Bitdefender ອຸປະກອນ​ປ້ອງ​ກັນ​ໄວ​ຣັສຂັ້ນ​ສູງສຸດ

- advert banner 728 90 728x90 - Bitdefender ອຸປະກອນ​ປ້ອງ​ກັນ​ໄວ​ຣັສຂັ້ນ​ສູງສຸດ

     ​ເຊົ້າ​ວັນ​ທີ 7 ກັນຍາ​ນີ້, ທ່ານ ພຸດ​ພອນ​ໄຊ ຫລວງ​ລາດ ຜູ້​ບໍລິຫານ ບໍລິສັດ ດາ​ຕາ​ຄອມ ຈຳກັດ ຮ່ວມ​ກັບ ທ່ານ ​ໄມ​ເຄິລ ​ໂດ​ມີ​ນິກ ກຳມະການ​ຜູ້​ຈັດການ Bitdefender ອິນ​ໂດ​ຈີນ, ​​​ໄດ້​ແນະນຳ​ອຸປະກອນ ທີ່​ໃຊ້​ສຳ​ລັບການ​ປ້ອງ​ກັນ​ໄພ​ຄຸກ​ຄາມ ກໍ​ຄື​ໄວຣັສ ທີ່​ມີ​ປະສິດທິພາບ​ສູງ ​ແລະ ທັນ​ສະ​ໄໝ​ເໝາະ​ກັບ​ຍຸກ​ປັດຈຸບັນ​ເປັນ​ຢ່າງ​ດີ, ຊຶ່ງການບໍລິການທາງດ້ານການຮັກສາ ຄວາມປອດໄພຊັ້ນນຳຂອງໂລກໄດ້ຮ່ວມມືກັບບໍລິສັດໄອທີພາຍໃນປະເທດ ເພື່ອນຳເອົາຜະລິດຕະພັນດັ່ງກ່າວ ມາສູ່ຕະຫຼາດໄອທີໃນລາວ, ​ໂດຍ​ສະ​ເພາະ ບັນດາຜູ້ຊົມໃຊ້ຄອມພິວເຕີ, ​ແມ່ນສາມາດນຳໃຊ້ເຕັກໂນໂລຢີປ້ອງກັນໄວຣັສຮູບ​ແບບໃໝ່ຫຼ້າສຸດຂອງ Bitdefender ​ແລະ ປັດຈຸບັນນີ້ ມີ​ພຽງບໍລິສັດ ດາຕາຄອມ ຈຳກັດ​ເທົ່າ​ນັ້ນທີ່​ສາມາດ​ສະໜອງ​ອຸປະກອນ​ດັ່ງກ່າວ​ໄດ້.

- lattana 1 - Bitdefender ອຸປະກອນ​ປ້ອງ​ກັນ​ໄວ​ຣັສຂັ້ນ​ສູງສຸດ

ຜູ້​ບໍລິຫານ ບໍລິສັດ ດາ​ຕາ​ຄອມ ກ່າວວ່າ: ປັດຈຸບັນໂຄງລ່າງພື້ນຖານ ທາງດ້ານອິນເຕີເນັດແມ່ນເພີ່ມຂຶ້ນຢ່າງໄວວາ, ລວມໄປເຖິງການຫັນເປັນດິຈິ ຕອນ ແລະ ຈຳນວນຜູ້ຊົມໃຊ້ຄອມພິວເຕີ້ໃນລາວ ກໍນັບມື້ເພີ່ມຂຶ້ນ, ເຊິ່ງເຮັດ ໃຫ້ຄວາມຮຽກຮ້ອງຕ້ອງການທາງດ້ານການຮັກສາຄວາມປອດໄພທາງໄຊເບີ້ ເພີ່ມຂຶ້ນເຊັ່ນດຽວກັນ ແລະ ຂະນະນັ້ນ ການນຳໃຊ້ຜະລິດຕະພັນຮັກສາ ຄວາມປອດໄພທີ່ໜ້າເຊື່ອຖືແມ່ນເປັນສິ່ງສຳຄັນຫຼາຍ, ຊຶ່ງ​ບໍ​ລິ​ສັດ ດາ​ຕາ​ຄອມ ​ໄດ້​​ເລັງ​ເຫັນຜະລິດ​ຕະພັນ​ທີ່​​ເອີ້ນ​ວ່າ: Bitdefender, ​ໂດຍ​ມີຈຳໜ່າຍຢູ່ຫລາຍ ກວ່າ 200 ປະເທດໃນທົ່ວໂລກນຳມາ​ຈຳໜ່າຍ​ໃຫ້​​ປະຊາຊົນ​ລາວ​ໄດ້​ນຳ​ໃຊ້ ​ເພື່ອ​ຄວາມ​ປອດ​ໄພ​ຂອງ​ຂໍ້​ມູນ ​ແລະ ​ເອກະສານ​ສຳຄັນ​ຕ່າງໆ​​ໄດ້​ເກັບ​ຮັກສາໄວ້​​ ​ປອດ​ໄພ​.

ທ່ານ ​ໄມ​ເຄິລ ​ໂດ​ມີ​ນິກ ກຳມະການ​ຜູ້​ຈັດການ Bitdefender ອິນ​ໂດ​ຈີນ ກ່າວວ່າ: ປັດຈຸບັນມີຜູ້ຊົມໃຊ້ເຕັກໂນໂລຢີ Bitdefender ຫຼາຍກວ່າ 500 ລ້ານຄົນໃນທົ່ວໂລກ, ເຊິ່ງເປັນເຕັກໂນໂລຢີທີ່​ຈັດ​ຢູ່​ໃນລຳດັບທີ 1, ໂດຍສະຖາ ບັນການຮັກສາຄວາມປອດໄພທາງໄຊເບີ້ສາກົນທີ່ເປັນເອກະລາດເຊັ່ນ: AV-Test (ເຢຍລະມັນ) ​ແລະ AV-Comparatives (ອອສເຕຣຍ) ອີກ​ດ້ວຍ.