ທ່ານ​ນາຍົກລັດຖະມົນຕີ ທອງ​ລຸ​ນ ສີ​ສຸ​ລິດ ​ໄດ້​ຊີ້​ນຳ​ໃຫ້​ສະມາຊິກ​ລັດຖະບານ​ເອົາ​ໃຈ​ໃສ່ 8 ວຽກ​ຈຸດ​ສຸມ

- WhatsApp Image 2017 07 12 at 9 - ທ່ານ​ນາຍົກລັດຖະມົນຕີ ທອງ​ລຸ​ນ ສີ​ສຸ​ລິດ ​ໄດ້​ຊີ້​ນຳ​ໃຫ້​ສະມາຊິກ​ລັດຖະບານ​ເອົາ​ໃຈ​ໃສ່ 8 ວຽກ​ຈຸດ​ສຸມ

​ໃນ​ກອງປະຊຸມ​ລັດຖະບານ​ເປີດ​ກວ້າງ​ຄັ້ງທີ 1 ປະຈຳ​ປີ 2017 ທີ່​ໄດ້​ຈັດ​ຂຶ້ນ​ໃນ​ວັນ​ທີ 7-8 ສິງຫາ​ນີ້ ທີ່​ນະຄອນຫລວງ​ວຽງ​ຈັນ, ທ່ານ​ນາຍົກລັດຖະມົນຕີ ທອງ​ລຸນ ສີ​ສຸ​ລິດ ​ໄດ້​ຊີ້​ນຳ​ໃຫ້​ຄະນະ​ລັດຖະບານ, ​ເຈົ້າ​ແຂວງ, ​ເຈົ້າຄອງ​ນະຄອນຫລວງ​ວຽງ​ຈັນ ​ໃຫ້​ຕັ້ງໜ້າ​ຜັນ​ຂະຫຍາຍ ​ແລະ ຈັດຕັ້ງປະຕິບັດ 8 ວຽກ​ງານ​ຕົ້ນຕໍດັ່ງ​ນີ້:

- lattana 1 - ທ່ານ​ນາຍົກລັດຖະມົນຕີ ທອງ​ລຸ​ນ ສີ​ສຸ​ລິດ ​ໄດ້​ຊີ້​ນຳ​ໃຫ້​ສະມາຊິກ​ລັດຖະບານ​ເອົາ​ໃຈ​ໃສ່ 8 ວຽກ​ຈຸດ​ສຸມ
  1. ສືບຕໍ່ເອົາໃຈໃສ່ວຽກງານຮັກສາສະຖຽນລະພາບທາງດ້ານການເມືອງ, ຄວາມສະຫງົບ ແລະ ເປັນລະບຽບ ຮຽບຮ້ອຍຂອງສັງຄົມ ເພື່ອ ສ້າງສະພາບແວດລ້ອມ ແລະ ເງື່ອນໄຂໃຫ້ແກ່ການພັດທະ ທະນາຢ່າງຕໍ່ເນື່ອງ, ສຸມໃສ່ແກ້ ໄຂປະກົດການຫຍໍ້ທໍ້ທາງສັງ ຄົມ ໂດຍສະເພາະບັນຫາຢາ ເສບຕິດ, ການຊີງຊັບ, ຂີ້ລັກງັດແງະ, ອັກຄີໄພ ແລະ ບັນຫາອື່ນໆໃຫ້ຫຼດໜ້ອຍຖອຍລົງໃນຂອບເຂດທົ່ວປະເທດ.

