ນະຄອນຫລວງປຶກສາຫາລືການພັດທະນາກຸ່ມຜະລິດກະສິກໍາເປັນສະຫະກອນ

- advert banner 728 90 728x90 - ນະຄອນຫລວງປຶກສາຫາລືການພັດທະນາກຸ່ມຜະລິດກະສິກໍາເປັນສະຫະກອນ

ໃນວັນທີ 6 ກັນຍານີ້, ພະແນກກະສິກໍາ-ປ່າໄມ້ນະຄອນຫລວງວຽງຈັນ ໄດ້ຈັດກອງປະຊຸມປຶກສາຫາລືການພັດທະນາກຸ່ມຜະລິດກະສິກໍາເພື່ອກ້າວເປັນສະຫະກອນ, ຂຶ້ນທີ່ພະແນກກການດັ່ງກ່າວ, ໂດຍການເປັນປະທານຂອງຮອງຫົວໜ້າຂະແໜງສົ່ງເສີມກະສິກໍາ ແລະ ສະຫະກອນ, ມີຕາງໜ້າຈາກອົງການດີຈີອາວີ ແລະ ຜູ້ຕາງໜ້າກຸ່ມການຜະລິດຜັກອິນຊີທັງ 11 ກຸ່ມເຂົ້າຮ່ວມ.

- lattana 1 - ນະຄອນຫລວງປຶກສາຫາລືການພັດທະນາກຸ່ມຜະລິດກະສິກໍາເປັນສະຫະກອນ

ເພື່ອລາຍງານຜົນສໍາເລັດກ່ຽວກັບການປັບປຸງກຸ່ມປູກຜັກອິນຊີຕິດພັນກັບການຕະຫລາດ ແລະ ວາງແຜນການສ້າງຕັ້ງເຄືອຄ່າຍກຸ່ມປູກຜັກອິນຊີ ໂດຍແນໃສ່ພັດທະນາໃຫ້ກ້າວໜ້າຂຶ້ນເປັນສະຫະກອນໃນອະນາຄົດຄື: ໃນໄລຍະ 6 ເດືອນຜ່ານມາ, ວຽກງານປັບປຸງກົງຈັກການຈັດຕັ້ງກຸ່ມ, ວຽກງານການຜະລິດ, ການກວດກາຄຸນນະ ພາບຂອງພືດຜັກ, ການຈໍາໜ່າຍຜົນຜະລິດຂອງກຸ່ມ ແລະ ການສ້າງກອງທຶນພັດທະນາກຸ່ມ, ພ້ອມທັງຄົ້ນຄວ້າ ແລະ ປຶກສາຫາລືການສ້າງກົນໄກ, ວິທີການ ແລະ ລະບຽບການຄຸ້ມຄອງກຸ່ມບໍລິການຕະຫລາດກະສິກໍາອິນຊີ ແນໃສ່ຊຸກຍູ້ສົ່ງເສີມການຜະລິດຜັກອິນຊີເປັນສິນຄ້າ ເພື່ອສາມາດຕອບສະໜອງຄວາມຮຽກຮ້ອງຕ້ອງການຂອງຜູ້ບໍລິໂພກໄດ້ຢ່າງພຽງພໍ ໂດຍຖືເອົາການຊຸກຍູ້ສົ່ງເສີມດ້ານການຕະຫລາດເປັນທ່າແຮງໃນການຂັບເຄື່ອນການຜະລິດ ແລະ ການສະໜັບສະໜູນການຄໍ້າປະກັນສະບຽງອາຫານ ແລະ ສ້າງລາຍຮັບໃຫ້ຊາວກະສິກອນຂະໜາດນ້ອຍດີຂຶ້ນ.