ກຸ່ມທ່າຊ້າງຕົວແບບການຜະລິດພືດຜັກອິນຊີທີ່ມີຄຸນນະພາບ

- WhatsApp Image 2017 07 12 at 9 - ກຸ່ມທ່າຊ້າງຕົວແບບການຜະລິດພືດຜັກອິນຊີທີ່ມີຄຸນນະພາບ

ປັດຈຸບັນຜັກປອດສານພິດກໍາລັງໄດ້ຮັບຄວາມນິຍົມຢ່າງ ກວ້າງຂວາງຈາກຜູ້ບໍລິໂພກ ເນື່ອງຈາກວ່າ ຜັກອິນຊີແມ່ນ ຜັກທີ່ປູກໂດຍບໍ່ໃສ່ສານເຄມີ ເຮັດ ໃຫ້ຜູ້ຜະລິດ ແລະ ຜູ້ບໍລິໂພກມີ ຄວາມປອດໄພ ແລະ ຍັງຕອບ ສະໜອງໄດ້ຕາມນະໂຍບາຍ ການຜະລິດກະສິກໍາສີຂຽວ, ປອດສານພິດ ແລະ ເປັນມິດຕໍ່ສິ່ງ ແວດລ້ອມ ແລະ ການບໍລິໂພກ ຜັກອິນຊີ ແມ່ນເຮັດໃຫ້ຮ່າງກາຍ ມີສຸຂະພາບແຂງແຮງດີ.

- lattana 1 - ກຸ່ມທ່າຊ້າງຕົວແບບການຜະລິດພືດຜັກອິນຊີທີ່ມີຄຸນນະພາບ

 

 

+ ການນຳກະຊວງກະສິກຳ ແລະ ປ່າໄມ້ ລົງຊຸກຍູ້ການຜະລິດຢູ່ແຂວງອັດຕະປື

+ ຜັກປອດສານພິດມີຄຸນປະໂຫຍດດີແຕ່ບໍ່ມີທີ່ຈັ້ງ

 

ທ່ານ ທັດສະນີ ພິລາວົງ ນາຍບ້ານໆ ທ່າຊ້າງ ໄດ້ໃຫ້ສໍາ ພາດນັກຂ່າວເຮົາວ່າ: ກຸ່ມການ ຜະລິດພືດຜັກອິນຊີ ບ້ານທ່າ ຊ້າງ, ເມືອງປາກງື່ມນະຄອນ ຫຼວງວຽງຈັນ, ໄດ້ເລີ່ມສ້າງຕັ້ງ ມາແຕ່ເດືອນກັນຍາ 2010 ຜ່ານ ມາ. ໂດຍໄດ້ຮັບການສົ່ງເສີມ ຈາກພັກ ແລະ ລັດຖະບານ ເປັນ ຕົ້ນແມ່ນກົມປູກຟັງກະຊວງກະ ສິກໍາ-ປ່າໄມ້ ແລະ ປະຊາຊົນ ມີຄວາມມັກໃນອາຊີບນີ້ ຈຶ່ງພາ ກັນຫັນມາຜະລິດ. ໃນປັດຈຸບັນ ສະມາຊິກຂອງກຸ່ມການຜະລິດ ພືດຜັກອິນຊີມີທັງໝົດ 78 ຄອບ ຄົວ, ໃນກຸ່ມມີການຈັດແບ່ງວຽກ ຄື: ຫົວໜ້າກຸ່ມຮັບຜິດຊອບລວມ, ຮອງກຸ່ມຮັບຜິດຊອບວິຊາການ, ຄະນະຮັບຜິດຊອບການຕະ ຫຼາດ, ກວດກາຄຸນນະພາບ ແລະ ຮັບຜິດຊອບກອງທຶນຂອງກຸ່ມ.

ທ່ານໃຫ້ຮູ້ອີກວ່າ: ການຜະ ລິດຜັກປອດສານພິດນີ້ ແມ່ນສາ ມາດປູກໄດ້ທຸກສະພາບຂອງດິນ, ແຕ່ກໍມີຄວາມຫຍຸ້ງຍາກບໍ່ໜ້ອຍເຊັ່ນ: ມີສັດຕູພືດມາທໍາລາຍ ແລະ ດິນຟ້າອາກາດ ມີການປ່ຽນແປງ ເຮັດໃຫ້ພືດໄດ້ຮັບຄວາມເສຍ ຫາຍ, ສ່ວນການບົວລະບັດ ແມ່ນພວກເຮົາໄດ້ເຮັດຕາມລະບົບກະສິກໍາອິນຊີລາວວາງອອກ ໂດຍແບ່ງຄວາມຮັບຜິດຊອບ ໃຫ້ໜ່ວຍງານກວດກາຄຸນນະ ພາບ ເປັນຜູ້ຈັດຕິດຕາມກວດກາ ນັບຕັ້ງແຕ່ມື້ປູກຈົນເຖິງມື້ບໍລິໂພກ. ໃນການຈໍາໜ່າຍແມ່ນຄອບຄົບຜູ້ຜະລິດເອົາໄປຈໍາໜ່າຍເອງ.
ລາຍຮັບຈາກຜະລິດພືດ ຜັກອິນຊີ ສະເລ່ຍໄດ້ປະມານ 8 ລ້ານກີບຕໍ່ເດືອນຕໍ່ຄົວຄອບ ແລະ ກຸ່ມຍັງໄດ້ຕັ້ງກອງທຶນຂອງກຸ່ມ ຂຶ້ນເພື່ອຊ່ວຍເຫຼືອ ເຊິ່ງກັນ ແລະ ກັນ ເຊິ່ງມາຮອດປັດຈຸບັນນີ້ ມີ ເງິນສະສົມຢູ່ປະມານ 400 ກວ່າ ລ້ານກີບ ແລະ ໃນຕໍ່ໜ້າກຸ່ມການ ຜະລິດພືດຜັກອິນຊີ ບ້ານທ່າຊ້າງ ຈະຖືກເອົາການປູກຜັກປອດ ສານພິດນີ້ໃຫ້ກາຍເປັນສິນຄ້າ ຫຼາຍຂຶ້ນ.