2). ສືບຕໍ່ແກ້ໄຂບັນຫາເສດຖະກິດ ເພື່ອໃຫ້ມີທິດຫັນ ປ່ຽນທີ່ໜັກແໜ້ນ, ສູ້ຊົນໃຫ້ບັນລຸຄາດໝາຍຂອງແຜນພັດທະນາເສດຖະກິດ – ສັງຄົມ ປີ 2017 ທີ່ສະພາແຫ່ງຊາດຮັບຮອງ. ສ້າງພື້ນຖານອັນແຂງແກ່ນໃຫ້ແກ່ການຈັດຕັ້ງປະຕິ ບັດແຜນ ປີ 2018 ແລະ ປີຕໍ່ໆໄປເພື່ອບັນລຸຄາດໝາຍດັ່ງກ່າວ, ພວກເຮົາຕ້ອງໄດ້ຄຸ້ມຄອງເສດຖະກິດມະຫາພາກໃຫ້ໝັ້ນທ່ຽງ ແລະ ຊຸກຍູ້ການຈັດຕັ້ງປະຕິບັດທິດທາງ ແລະ ມາດການກະຕຸ້ນເສດຖະກິດທີ່ ລັດຖະບານໄດ້ວາງອອກໃຫ້ມີ ປະສິດທິຜົນ ໂດຍລົງເລິກວຽກ ງານຈຸດສຸມໃນແຕ່ລະດ້ານຄື:

– ສູ້ຊົນເກັບລາຍຮັບໃຫ້ ໄດ້ຕາມແຜນ ຫຼື ລື່ນແຜນທີ່ສະພາຮັບຮອງເພື່ອຮັບປະກັນໃຫ້ ງົບປະມານມີຄວາມຄ່ອງຕົວ ແລະ ຫຼດຜ່ອນການຂາດດຸນງົບປະມານ, ດຳເນີນການອ່ວາຍ ໜີ້ສາມແຈໃຫ້ສຳເລັດພາຍໃນ ທ້າຍປີ 2017 ແລະ ສືບຕໍ່ຂຸດ ຄົ້ນແຫຼ່ງທຶນ ເພື່ອຊຳລະໜີ້ສິນ ໂຄງການລົງທຶນຂອງລັດໃຫ້ ໄດ້ຕາມສົກງົບປະມານ; ຄົ້ນຄວ້າ ແລະ ປັບປຸງນະໂຍບາຍ ເພີ່ມອາກອນຊົມໃຊ້ ສຳລັບ ສິນຄ້າຟຸມເຟືອຍຈຳນວນໜຶ່ງ ຢ່າງສົມເຫດສົມຜົນ ເພື່ອສ້າງ ລາຍຮັບເຂົ້າງົບປະມານ.

– ຮີບຮ້ອນຄົ້ນຄວ້ານະໂຍບາຍສິນເຊື່ອເພື່ອຊຸກຍູ້ການເຄື່ອນໄຫວທຸລະກິດ, ການຜະລິດສິນຄ້າ ແລະ ບໍລິການທີ່ ເປັນທ່າແຮງຂອງເສດຖະກິດ ແຫ່ງຊາດກໍຄືແຕ່ລະທ້ອງຖິ່ນ ໂດຍມີມາດຕະການທີ່ຊັດເຈນ ແລະ ໂປ່ງໃສ ໃນການເລືອກເຟັ້ນຫົວໜ່ວຍທຸລະກິດທີ່ມີຜົນງານ ແລະ ໂດຍມີຄວາມສາມາດໃນການຂະຫຍາຍທຸລະກິດ; ຕິດຕາມ ແລະ ຄຸ້ມຄອງອັດຕາແລກປ່ຽນໃຫ້ມີສະຖຽນລະພາບຖ້າຈຳເປັນກໍອາດຜ່ອນຄາຍນະໂຍບາຍເງິນຕາແຕ່ຕ້ອງສົມຄູ່ກັບການຮັກສາສະຖຽນລະພາບຂອງອັດຕາແລກປ່ຽນຕາມກົນໄກຕະຫຼາດໂດຍມີການຄຸ້ມຄອງທີ່ດີ ແລະ ຮັດກຸມ.

