ເວເນຊູເອລາຈະຂາຍນ້ຳມັນ ເປັນສະກຸນເງິນອື່ນທີ່ບໍ່ແມ່ນ ໂດລາສະຫະລັດ

- WhatsApp Image 2017 07 12 at 9 - ເວເນຊູເອລາຈະຂາຍນ້ຳມັນ ເປັນສະກຸນເງິນອື່ນທີ່ບໍ່ແມ່ນ ໂດລາສະຫະລັດ

- 890ebbb6 a221 4a33 83b2 6325ca3baf4c - ເວເນຊູເອລາຈະຂາຍນ້ຳມັນ ເປັນສະກຸນເງິນອື່ນທີ່ບໍ່ແມ່ນ ໂດລາສະຫະລັດ

- lattana 1 - ເວເນຊູເອລາຈະຂາຍນ້ຳມັນ ເປັນສະກຸນເງິນອື່ນທີ່ບໍ່ແມ່ນ ໂດລາສະຫະລັດ

ປະທານາທິບໍດີ ນີ​ໂກ​ລັດ​ ມາ​ດູ​ໂຣ ຂອງ​ເວ​ເນ​ຊູ​ເອລາ ປະກາດ​ວ່າ: ລັດຖະບານ​ຈະ​ຈຳໜ່າຍ​ນ້ຳມັນ ​ແລະ ສິນຄ້າ​ອື່ນໆ​ເປັນ​ສະກຸນ​ເງິນ​ອື່ນ​ທີ່​ບໍ່​ແມ່ນ​ໂດ​ລາ​ສະຫະລັດ ຫວັງ​ຫລຸດ​ຜົນ​ກະທົບ​ຈາກ​ມາດ​ຕະການ​ຂວ້ຳບາດ​ເສດຖະກິດ​ຂອງ​ອາ​ເມ​ລິ​ກາ.

ປະທານາທິບໍດີ ມາ​ດູ​ໂຣ ກ່າວ​ທາງ​ໂທລະພາບ​ທົ່ວ​ປະ​ເທດ​ໃນ​ວັນ​ທີ 8 ກັນຍາ​ຕາມ​ເວລາ​ທ້ອງ​ຖິ່ນ​ວ່າ: ທ່າ​ນຕັດສິນ​ໃຈ​ຈະ​ເລີ່​ມຈຳໜ່າຍ​ນ້ຳມັນ, ​ແກັສ, ຄຳ ​ແລະ ສິນຄ້າ​ອື່ນໆ ດ້ວຍ​ສະກຸນ​ເງິນ​ໃໝ່​ທີ່​ບໍ່​ແມ່ນ​ໂດ​ລາ​ສະຫະລັດ​ເຊັ່ນ: ຢວນຂອງ​ຈີນ, ​ເຢນຂອງ​ຍີ່ປຸ່ນ, ຣູ​ເບິ​ລຂອງຣັດ​ເຊຍ, ຣູປີ​ຂອງ​ອິນ​ເດຍ. ​ເສດຖະກິດ​​ເວ​ເນ​ຊູ​ເອລາ​ມີ​ໂອກາດ​ຈະ​ຫລຸດ​ພົ້ນຈາກ​ລະບົບ​ນິຍົມ​ຂອງ​ອາ​ເມ​ລິ​ກາ​ແລ້ວ.

ອາ​ເມ​ລິ​ກາ​ໄດ້​ອອກ​ມາດ​ຕະການ​ລົງ​ໂທດ​ເວ​ເນ​ຊູ​ເອລາຄັ້ງ​ໃໝ່ ​​ໂດຍ​ການ​ຫ້າມ​ທະນາຄານ​ອາ​ເມ​ລິ​ກາ​ຊື້ພັນທະບັດ​ໃໝ່​ຂອງ​ລັດຖະບານ ຫລື ບໍລິສັດ​ນ້ຳມັນ​ຂອງ​ທາງ​ການ​ເວ​ເນ​ຊູ​ເອລາ, ຫວັງ​ຈຳກັດ​ບໍ່​ໃຫ້​ເຂົ້າ​ເຖິງ​ຕະຫລາດ​ພັນທະ​ມິດ ​ແລະ ຕະຫລາດ​ທຶນ. ທຳນຽບຂາວ​ລະບຸ​ວ່າ: ມາດ​ຕະການ​ນີ້​ຕ້ອງການ​ສະກັດ​ບໍ່​ໃຫ້​ລັດຖະບານ ມາ​ດູ​ໂຣ ​ໄດ້​ຮັບ​ເງິນ​ທຶນ​ທີ່​ຈະ​ນຳ​ໄປ​ຮັກສາ​ການ​ປົກຄອງ​ທີ່​ບໍ່​ຍຸຕິ​ທຳ. ຂະນະ​ທີ່​ຜູ້ນຳ​ເວ​ເນ​ຊູ​ເອລາ​ປະນາມ​ວ່າ: ​ເປັນ​ການ​ປິດ​ລ້ອມ​ທາງ​ເສດຖະກິດ ​ແລະ ທາງ​ການ​ເງິນ. ສ່ວນ​ຟິດ​ເຣດຕິ້ງ​ເຕືອນ​ວ່າ: ​ເວ​ເນ​ຊູ​ເອລາ​ມີ​ຄວາມ​ສ່ຽງ​​ເພີ່ມ​ຂຶ້ນທີ່​ຈະ​ຜິດ​ນັດ​ຊຳລະ​ໜີ້ ​ເພາະ​ມີ​ກຳນົດ​ຊຳລະ​ໜີ້​ໃນ​ເດືອນ​ຕຸລາ ​ແລະ ພະຈິກ ຈຳນວນ 3.800 ລ້ານ​ໂດ​ລາ​ສະຫະລັດ, ​ແຕ່​ມີ​ທຶນ​ສຳຮອງ​​ເງິນຕາ​ຕ່າງປະ​ເທດ​ບໍ່​ຮອດ 10.000 ລ້ານ​ໂດ​ລາ​ສະຫະລັດ.