5 ສັນຍານທີ່ບົ່ງບອກວ່າທ່ານສະຫລາດກວ່າຄົນປົກກະຕິ

- advert banner 728 90 728x90 - 5 ສັນຍານທີ່ບົ່ງບອກວ່າທ່ານສະຫລາດກວ່າຄົນປົກກະຕິ

ຫລາຍຄົນໃນໂລກໃຊ້ຊີວິດໂດຍທີ່ບໍ່ຮູ້ເລີຍວ່າໂຕທ່ານເອງສະຫລາດຫລາຍປານໃດ, ໄອຄິວ ເປັນສິ່ງທີ່ວັດແທກຍາກຫລາຍ ຍົກເວັ້ນທ່ານຈະໄປຈ້າງຜູ້ຊ່ຽວຊານດ້ານສະໝອງດັງໆມາຊ່ວຍທ່ານ ຈຶ່ງມີຄົນຈຳນວນຫລາຍທີ່ບໍ່ຮູ້ວ່າໄອຄິວຂອງຕົນເອງເທົ່າໃດ. ມີການວິໄຈໃໝ່ໜຶ່ງເຜີຍວ່າ : ຖ້າທ່າມີກົງກັບຂໍ້ໃດຂໍ້ໜຶ່ງຂອງທັງ 5 ຂໍ້ລຸ່ມນີ້ ທ່ານມີໂອກາດສູງທີ່ຈະມີໄອຄິວສູງກ່ວາຄົນປົກກະຕິ ຫລື ສະຫລາດກ່ວາຄົນປົກກະຕິທົ່ວໄປນັ້ນເອງ.

- lattana 1 - 5 ສັນຍານທີ່ບົ່ງບອກວ່າທ່ານສະຫລາດກວ່າຄົນປົກກະຕິ

ທ່ານວິຕົກກັງວົນ : ມັນຍາກທີ່ຈະເຊື່ອວ່າຄວາມວິຕົກກັງວົນເປັນສິ່ງທີ່ດີ, ແຕ່ມັນມີຫລັກຖານທີ່ພິສູດໄດ້ວ່າຄວາມວິຕົກກັງວົນບໍ່ແມ່ນສິ່ງທີ່ບໍ່ດີໄປໝົດ, ຈິດຕະແພດນາມວ່າ Jeremy Coplan ໄດ້ສຶກສາກ່ຽວກັບຄວາມວິຕົກກັງວົນຂອງມະນຸດ ແລະ ລາວພົບວ່າ : ຄົນທີ່ມີລະດັບຄວາມວິຕົກກັງວົນສູງຍິ່ງມີໄອຄິວທີ່ສູງໄປນຳ. ນອກຈາກນີ້ຍັງມີວຽກງານວິໄຈຈາກ Interdisciplinary Center Herzliya ຢູ່ປະເທດອິດສະຣະແອລ ນັກວິໄຈພົບວ່າຜູ້ເຂົ້າຮ່ວມທີ່ມີຄວາມວິຕົກກັງວົນຫລາຍທີ່ສຸດເປັນຜູ້ທີ່ເອົາໃຈໃສ່ຕໍ່ວຽກ ແລະ ມີຄວາມຫ້າວຫັນຫລາຍທີ່ສຸດ.

ທ່ານເລີ່ມຮຽນອ່ານໜັງສືກ່ອນເດັກນ້ອຍຄົນອື່ນ : ການສຶກສາຂອງປະເທດອັງກິດໄດ້ທົດລອງຈາກຄູ່ແຝດທັງໝົດ 2.000 ຄູ່ ເດັກນ້ອຍທີ່ເລີ່ມຮຽນອ່ານໜັງສືກ່ອນຈະມີໄອຄິວສູງກ່ວາຄູ່ແຝດທີ່ເລີ່ມຮຽນອ່ານຕາມຫລັງ. ນັກວິໄຈໄດ້ກ່າວວ່າ : ເຫດຜົນທີ່ເດັກນ້ອຍຜູ້ເລີ່ມຮຽນອ່ານໜັງສືກ່ອນມີໄອຄິວສູງກ່ວາກໍຍ້ອນວ່າການອ່ານເປັນພາກສ່ວນໃນການຊ່ວຍພັດທະນາສະໝອງທີ່ສຳຄັນ ເຮັດໃຫ້ເດັກນ້ອຍທີ່ເລີ່ມຮຽນອ່ານກ່ອນສະຫລາດກ່ວາ, ແຕ່ນີ້ກໍບໍ່ໄດ້ໝາຍຄວາມວ່າຍ້ອນເດັກນ້ອຍຄົນນີ້ສະຫລາດຈຶ່ງເລີ່ມອ່ານໜັງສືໄດ້ໄວ, ແຕ່ຄວາມຈິງແລ້ວກໍແມ່ນການເລີ່ມອ່ານໜັງສືໄວຊ່ວຍໃຫ້ເດັກສະຫລາດນັ້ນເອງ.