– ສືບຕໍ່ປັບປຸງ ຫຼື ປະຕິຮູບບັນດາລັດວິສາຫະກິດທີ່ເຄື່ອນໄຫວບໍ່ມີປະສິດທິຜົນ ຫຼື ມີປະສິດທິຜົນຕ່ຳໃຫ້ໄວຂຶ້ນ, ເປັນຕົ້ນແມ່ນລັດວິສາຫະກິດການບິນລາວ, ລັດວິສາຫະກິດໄຟຟ້າລາວ, ທະນາຄານທຸລະກິດລັດ ແລະ ອື່ນໆ. ການປັບປຸງລັດວິສາຫະກິດສາມາດເຮັດໃນຫຼາຍຮູບການຕາມຈຸດພິເສດ ແລະ ສະພາບຄວາມເປັນຈິງຂອງວິສາຫະກິດເຊັ່ນ: ຍົກລະດັບຄວາມຮູ້ຄວາມສາມາດຂອງຜູ້ບໍລິຫານ ແລະ ພະນັກງານ, ການປັບປຸງຄະນະບໍລິຫານທີ່ເຮັດວຽກບໍ່ມີປະສິດທິຜົນ ຫຼື ກ້າວໄປສູ່ການນຳໃຊ້ຜູ້ບໍລິ ຫານມືອາຊີບ, ຫັນລັດວິສາຫະກິດໄປສູ່ຮູບການລົງທຶນ ຫຼື ສັນຍາ ຈ້າງບໍລິຫານ. ທີ່ມີປະສິດທິຜົນ ຫຼື ຫັນໄປສູ່ຮູບກຳມະສິດອື່ນ ແຕ່ຕ້ອງໄດ້ຄົ້ນຄວ້າວິໄຈ ແລະ ຊັ່ງຊ້າໃຫ້ເລິກເຊິ່ງ ແລະ ຮອບຄອບ ເພື່ອບໍ່ໃຫ້ລັດເສຍຜົນປະໂຫຍດ ພ້ອມທັງໃຫ້ການປັບປຸງສອດຄ່ອງກັບທິດທາງ ແລະ ເປົ້າໝາຍການພັດທະນາປະເທດໃນໄລຍະຍາວ.

– ສືບຕໍ່ເອົາໃຈໃສ່ຈັດຕັັ້ງປະຕິບັດ, ມາດຕະການປະຢັດ – ຕ້ານການຟຸມເອຍຢ່າງເຂັ້ມງວດ, ເປັນລະບົບ ແລະ ຕໍ່ເນື່ອງ ໂດຍສະເພາະແມ່ນການຈຳ ກັດການໃຊ້ຈ່າຍງົບປະມານ ຂອງລັດ ໃນການຈັດງານລ້ຽງຮັບແຂກ, ໄປເຄື່ອນໄຫວຕ່າງປະເທດ ແລະ ອື່ນໆ. ພ້ອມກັນນັ້ນກໍໃຫ້ພິຈາລະນາຢ່າງຮອບຄອບຖີ່ຖ້ວຍ ແລະ ລະ ອຽດເລິກເຊິ່ງຕໍ່ທຸກໆການລົງທຶນໃໝ່ ເພື່ອຫຼີກເວັ້ນມູນຄ່າສູງເກີນຕົວຈິງ ແລະ ບໍ່ມີປະສິດທິຜົນຕາມຄຳສັ່ງ ເລກທີ 09/ນຍ ວ່າດ້ວຍການຢັດລາຍ ຈ່າຍງົບປະມານແຫ່ງລັດໃຫ້ມີ  ປະສິດທິຜົນ, ເຂັ້ມງວດໃນການກວດກາສະເໜີຂໍພິຈາລະນາ ລາຍຈ່າຍໃຫ້ບໍລິຫານ, ລາຍຈ່າຍດັດສົມ, ລາຍຂາຍຊື້ໃໝ່ ແລະ ອື່ນໆ.

