ເລັ່ງຂື້ນທະບຽນໃຫ້ແຮງງານຕ່າງປະເທດທີ່ເຮັດວຽກຢູ່ນະຄອນຫລວງວຽງຈັນ

- advert banner 728 90 728x90 - ເລັ່ງຂື້ນທະບຽນໃຫ້ແຮງງານຕ່າງປະເທດທີ່ເຮັດວຽກຢູ່ນະຄອນຫລວງວຽງຈັນ

         ຫົວໜ້າພະແນກແຮງງານ ແລະ ສະຫວັດດີການສັງຄົມ, ນະຄອນຫຼວງວຽງຈັນ, ໄດ້ຖະແຫຼງຂ່າວຕໍ່ສື່ວນຊົນວ່າ: ເລີ່ມແຕ່ວັນທີ 1 ກັນຍາ ເຖິງ ວັນທີ 30 ພະຈິກ 2017 ນະຄອນຫລວງວຽງຈັນ ຈະເລັ່ງສືບຕໍ່ຂື້ນທະບຽນ ແລະ ອອກບັດອະນຸຍາດເຄື່ອນໄຫວຊົ່ວຄາວໃຫ້ແຮງງານຕ່າງປະເທດທີ່ເຄື່ອນໄຫວ ຢູ່ນະຄອນຫຼວງວຽງຈັນ, ພ້ອມເກັບກຳຂໍ້ມູນ, ການຂື້ນບັນຊີໃຫ້ຖືກຕ້ອງຊັດເຈນ ແລະ ສ້າງເງື່ອນໄຂໃຫ້ເຂົາເຈົ້າໄດ້ເຄື່ອນໄຫວເຮັດວຽກຢູ່ນະຄອນຫຼວງວຽງຈັນຖືກຕ້ອງຕາມຕໍ່ລະບຽບກົດໝາຍແຮງງານຂອງລາວ. ໃນໄລຍະຜ່ານມາຈຳນວນຄົນຕ່າງປະເທດທີ່ມາຂຶ້ນທະບຽບແລ້ວມີປະມານ 4.397 ຄົນ, ເປັນຍິງ 1.562 ຄົນ ແລະ ຊໍາລະສະສາງແມ່ນ 3.820 ຄົນ ປັບສະຖານະພາບ 577 ຄົນ, ສ່ວນໃຫຍ່ແມ່ນຊາວຫວຽດນາມ; ເພື່ອອຳ ນວຍຄວາມສະດວກໃຫ້ແກ່ຫົວໜ່ວຍແຮງງານ ກໍຄືຫົວໜ່ວຍທຸລະກິດ, ຊາວຄ້າ ຂາຍ ແລະ ເຈົ້າໜ້າທີ່ກວດກາແຮງງານພວກເຮົາໄດ້ ຕັ້ງຈຸດບໍລິການຂື້ນທະບຽນຢູ່ 9 ຕົວເມືອງນະຄອນຫລວງວຽງຈັນ.    ຫົວໜ້າພະແນກແຮງງານ ກ່າວວ່າ: ແຕ່ເຖິງຢ່າງໃດກໍຕາມ ວຽກງານການຂື້ນທະບຽນແຮງງານເປັນວຽກໜຶ່ງທີ່ເຮັດ ໃຫ້ການໃຊ້ແຮງງານມີປະສິດທິພາບ ແລະ ເຖິງຈະມີສິ່ງທ້າທາຍຕ່າງໆແຕ່ນັ້ນແມ່ນສິດໜ້າທີ່ກວດກາແຮງງານຂອງບັນດາຜູ້ໃຊ້ ແຮງງານເຂົ້າໃນການຄຸ້ມຄອງ ແລະ ປົກປ້ອງຜົນປະໂຫຍດຂອງຜູ້ອອກແຮງງານ ແລະ ຜູ້ໃຊ້ແຮງງານໂດຍລວມ ແລະ ພ້ອມນີ້ ທ່ານຫົວໜ້າພະແນກແຮງງານ ຍັງໄດ້ຮຽກຮ້ອງມາຍັງອຳນາດການປົກຄອງ, ຫົວໜວ່ຍທຸລະກິດ, ບໍລິສັດຫ້າງຮ້ານ, ຜູ້ມີເຮືອນເຊົ່າ ແລະ ຜູ້ທີ່ໃຫ້ພັກພາອາໃສໃຫ້ແກ່ຄົນຕ່າງປະເທດ ແລະ ຊາວນະຄອນຫຼວງວຽງຈັນ ຈົ່ງຊວ່ຍກັນປຸກລະດົມ, ຊຸກຍູ້ ແລະ ນຳພາຄົນຕ່າງປະ ເທດເຂົ້າມາຂື້ນທະບຽນ ແລະ ຂໍໃບອານຸຍາດເຄື່ອນໄຫວຊົ່ວຄາວ ນຳຄະນະ ໜ່ວຍງານຕາມຈຸດບໍລິການທີ່ໄດ້ກຳນົດໄວ້ນີ້ ແລະ ຮຽກຮ້ອງມາຍັງຊາວຕ່າງປະ ເທດທີເຄື່ອນໄຫວ ແລະ ດຳເນີນທຸລະກິດປະກອບອາຊີບຕ່າງໆ ຢູ່ໃນນະຄອນ ຫຼວງວຽງຈັນ ກໍຄືໃນລາວໃຫ້ຄວາມຮ່ວມມື ແລະ ເຂົ້າຮ່ວມຂື້ນທະບຽນປັບສະ ຖານະພາບແຮງງານນຳຄະນະໜ່ວຍງານໃຫ້ຖືກຕ້ອງ.

- lattana 1 - ເລັ່ງຂື້ນທະບຽນໃຫ້ແຮງງານຕ່າງປະເທດທີ່ເຮັດວຽກຢູ່ນະຄອນຫລວງວຽງຈັນ