ທ່ານເປັນຄົນລຶ້ງເບື້ອງຊ້າຍ : ກາຍເປັນວ່າຄົນທີ່ອາຈານສະໄໝກ່ອນມັກບັງຄັບໃຫ້ເດັກນ້ອຍທີ່ລຶ້ງເບື້ອງຊ້າຍຝຶກແອບຂຽນໜັງສືເບື້ອງຂວາກາຍເປັນເລື່ອງກົງກັນຂ້າມກັບສິ່ງທີ່ຄວນເຮັດ. ມີການສຶກສາໜຶ່ງໄດ້ສະແດງໃຫ້ເຫັນວ່າ ຄົນທີ່ລຶ້ງມືຊ້າຍຈະມີຄວາມກ່ຽວຂ້ອງກັບວິທີການຄິດແບບຊັບຊ້ອນ (Divergent Thinking) ເຊິ່ງໝາຍຄວາມວ່າ ຄົນເຫລົ່ານີ້ສາມາດເຊື່ອມໂຍງສອງສິ່ງທີ່ບໍ່ກ່ຽວຂ້ອງກັນໃນດ້ານທີ່ມີຄວາມໝາຍໄດ້ ແລະ ນີ້ກໍເປັນສັນຍະລັກແຫ່ງຄວາມສະຫລາດ.

ທ່ານເຄີຍຮຽນດົນຕີຕອນຍັງນ້ອຍ : ມີການວິໄຈຫລາຍວຽກງານທີ່ສະແດງໃຫ້ເຫັນວ່າ ດົນຕີເປັນສ່ວນຊ່ວຍໃນເລື່ອງການພັດທະນາສະໝອງ ແລະ ຄວາມສະຫລາດ. ນອກຈາກນີ້, ຍັງຊ່ວຍໃນເລື່ອງຂອງການເອົາໃຈໃສ່ ແລະ ການຄວບຄຸມໂຕເອງນຳອີກ. ຈາກການວິໄຈຂອງນັກຈິດຕະວິທະຍານາມວ່າ Sylvain Moreno ລາວໄດ້ໃຫ້ເດັກນ້ອຍອາຍຸລະຫວ່າງ 4 – 6 ປີ ມາທັງໝົດ 48 ຄົນ ແລະ ໄດ້ແບ່ງເປັນສອງກຸ່ມ, ກຸ່ມລະ 24 ຄົນ, ກຸ່ມທຳອິດໃຫ້ເຂົ້າຫ້ອງຮຽນດົນຕີ. ສ່ວນອີກກຸ່ມໜຶ່ງໃຫ້ເຂົ້າຫ້ອງຮຽນສິລະປະ ເຊິ່ງເດັກນ້ອຍທັງສອງກຸ່ມຕ້ອງຮຽນມື້ລະ 1 ຊົ່ວໂມງ ຕິດຕໍ່ກັນ 5 ມື້ຕໍ່ອາທິດ ເວລາຜ່ານໄປ 1 ເດືອນ ຜົນສະຫລຸບອອກມາວ່າ : ເດັກນ້ອຍກຸ່ມທຳອິດທີ່ຮຽນດົນຈີມີການພັດທະນາທາງໄອຄິວຫລາຍກ່ວາເດັກນ້ອຍອີກກຸ່ມໜຶ່ງ. ດັ່ງນັ້ນ, ການຮຽນດົນຕີຕອນຍັງນ້ອຍຈຶ່ງມີສ່ວນຊ່ວຍໃຫ້ເຮົາສະຫລາດຂຶ້ນໄດ້.

ທ່ານເປັນຄົນຕະຫລົກ : ຖ້າເຫັນຂໍ້ນີ້ຜູ້ທີ່ເປັນຄົນຕະຫລົກທັງຫລາຍຄົງດີໃຈບໍ່ໜ້ອຍ ນັກວິໄຈໄດ້ສະແດງໃຫ້ເຫັນເຖິງຄວາມກ່ຽວຂ້ອງລະຫ່ວາງການເປັນຄົນຕະຫລົກກັບການເປັນຄົນສະຫລາດ, ມຸກ ຫລື ການລໍ້ຫລິ້ນຕ່າງໆທີ່ຖືກຜະລິດອອກມາຈາກຄວາມຄິດອັນສະຫລາດຫລັກແຫລມຂອງທ່ານມັນບໍ່ແມ່ນວ່າໃຜໆຄິດຈະເປັນຄົນຕະຫລົກກໍຈະເປັນຄົນຕະຫລົກໄດ້.

5 ຂໍ້ທີ່ກ່າວມາຂ້າງເທິງນັ້ນເປັນພຽງແຕ່ຈຸດນ້ອຍໆທີ່ສາມາດສະແດງໃຫ້ເຫັນວ່າທ່ານເປັນຄົນສະຫລາດ ສະນັ້ນ ຖ້າທ່ານບໍ່ກົງກັບຂໍ້ຕ່າງໆເລີຍກໍບໍ່ຕ້ອງເສຍໃຈ ເພາະມັນຍັງມີອີກຫລາຍຢ່າງທີ່ສາມາດສະແດງໃຫ້ເຫັນວ່າທ່ານເປັນຄົນສະຫລາດຄືກັນ, ແຕ່ຖ້າທ່ານກົງກັບ 5 ຂໍ້ບໍ່ວ່າຂໍ້ໃດຂໍ້ໜຶ່ງ ຫລື ທັງໝົດ ທ່ານຕ້ອງຍອມຮັບແລ້ວວ່າທ່ານສະຫລາດກ່ວາຄົນທຳມະດາ.