– ປັບປຸງສະພາບແວດ ລ້ອມ ແລະ ບັນຍາກາດຂອງ ການລົງທຶນ ເພື່ອຊຸກຍູ້ ແລະ ສົ່ງເສີມການເຄື່ອນໄຫວຂອງ ພາກທຸລະກິດ ທັງພາຍໃນ ແລະ ຕ່າງປະເທດ ໂດຍສືບຕໍ່ປັບປຸງ ກົນໄກຈັດຂັ້ນຕອນການອະນຸ ມັດໃຫ້ມີຄວາມວ່ອງໄວ, ໂປ່ງໃສ ແລະ ຍຸຕິທຳ ແລະ ຄຸ້ມຄອງການລົງທຶນໃຫ້ມີປະສິດທິຜົນ; ແກ້ໄຂຂອດອຸດຕັນ ແລະ ທັບມ້າງສິ່ງກີດຂວາງຈຕ່າງໆ ເພື່ອອຳນວຍຄວາມສະດວກ ແລະ ຫຼດຜ່ອນຕົ້ນທຶນໃນການ ດຳເນີນທຸລະກິດຂອງຜູ້ປະກອບ ການ ທັງພາຍໃນ ແລະ ຕ່າງປະ ເທດ ທັງຢູ່ຂັ້ນສູນກາງ ແລະ ທ້ອງຖິ່ນ.

– ເລັ່ງຄົ້ນຄວ້າ ແລະ ຜັນຂະຫຍາຍນະໂຍບາຍສົ່ງເສີມ ແລະ ພັດທະນາວິສາຫະກິດຂະຫນາດນ້ອຍ ແລະ ກາງໃຫ້ເປັນທິດທາງ ແລະ ມາດຕະ ການຕົວຈິງທີ່ສາມາດປະຕິບັດ ໄດ້ຢ່າງມີປະສິດທິຜົນ. ຄົ້ນຄວ້າສ້າງກອງທຶນ ແລະ ລະດົມທຶນ ເພື່ອຊຸກຍູ້ການຈັດຕັ້ງປະຕິບັດ ນະໂຍບາຍດັ່ງກ່າວ ແລະ ສ້າງ ເງື່ອນໄຂໃຫ້ວິສາຫະກິດຂະໜາດນ້ອຍ ແລະ ກາງສາມາດຜັນຂະຫຍາຍ ແລະ ດຳເນີນທຸລະກິດຕິດພັນກັບການປະຕິ ບັດບັນດານະໂຍບາຍ, ທິດທາງ ແລະ ແຜນການທີ່ລັດຖະບານ ໄດ້ວາງອອກ, ເປັນຕົ້ນແມ່ນ ການຜະລິດເປັນສິນຄ້າ, ການຄ້ຳປະກັນສະບຽງອາຫານ, ການ ປຸງແຕ່ງຜະລິດກະສິກຳ ແລະ ອຸດສາຫະກຳ, ການຄ້າ, ການບໍລິການ, ການທ່ອງທ່ຽວ ແລະ ອື່ນໆ; ຊຸກຍູ້ ແລະ ອຳນວຍ ຄວາມສະດວກໃຫ້ແກ່ການຈັດ ຕັ້ງປະຕິບັດໂຄງການລົງທຶນຂະໜາດໃຫຍ່ໃຫ້ດຳເນີນໄປ ຕາມແຜນເຊັ່ນ: ໂຄງການທາງ ລົດໄຟ ລາວ – ຈີນ, ໂຄງການ ລົງທຶນດ້ານພະລັງງານ ແລະ ບໍ່ແຮ່, ໂຄງການພັດທະນາເຂດ ເສດຖະກິດພິເສດ ແລະ ເຂດເສດຖະກິດສະເພາະ, ໂຄງການ ຂະຫຍຍສະໜາມບິນ ແລະ ໂຄງການອື່ນໆທີ່ລັດຖະບານໄດ້ອະນຸມັດໄປແລ້ວ.

