ທະນາຄານ​ລາວ-ຝຣັ່ງເປີດ​ໜ່ວຍ​ບໍລິການ​ກູ້​ຢືມ​ເງິນ​ສຳລັບ​ແມ່ຍິງ​ຢູ່​ລາວ-​ໄອ​ເຕັກ

- advert banner 728 90 728x90 - ທະນາຄານ​ລາວ-ຝຣັ່ງເປີດ​ໜ່ວຍ​ບໍລິການ​ກູ້​ຢືມ​ເງິນ​ສຳລັບ​ແມ່ຍິງ​ຢູ່​ລາວ-​ໄອ​ເຕັກ

ວັນ​ທີ 6 ກັນຍາ​ນີ້, ທະນາຄານ​ລາວ-ຝຣັ່ງ (BFL), ​ໄດ້​ຈັດ​ພິທີ​​ເປີດ​ໜ່ວຍ​ບໍລິການ​ຮູບ​ແບບ​ໃໝ່, ທີ່​ສູນ​ການ​ຄ້າ​ລາວ-​ໄອ​ເຕັກ ນະຄອນຫລວງ​ວຽງ​ຈັນ, ຊຶ່ງ​ເປັນ​ໜ່ວຍ​ບໍລິການ​ແຫ່ງ​ທຳ​ອິດ ທີ່​ມອບ​ສິດ​ທີ່​ປະ​ໂຫຍ​ດສູງ​ສຸດ​ທາງ​ການ​ເງິນ​ໃຫ້​ກັບ​ແມ່ຍິງ​ລາວ, ຊຶ່ງເອີ້ນວ່າ: (ໂຄງການ​ທະນາຄານ​ສຳລັບ​ແມ່ຍິງ), ໂດຍການ ເຂົ້າຮ່ວມຂອງທ່ານ David Parrott ຜູ້ອຳນວຍການໃຫຍ່ທະນາຄານລາວ-ຝຣັ່ງ, ທ່ານ ຖະໜອມ ທຳທອງ ເຈົ້າເມືອງໄຊເສດຖາ, ມີທ່ານນາງ ຈັນທະ ຈອນ ວົງໄຊ ປະທານສະມາຄົມນັກທຸລະກິດຍິງ, ທ່ານນາງ ວົງພະຈັນ ຂັນທະ ຈັກ ປະທານສະຫະພັນແມ່ຍິງເມືອງໄຊເສດຖາ ແລະ ບັນດາພາກສ່ວນກ່ຽວ ຂ້ອງເຂົ້າຮ່ວມ.

- lattana 1 - ທະນາຄານ​ລາວ-ຝຣັ່ງເປີດ​ໜ່ວຍ​ບໍລິການ​ກູ້​ຢືມ​ເງິນ​ສຳລັບ​ແມ່ຍິງ​ຢູ່​ລາວ-​ໄອ​ເຕັກ

ທ່ານ​ອຳນວຍ​ການ​ໃຫຍ່​ ທະນາຄານ​ລາວ-ຝຣັ່ງ ກ່າວ​ວ່າ: ໜ່ວຍ​ບໍລິການ​​ໃໝ່​ຂອງ​ທະນາຄານ​ ​ໄດ້​ຖືກ​ອອກ​ແບບ​ມາ​ເປັນ​ພິ​ເສດ ​ເພື່ອ​ໃຫ້​ແທດ​ເໝາະ​ກັບ​ຄວາມ​ຕ້ອງການ​ທາງ​ການ​ເງິນ​ຂອງ​ແມ່ຍິງ​ລາວ​ຢ່າງ​ແທ້​ຈິງ, ຈາກ​ການ​ຄົ້ນ​ຄ້ວາ ​ແລະ ສຶກສາ​ພົບ​ວ່າ: ການ​ເຂົ້າ​ເຖິງ​ດ້ານ​ການ​ເງິນ​ແມ່ນ​​ເລື່ອງ​ຫລັກ​ທີ່​ຖືເປັນ​ປັດ​ໃຈ​ສຳຄັນ ສຳລັບ​ທຸລະ​ກິດ​ຂອງ​ແມ່ຍິງ​ລາວ ​ໃນ​ໄລຍະ​ຫລາຍ​ປີຜ່ານມາ, ທະນາ ຄານລາວ-ຝຣັ່ງ ​ໄດ້​ມີ​ຄວາມ​ພະຍາຍາມ​ພັດທະນາ​ຜະລິດ​ຕະພັນ​ໃໝ່ນີ້​ຂຶ້ນ​ມາ, ​ເພື່ອ​ຕອບ​ສະໜອງ​ຄວາມ​ຕ້ອງການ​ທາງ​ການ​ເງິນ​ໃຫ້​ແກ່​ທຸລະ​ກິດ​ຂະໜາດກາງ-​ນ້ອຍ ຂອງ​ແມ່ຍິງ ​ແລະ ການ​ເປີດ​ໜ່ວຍ​ບໍລິການ​ດັ່ງກ່າວ​ນີ້ ກໍ​ເປັນ​ອີກບາດກ້າວ​ໜຶ່ງ ​ເພື່ອ​ຊ່ວຍ​​ແກ້​ໄຂ​ບັນຫາ​ການ​ເຂົ້າ​ເຖິງ​ແຫ​ລ່ງທຶນ​ຂອງ​ແມ່ຍິງ​ລາວ. ຂະນະ​ດຽວ​ກັນ ທຸລະ​ກິດ​ຂະໜາດ​ກາງ-ນ້ອຍຂອງ​ແມ່ຍິງ​ລາວ, ​ສ່ວນ​ໃຫຍ່ແມ່ນ ຕ້ອງການ​ເງິນ​ກູ້​ຢືມ​ປະມານ 400 ລ້ານ​ກີບ​ລົງ​ມາ, ຊຶ່ງ​ມັນຍັງ​​ແທດ​ເໝາະ​ກັບ​ນະ​ໂຍບາຍ​ຂອງ​ທະນາຄານ​, ພ້ອມ​ນີ້ ທະນາຄານ​ລາວ-ຝຣັ່ງ ຍັງ​ໄດ້​ປັບປຸງ​ການ​ອະນຸ​ມັດ​ເງິນ​ກູ້ດ້ວຍອັດຕາ​ດອກ​ເບ້ຍ​ທີ່​ຕ່ຳ, ຊຶ່ງ​ເຊື່ອ​ໝັ້ນ​ວ່າ ການ​ຢືນ​ຂໍ​ສິນ​ເຊື່ອ​ຂອງ​ແມ່ຍິງ​ຈະ​ອະນຸມັດ​ພາຍ​ໃນ 3 ວັນ. ສຳລັບ​ໜ່ວຍ​ບໍລິການ​ໃໝ່​ແຫ່ງ​ນີ້ ຈະ​ມີ​ພະນັກງານ​ຜູ້​ມີ​ຄຸນ​ວຸດ​ທິ ​ແລະ ປະສົບ​ການ​ສູງ​, ຊຶ່ງບໍ່​ພຽງ​ແຕ່​ໃຫ້ການ​ບໍລິການທາງການເງິນເທົ່ານັ້ນເຂົາເຈົ້າ, ​ຍັງ​ໃຫ້​ແນະນຳ​ແກ່​ທຸລະ​ກິດ​ຂະໜາດ​ກາງ ​ແລະ ນ້ອຍ​ຂອງ​ລູກ​ຄ້າ​ແມ່ຍິງໄດ້ດີ​ອີກ​ດ້ວຍ.