ກາຕາເພີ່ມມາຣົກໃນລາຍຊື່ ເຂົ້າປະເທດໂດຍບໍ່ຕ້ອງຂໍວີຊາ

- WhatsApp Image 2017 07 12 at 9 - ກາຕາເພີ່ມມາຣົກໃນລາຍຊື່ ເຂົ້າປະເທດໂດຍບໍ່ຕ້ອງຂໍວີຊາ

-                                            Qatar Airways 18 - ກາຕາເພີ່ມມາຣົກໃນລາຍຊື່ ເຂົ້າປະເທດໂດຍບໍ່ຕ້ອງຂໍວີຊາ

- lattana 1 - ກາຕາເພີ່ມມາຣົກໃນລາຍຊື່ ເຂົ້າປະເທດໂດຍບໍ່ຕ້ອງຂໍວີຊາ

​ໃນ​ວັນ​ທີ 7 ກັນຍານີ້, ສື່​ທາງ​ການ​ມາຣົກລາຍ​ງານ​ວ່າ: ທາງ​ການ​ກາ​ຕາ​ໄດ້​ເພີ່ມ​ມາຣົກ​ໃນ​ລາຍ​ຊື່​ປະ​ເທດ​ທີ່​ພົນລະ​ເມືອງ​ບໍ່​ຕ້ອງ​ຂໍ​ວີ​ຊາ​ກ່ອນ​ເດີນທາງ​ເຂົ້າກາ​ຕາ.

-                                            Qatar Airways 17 - ກາຕາເພີ່ມມາຣົກໃນລາຍຊື່ ເຂົ້າປະເທດໂດຍບໍ່ຕ້ອງຂໍວີຊາ

ກາ​ຕາ​ ​ເຊິ່ງ​ໄດ້​ຮັບ​ຜົນ​ກະທົບ​ຈາກ​ການ​ຂວ້ຳບາດ​ ດ້ວຍ​ການ​ປິດ​ລ້ອມ​ທັງ​ທາງບົກ ​ແລະ ທາງ​ອາກາດ​ຈາກ​ກຸ່ມ​ປະ​ເທດ​ມະຫາ​ອຳນາດ​ເພື່ອນ​ບ້ານ ​ເລີ່​ມ​ໃຊ້​ແຜນ​ໃຫ້​ວີ​ຊາ​ຟຼີສຳລັບ​ພົນລະ​ເມືອງ 80 ປະ​ເທດ ​ໃນຕົ້ນ​ເດືອນ​ສິງຫາ​ຜ່ານ​ມາ ​ເພື່ອ​ກະ​ຕຸ້ນ​ການ​ຄົມມະນາຄົມ ​ແລະ ການທ່ອງທ່ຽວ. ສຳນັກ​ຂ່າວ​ແມດ​ຂອງ​ທາງ​ການ​ມາຣົກລາຍ​ງານ​ໃນ​ວັນ​ດຽວ​ກັນ​ວ່າ: ທ່ານ ​ເຊ​ກ ອັບ​ດຸນ​ລາ ບິນ ນາສ​ເຊີ ອັດ​ທານີ ນາຍົກລັດຖະມົນຕີກາຕາ ​ເຊິ່ງ​ໄດ້​ພົບ​ກັບ​ຄະນະ​ຜູ້​ແທນ​ຈາກ​ມາຣົກ ຢູ່​ນະຄອນຫຼວງ​ໂດ​ຮາ ​ໃນ​ວັນ​ທີ 5 ກັນຍາ ປະກາດ​ວ່າ: ກາ​ຕາ​ອະນຸມັດ​ໃຫ້​ພົນລະ​ເມືອງ​ມາຣົກ​ເຂົ້າປະ​ເທດ​ໂດຍ​ບໍ່​ຕ້ອງ​ຂໍ​ວີ​ຊາ​ກ່ອນ​ແລ້ວ. ມາຣົກ ​ແລະ ລີ​ບັງ ​ເປັນ​ສອງ​ປະ​ເທດ​ໃນ​ກຸ່ມ​ອາຣັບທີ່​ໄດ້​ປະ​ໂຫຍ​ດຈາກ​ນະ​ໂຍບາຍ​ໃຫ້​ວີ​ຊາ​ຟຼີ, ຂະນະ​ທີ່​ອາຣັບບີ ຊາ​ອຸ​ດິດ, ສະຫະ​ນະຄອນ ອາ​ເມຣັດ ອາຣັບ, ​ເອຢິບ ​ແລະ ບາ​ເຣນ ຕັດ​ການ​ພົວພັນ​ກັບກາ​ຕາ​ມາ​ແຕ່​ເດືອນ​ມິຖຸນາ ​ໂດຍ​ກ່າວ​ຫາ​ວ່າ: ​ໃຫ້​ເງິນ​ສະໜັບສະໜູນ​ກຸ່ມ​ຕິດ​ອາວຸດ ​ແລະ ມີ​ການ​ພົວພັນ​ໃກ້ຊິດ​ກັບ​ອີຣານ ​ເຊິ່ງ​ເປັນ​ສັດຕູ​ຂອງ​ອາຣັບບີ ຊາ​ອຸ​ດິດ ຫຼາຍ​ເກີນ​ໄປ.