– ກຽມຄວາມພ້ອມໃຫ້ ແກ່ການເປີດປີທ່ອງທ່ຽວໃຫ້ມີເນື້ອໃນ ແລະ ຄຸນນະພາບ. ສ້າງ ແລະ ຈັດຕັ້ງປະຕິບັດແຜນການ, ແຜນງານ ແລະ ກິດຈະກຳລະອຽດ ໃນແຕ່ລະດ້ານໃຫ້ມີປະສິດທິຜົນເປັນຕົ້ນແມ່ນການໂຄສະນາ, ການປັບປຸງແຫຼ່ງ ທ່ອງທ່ຽວ, ການປັບປຸງພື້ນຖານໂຄງລ່າງທີ່ຈຳເປັນ, ການບໍລິການນຳທ່ຽວ, ແຜນບໍລິການ ສາທາລະນະສຸກ ແລະ ອື່ນໆ. ໃຫ້ຖືເອົາປີທ່ອງທ່ຽວປີ 2018 ເປັນວາລະສຳຄັນຂອງຊາດ ແລະ ເປັນກຳລັງແຮງສຳຄັນ ຂອງການກະຕຸ້ນເສດຖະກິດ ພ້ອມ ກັນນີ້ກໍຄວນເອົາໃຈໃສ່ວຽກງານປົກປັກຮັກສາ ແລະ ໂຄສະນາເຜີຍແຜ່ວັດທະນະທຳ ແລະ ຮີດຄອງປະເພນີອັນດີງາມຂອງຊາດ. ກຽມຄວາມພ້ອມ ເພື່ອຮັບມືກັບເຫດການທີ່ບໍ່ຄາດຄິດທີ່ອາດສ້າງຄວາມບໍ່ ສະຫງົບ ແລະ ກະທົບຕໍ່ບົດບາດ, ຊື່ສຽງ ແລະ ຄວາມເຊື່ອໝັ້ນຂອງນັກທ່ອງທ່ຽວກໍຄືຕ່າງ ປະເທດ ຕໍ່ປະເທດເຮົາ.

3). ສືບຕໍ່ພັດທະນາທາງດ້ານສັງຄົມ, ພັດທະນາຊົນນະ ບົດ ແລະ ລຶບລ້າງຄວາມທຸກຍາກ ໂດຍເອົາໃຈໃສ່ປັບປຸງຄຸນນະພາບການສຶກສາ ແລະ ສາທາລະນະສຸກ ໃນເຂດຊົນນະບົດຫ່າງໄກສອກຫຼີກ, ສຸມ ທຶນຮອນເຂົ້າໃນການປັບປຸງ ແລະ ກໍ່ສ້າງພື້ນຖານໂຄງລ່າງ  ຊົນນະບົດ, ເປັນຕົ້ນແມ່ນບັນດາໂຄງການພັດທະນາໄຟຟ້າ, ຖະໜົນຫົນທາງ, ນ໙ປະປາ, ນ້ຳສະອາດ, ຊົນລະປະທານ, ໂຮງຮຽນ, ໂຮງໝໍ, ສຸກສາລາ, ອຸປະກອນການສຶກສາ ແລະ ການແພດ ແລະ ອື່ນໆທີ່ມີແຜນລະອຽດ ແລະ ໄດ້ຮັບການປະເມີນແລ້ວ. ຍົລະດັບຄຸນນະພາບຂອງການສິດສອນຂອງຄູ ແລະ ບົດຮຽນປະສົບການຂອງໝໍກໍຄືພະຍາບານຢູ່ຊົນນະບົດໃຫ້ສູງຂຶ້ນ. ຈັດສັນພູມລຳເນົາ ແລະ ເຂດທຳມາຫາກິນ, ແຫຼ່ງນ້ຳ ເພື່ອທຳການຜະລິດ, ແນະນຳບົດຮຽນ ແລະ ເຕັກນິກວິຊາການ, ສະໜອງແນວພັນພືດ, ແນວພັນສັດ ແລະ ຊ່ວຍເຫຼືອດ້ານອື່ນໆທີ່ຈຳເປັນຕໍ່ປະຊາຊົນ ເພື່ອໃຫ້ສາມາດທຳການຜະລິດກຸ້ມຕົນເອງ ແລະ ຂາຍເປັນສິນຄ້າ ເພື່ອຍົກສູງລະດັບຊີວິດການເປັນຢູ່ຂອງປະຊາຊົນຢູ່ຊົນນະບົດໃຫ້ດີຂຶ້ນ ແລະ ເຮັດໃຫ້ອັດຕາຄວາມທຸກຍາກຂອງປະຊາຊົນຫຼດລົງເປັນກ້າວໆ.

