊິ່ງຂີງມີສັບພະຄຸນຊ່ວຍຫລຸດຜ່ອນອາການປວດປະຈຳເດືອນໄດ້ ແລະ ເຮັດໃຫ້ຮ່າງກາຍຮູູ້ສຶກສົດຊື່ນຂຶ້ນ.
  3. ໃນແຕ່ລະມື້ໃຫ້ກິນເຂົ້າຄາບນ້ອຍໆ ເພາະແມ່ຍິງທັງກ່ອນ ແລະ ໃນເວລາເປັນປະຈຳເດືອນນັ້ນມັກຈະຮູ້ສຶກຕ້ອງການອາຫານຫວານ ຄວນເລືອກເປັນຈຳພວກໝາກໄມ້, ແຊນວິດໂຮຫວີດ, ແຕ່ຄວນຫລີກເວັ້ນອາຫານຈຳພວກແປ້ງ, ໄຂມັນຫລາຍ ເຊັ່ນ : ເຄັກ, ເຂົ້າໜົມຫວານ,​ ນຳ້ຕານ ເພາະອາດສົ່ງຜົນໃຫ້ເກີດອາການຍື່ງທ້ອງໄດ້.
  4. ໝັ່ນອອກກຳລັງກາຍເປັນປະຈຳຢ່າງສະໝໍ່າສະເໝີ ຈະຊ່ວຍຫລຸດອາການບໍ່ສະບາຍໂຕ, ຫລຸດອາການເຈັບທ້ອງນ້ອຍເວລາເປັນປະຈຳເດືອນ ຫລື ອາດຊ່ວຍໃຫ້ບໍ່ເຈັບທ້ອງນ້ອຍເລີຍກໍເປັນໄດ້.
  5. ຮັກສານຳ້ໜັກໂຕໃຫ້ຄົງທີ່ ເຊິ່ງຮໍໂມນເອສໂຕຣເຈັນໃນຮ່າງກາຍແມ່ຍິງຖືກສ້າງມາຈາກແຊນທີ່ເຮັດໜ້າທີ່ສະສົມໄຂມັນ ສະນັ້ນ ຖ້າຮ່າງກາຍຂອງທ່ານມີໄຂມັນສະສົມຫລາຍເກີນໄປ ຮໍໂມນເອສໂຕຣເຈັນກໍຈະຖືກສ້າງເພີ່ມຂຶ້ນນຳ ເຮັດໃຫ້ຮໍໂມນເອສໂຕຣເຈັນໃນຮ່າງກາຍບໍ່ດຸ່ນດ່ຽງ ສົ່ງຜົນໃຫ້ມີອາການເຈັບປວດມົດລູກໄດ້.
  6. ດື່ມນຳ້ຫລາຍໆ ຈະເຮັດໃຫ້ຕັບເຮັດວຽກຢ່າງມີປະສິດທິພາບ ເຊິ່ງຕັບຈະເຮັດໜ້າທີ່ຮັກສາຄວາມດຸ່ນດ່ຽງຂອງຮໍໂມນເອສໂຕຣເຈັນ ເຮັດໃຫ້ທ່ານບໍ່ເຈັບທ້ອງປວດປະຈຳເດືອນ.
  7. ຫລີກເວັ້ນກາເຟອີນ ເພາະກາເຟອີນເປັນສານແຊນທີອັລຄາລອຍທີ່ໄດ້ໃນກາເຟ, ໂຄລ່າ, ຊາ, ນຳ້ອັດລົມ ລວມເຖິງໃນຊັອກໂກແລດ. ດັ່ງນັ້ນ, ທ່ານຄວນຫລີກເວັ້ນອາຫານເຫລົ່ານີ້ ໂດຍສະເພາະໃນໄລຍະກ່ອນ ແລະ ໃນເວລາເປັນປະຈຳເດືອນ ເພາະກາເຟອີນມີລິດໄລ່ນຳ້ຍ່ຽວ ເຊິ່ງມັນຈະເຮັດໃຫ້ອາການປວດປະຈຳເດືອນຮຸນແຮງຂຶ້ນກ່ວາເກົ່າ.
  8. ອາບນຳ້ອຸ່ນ ຈະຊ່ວຍຫລຸດຜ່ອນອາການເຈັບທ້ອງນ້ອຍປວດປະຈຳເດືອນໄດ້ ເພາະເຮັດໃຫ້ເລືອດໄຫລວຽນດີ, ຊ່ວຍຜ່ອນຄາຍກ້າມຊີ້ນຕົນໂຕ. ນອກຈາກນີ້, ທ່ານຍັງສາມາດເອົາຖົງນຳ້ຮ້ອນມາວາງໄວ້ເທິງໜ້າທ້ອງກໍຊ່ວຍຫລຸດຜ່ອນອາການປວດໄດ້ຄືກັນ.
  9. ກິນຜັກ ແລະ ໝາກໄມ້ຫລາຍໆ ຈະຊ່ວຍປັບຄວາມດຸ່ນດ່ຽງຂອງຮໍໂມນ ເພື່ອຫລຸດອາການປວດປະຈຳເດືອນ.
  10. ບໍ່ກິນອາຫານມັນຫລາຍ ເພາະຈະເຮັດໃຫ້ມົດລູກຖືກບີບໂຕຢ່າງຮຸນແຮງກ່ວາປົກກະຕິ ຈົນເຮັດໃຫ້ທ່ານເຈັບທ້ອງນ້ອຍ.
- lattana 1 - ບໍ່ຢາກເຈັບທ້ອງນ້ອຍເວລາເປັນປະຈຳເດືອນຕ້ອງເຮັດແນວໃດ ?