ອຸຕຸແຈ້ງ ຈະມີຝົນຕົກເປັນບໍລິເວນກວ້າງ

- WhatsApp Image 2017 07 12 at 9 - ອຸຕຸແຈ້ງ ຈະມີຝົນຕົກເປັນບໍລິເວນກວ້າງ

- 21314460 1857135137935646 5238354336792788776 n - ອຸຕຸແຈ້ງ ຈະມີຝົນຕົກເປັນບໍລິເວນກວ້າງ

- lattana 1 - ອຸຕຸແຈ້ງ ຈະມີຝົນຕົກເປັນບໍລິເວນກວ້າງ

ກົມອຸຕຸນິຍົມ ແລະ ອຸທົກກະສາດ ໃຫ້ຮູ້ວ່າ: ນັບແຕ່ວັນທີ 8-10 ກັນຍາ ນີ້, ມໍລະສຸມຕາເວັນຕົກສ່ຽງໃຕ້ຈະມີກຳລັງແຮງເພີ່ມຂຶ້ນພັດປົກຄຸມ, ຊຶ່ງຈະເຮັດ ໃຫ້ມີຝົນຕົກຟ້າຄະນອງໃນລະດັບຄ່ອຍຫາປານກາງເປັນບໍລິເວນກວ້າງ ແລະ ຕົກໜັກ, ພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກ; ພາກເໜືອດ້ານຕາ ເວັນອອກ: ຝົນຍັງຈະສືບຕໍ່ຕົກໃນລະດັບຄ່ອຍຫາປານກາງ ແລະ ມີລົມພັດ ແຮງຢູ່ບາງທ້ອງຖິ່ນແຂວງຊຽງຂວາງ, ອຸນຫະພູມຕ່ຳສຸດ 19-21 ອົງສາ ແລະ ສູງສຸດ 30-32 ອົງສາ; ພາກເໜືອດ້ານຕາເວັນຕົກ: ຝົນຍັງຈະສືບຕໍ່ຕົກໃນລະ ດັບຄ່ອຍຫາປານກາງ ແລະ ມີລົມພັດແຮງເປັນບາງໂອກາດຢູ່ບາງທ້ອງຖິ່ນ, ອຸນຫະພູມຕ່ຳສຸດ 23-25 ອົງສາ ແລະ ສູງສຸດ 32-34 ອົງສາ; ພາກກາງ: ຍັງຈະມີຝົນຕົກໃນລະດັບຄ່ອຍຫາປານກາງເປັນບໍລິເວນກວ້າງ ແລະ ມີລົມ ພັດແຮງເປັນບາງໂອກາດຢູ່ບາງທ້ອງຖິ່ນ, ອຸນຫະພູມຕ່ຳສຸດ 22-24 ອົງສາ ແລະ ສູງສຸດ 32-34 ອົງສາ; ສ່ວນພາກໃຕ້: ຝົນຍັງຈະສືບຕໍ່ຕົກໃນລະດັບ ຄ່ອຍຫາປານກາງ ແລະ ຕົກໜັກ, ພ້ອມມີລົມພັດແຮງເປັນບາງໂອກາດຢູ່ ບາງທ້ອງຖິ່ນ, ອຸນຫະພູມຕ່ຳສຸດ 21-23 ອົງສາ ແລະ ສູງສຸດ 31-33 ອົງສາ; ສຳລັບນະຄອນຫລວງວຽງຈັນ: ຝົນຍັງຈະສືບຕໍ່ຕົກໃນລະດັບຄ່ອຍ ຫາຕົກປານກາງ, ອຸນຫະພູມຕໍ່າສຸດ 23-25 ອົງສາ ແລະ ສູງສຸດ 32-34 ອົງສາ.