4). ສືບຕໍ່ຍູ້ແຮງການພັດ ທະນາໃຫ້ໄປຕາມທິດທີ່ຍືນຍົງ ໂດຍເພີ່ມທະວີຄວາມເຂັ້ມງວດ ໃນການຄຸ້ມຄອງ ແລະ ກວດກາຂຸດຄົ້ນໄມ້ ແລະ ການເຄື່ອນຍ້າຍໄມ້ຄຽງຄູ່ກັບການ ຫັນທຸລະກິດໄມ້ໄປສູ່ການຜະ ລິດທີ່ເປັນລະບົບຄົບວົງຈອນ (ມີການປູກ, ການຕັດ, ການປຸງແຕ່ງ ແລະ ການສົ່ງອອກຜະ ລິດຕະພັນສຳເລັດຮູບ); ສືບຕໍ່ກວດກາ ແລະ ຄຸ້ມຄອງປ່າສະ ຫງວນແຫ່ງຊາດໂດຍການມີສ່ວນຮ່ວມຂອງປະຊາຊົນ ເພື່ອດຶງປະຊາຊົນອອກຈາກການຕັດໄມ້ທຳລາຍປ່າ, ເປັນຜູ້ກວດກາ ແລະ ປ້ອງກັນການບຸກລຸກ – ທຳລາຍປ່າໄມ້, ສ້າງໃຫ້ປະຊາຊົນໄດ້ຮັບຜົນປະໂຫຍດ ຕິດພັນກັບການປົກປັກຮັກສາ ປ່າໄມ້ ແລະ ຊັບພະຍາກອນທຳມະຊາດ ພ້ອມກັນນີ້ກໍຕ້ອງ ມີແຜນຟື້ນຟູປ່າໄມ້ທີ່ຊຸດໂຊມ ຈາກການບຸກລຸກລັກລອບຕັດ ທີ່ຜິດກົດໝາຍ ແລະ ຈາກຜົນ ກະທົບຂອງໂຄງການພັດທະນາ ໂດຍມີການກຳນົດແຫຼ່ງງົບ ປະມານ ເພື່ອການຟື້ນຟູປ່າ ໄມ້ຢ່າງຊັດເຈນ ຈຶ່ງຈະສາມາດປະຕິບັດໄດ້.

5). ສືບຕໍ່ເພີ່ມທະວີຄວາມ ສັກສິດ ແລະ ປະສິດທິຜົນໃນ ການຄຸ້ມຄອງລັດ – ຄຸ້ມຄອງ ສັງຄົມຕາມກົດໝາຍ ແລະ ລະບຽບການຢ່າງເຂັ້ມງວດ. ເລີ່ມ ແຕ່ປີ 2016 ເປັນຕົ້ນ ລັດຖະ ບານໄດ້ກວດກາຄືນການຕົກ ລົງຂອງພາກລັດ ແລະ ການ ເຄື່ອນໄຫວທຸລະກິດທີ່ບໍ່ສອດ ຄ່ອງກັບກົດໝາຍ ແລະ ລະ ບຽບການຈຳນວນໜຶ່ງເປັນຕົ້ນ ແມ່ນການຫັນຊັບສິນເປັນທຶນ, ການຈັດຕັ້ງປະຕິບັດໂຄງການ ລົງທຶນຂອງລັດ ຕິດພັນກັບການ ກູ້ຢືມ ໂດຍບໍ່ຜ່ານການປະມູນ (ໂຄງການ EPC), ການນຳ ເຂົ້ານ໙ມັນ, ພາຫະນະ, ວັດສະ ດຸກໍ່ສ້າງ, ສິນຄ້າບໍລິໂພກ ແລະ ອື່ນໆ. ຂະຍວນການກວດກາ ດັ່ງກ່າວນີ້ໄດ້ດຳເນີນໄປຕາມ ຂັ້ນຕອນ ແລະ ໃຊ້ເວລາຫຼາຍ ສົມຄວນ ແລະ ການກວດກາ ຫຼາຍໂຄງການຍັງບໍ່ທັນສຳເລັດ ສົມບູນ ແຕ່ກໍສາມາດຊອກເຫັນ ການປະຕິບັດທີ່ບໍ່ສອດຄ່ອງ ກັບກົດໝາຍ ແລະ ລະບຽບ ການ, ເຫັນການຮົ່ວໄຫຼຂອງງົບປະທານຈຳນວນຫຼວງຫຼາຍ ແລະ ສາມາດກອບກູ້ຄືນລາຍຮັບເຂົ້າງົບປະມານ ພ້ອມກັນ ນີ້ກໍເປັນການສົ່ງສັນຍານເຕືອນອົງການຈັດຕັ້ງລັດກໍຄືຜູ້ປະກອບການເຖິງຄວາມເອົາຈິງເອົາຈັງ ຂອງລັດຖະບານ ໃນການຈຳກັດຮັດແຄບ ແລະ ລົງໂທດຜູ້ກະທຳຜິດ ພ້ອມທັງຫັນການຄຸ້ມຄອງ ລັດ – ຄຸ້ມຄອງສັງຄົມໃຫ້ເຂົ້າສູ່ ການຈັດຕັ້ງປະຕິບັດກົດໝາຍ ແລະ ລະບຽບການຢ່າງເຂັ້ມງວດ ສຳລັບປີ 2018 ແລະ ປີຕໍ່ໆໄປ, ລັດຖະບານຈະໄດ້ສືບຕໍ່ເສີມຂະ ຫຍາຍຕາມທິດທາງດັ່ງກ່າວຢ່າງ  ແຂງແຮງ.

6). ສືບຕໍ່ປັບປຸງກົນໄກການ ປະສານງານ ແລະ ປະສານສົມ ທົບລະຫວ່າງຂະແໜງການຂັ້ນ ສູນກາງ ແລະ ອົງການປົກຄອງ ທ້ອງຖິ່ນ ໃນການຈັດຕັ້ງປະຕິ ບັດແຜນພັດທະນາເສດຖະກິດ – ສັງຄົມໃຫ້ມີປະສິດທິຜົນ. ປັດ ຈຸບັນລັດຖະບານໄດ້ມອບໃຫ້ ສະຫາຍ ສອນໄຊ ສີພັນດອນ ຮອງນາຍົກລັດຖະມົນຕີ ເປັນຜູ້ ຊີ້ນຳ ແລະ ມອບໃຫ້ລັດຖະມົນ ຕີປະຈຳສຳນັກງານນາຍົກລັດ ຖະມົນຕີ ເປັນຜູ້ປະສານງານກັບ ບັນດາຂະແໜງການ ແລະ ທ້ອງ ຖິ່ນ. ມື້ນີ້ ພວກເຮົາກໍໄດ້ມີການ ສະຫຼຸບຕີລາຄາ ແລະ ກຳນົດທິດ ທາງ ໃນການປັບປຸງກົນໄກດັ່ງ ກ່າວແລ້ວ ແລະ ຈະໄດ້ສືບຕໍ່ສະ ຫຼຸບຖອດຖອນບົດຮຽນການຈັດ ຕັ້ງປະຕິບັດ ແລະ ປັບປຸງຕໍ່ໄປອີກ ເພື່ອໃຫ້ແທດເໝາະກັບຄວາມ ຮຽກຮ້ອງຕ້ອງການຂອງວຽກ ງານ ແລະ ຊຸກຍູ້ໃຫ້ຂະແໜງການ ແລະ ທ້ອງຖິ່ນ ສາມາດເສີມຂະ ຫຍາຍທ່າແຮງ, ຄວາມອາດສາ ມາດ ແລະ ຄວາມຮັບຜິດຊອບ ຂອງຕົນໃຫ້ສູງຂຶ້ນ ເພື່ອຮັບປະ ກັນປະສິດທິຜົນໃນການປະຕິ ບັດວຽກງານ.

7). ຮຽກຮ້ອງມາຍັງໃຫ້ບັນ ດາສະມາຊິກລັດຖະບານ, ເຈົ້າ ຄອງນະຄອນຫຼວງ ແລະ ບັນດາ ເຈົົ້າແຂວງສືບຕໍ່ເອົາໃຈໃສ່ ແລະ ບຸກບືນຫຼາຍຂຶ້ນຕື່ມໃນການຊີ້ ນຳ, ຕິດຕາມ, ຊຸກຍູ້ ແລະ ກວດ ກາການຈັດຕັງປະຕິບັດບັນດາ ວຽກງານຈຸດສຸມພາຍໃຕ້ຄວາມ ຮັບຜິດຊອບຂອງຕົນໃຫ້ມີປະ ສິດທິຜົນ. ບັນດາຂະແໜງການ ແລະ ທ້ອງຖິ່ນຕ້ອງບຸກບືນ, ຫ້າວ ຫັນ ແລະ ແຂ່ງຂັນກັນ ເພື່ອພັດ ທະນາ, ສ້າງຜົນງານ ແລະ ປະ ກອບສ່ວນເຂົ້າໃນການຈັດຕັ້ງ ປະຕິບັດແຜນພັດທະນາເສດ ຖະກິດ – ສັງຄົມແຫ່ງຊາດ ໂດຍ ສະເພາະ ໃນປີ 2017 ນີ້ ແຜນ ສູ້ຊົນໃຫ້ບັນລຸຄາດໝາຍທີ່ວາງ ໄວ້ ເພື່ອເປັນການກະຕຸກຊຸກຍູ້ ການເກັບລາຍຮັບຂອງທ້ອງຖິ່ນ,  ລັດຖະບານ (ພາຍໃຕ້ການຕົກ ລົງຂອງກົມການເມືອງສູນກາງ ພັກ) ຕົກລົງໃຫ້ແບ່ງເຄິ່ງໜຶ່ງ ຂອງບ້ວງເງິນເກີນແຜນທີ່ທ້ອງ ຖິ່ນເກັບໄດ້ໃຫ້ທ້ອງຖິ່ນນຳໃຊ້ ແລະ ໃຫ້ຈັດສັນເຂົ້າໃນແຜນແກ້ ໄຂໜີ້ສິນເປັນບູລິມະສິດ ພ້ອມ ທັງມີການສະຫຼບລາຍງານໃຫ້ ລັດຖະບານ.

8). ສະເໜີໃຫ້ບັນດາອົງ ການຈັດຕັ້ງພັກ, ອົງການກວດ ກາລັດຖະບານ, ສະພາແຫ່ງ ຊາດ, ສານປະຊາຊົນ, ອົງການ ໄອຍະການປະຊາຊົນ, ສູນກາງ ແນວລາວສ້າງຊາດ, ສະຫະພັນ ນັກຮົບເກົ່າ ແລະ ອົງການຈັດຕັ້ງ ມະຫາຊົນ ສືບຕໍ່ຕິດຕາມ, ກວດ ກາ ແລະ ປະສານສົມທົບຢ່າງ ໃກ້ຊິດຕິດແທດກັບລັດຖະບານ ກໍຄືກັບບັນດາຂະແໜງການ ແລະ ອຳນາດການປົກຄອງທ້ອງ ຖິ່ນ ເພື່ອສ້າງເງື່ອນໄຂ, ຮ່ວມໄມ້ ຮ່ວມມື ແລະ ຊຸກຍູ້ໃຫ້ລັດຖະ ບານປະຕິບັດພາລະບົດບາດ, ໜ້າທີ່ ແລະ ຂອບເຂດສິດທີ່ໄດ້ ກຳນົດໃນກົດໝາຍ ວ່າດ້ວຍລັດ ຖະບານໃຫ້ມີປະສິດທິຜົນສູງ.