ແຂວງຈຳປາສັກ ແລະ ບິງດິ໋ງ ສສ ຫວຽດນາມ ເພີ່ມທະວີການຮ່ວມມືດ້ານວຽກງານ ຖວທ

- advert banner 728 90 728x90 -  ແຂວງຈຳປາສັກ ແລະ ບິງດິ໋ງ ສສ ຫວຽດນາມ ເພີ່ມທະວີການຮ່ວມມືດ້ານວຽກງານ ຖວທ

           ການພົບປະປຶກສາຫາລືເພື່ອແນໃສ່ເພີ່ມທະວີການຮ່ວມມືດ້ານວຽກງານຖະແຫລງຂ່າວ, ວັດທະນະທຳ ແລະ ທ່ອງທ່ຽວ ແຂວງຈຳປາສັກ ແລະ ແຂວງບິ່ງດິ໋ງ ສສ ຫວຽດນາມ ໄດ້ ມີຂຶ້ນໃນວັນທີ 7 ກັນຍານີ້, ໃນໂອກາດທີ່ຄະນະຜູ້ແທນພະແນກຖະແຫລງຂ່າວ ແລະ ການສື່ສານແຂວງດັ່ງກ່າວ, ນຳໂດຍທ່ານຫົວໜ້າພະແນກ ເຈີນ ກິມຄາ ໄດ້ເດີນທາງມາຢ້ຽມຢາມແຂວງຈຳປາສັກ ຕາມການຮ່ວມມືສອງຝ່າຍ, ຊຶ່ງຜ່ານການປຶກສາຫາລືສອງຝ່າຍໄດ້ເຫັນດີເປັນເອກກະພາບກັນວ່າ: ໃນໄລຍະແຕ່ປີ 2017-2021 ສອງພະແນກການຈະໄດ້ເພີ່ມທະວີການຮ່ວມມືໃນຂົງເຂດວຽກງານຖະແຫລງຂ່າວ ແລະ ການສື່ສານ ເພື່ອສ້າງເງື່ອນໄຂໃຫ້ນັກທຸລະກິດທີ່ນອນໃນຂົງເຂດວຽກງານດັ່ງກ່າວໄດ້ເຂົ້າຮ່ວມຈັດຕັ້ງປະຕິບັດ ແລະ ຊ່ວຍເຫລືອຊຶ່ງກັນໃນການພັດທະນາວຽກງານຖະແຫລງຂ່າວ-ສື່ມວນຊົນ ຕາມຄວາມອາດສາມາດ ແລະ ຄວາມຮຽກຮ້ອງຕ້ອງການຕົວຈິງແຕ່ລະຝ່າຍບົນຈິດໃຈຕ່າງຝ່າຍຕ່າງມີຜົນປະໂຫຍດ ແລະ ສອງຝ່າຍຍິນດີໃນການແລກປ່ຽນຂໍ້ມູນຂ່າວສານ ແລະ ປະສົບການຕ່າງໆກ່ຽວກັບວຽກງານຄຸ້ມຄອງລັດໃນຂົງເຂດຖະແຫລງຂ່າວ ແລະ ສື່ມວນຊົນຢ່າງເປັນປົກກະຕິ, ປະສານສົມທົບກັນສະໜອງຂໍ້ມູນຂ່າວສານ ເພື່ອໂຄສະນາເຜີຍແຜ່ກ່ຽວກັບໝາກຜົນການພົວພັນຮ່ວມມືລະຫວ່າງສອງປະເທດ ແລະ ເຫັນດີແລກປ່ຽນການຢ້ຽມຢາມຖອດຖອນບົດຮຽນ ແລະ ປະສົບການກ່ຽວກັບວຽກງານສື່ມວນຊົນ ປະສານສົມທົບກັນໃນການພິມຈຳໜ່າຍຜະລິດຕະພັນສື່, ເອກະສານຕ່າງໆດ້ວຍສອງພາສາ, ເພື່ອເປັນການໂຄສະນາເຜີຍແຜ່ກ່ຽວກັບທ່າແຮງຄວາມສາມາດບົ່ມຊ້ອນ ທີ່ເປັນເອກະລັກສະເພາະຂອງສອງແຂວງ, ປະສານສົມທົບກັນຈັດຕັ້ງຝຶກອົບຮົມບຳລຸງສ້າງພະນັກງານວິຊາການຂ່າວ, ບັນນາທິການ, ນາຍຊ່າງເຕັກນິກ, IT ແລະ ການຄຸ້ມຄອງວຽກງານຖະແຫລງຂ່າວ ແລະ ສື່ມວນຊົນ ໃຫ້ມີປະສິດທິຜົນ ສອງຝ່າຍເຫັນດີສ້າງເງື່ອນໄຂ ແລະ ກາລະໂອກາດດຶງດູດການລົງທຶນ, ເຮັດໃຫ້ທຸລະກິດຮ່ວມກັນໃນການຕອບສະໜອງຂໍ້ມູນຂ່າວສານ ແລະ ການພິມຈຳໜ່າຍອື່ນໆອີກ.

- lattana 1 -  ແຂວງຈຳປາສັກ ແລະ ບິງດິ໋ງ ສສ ຫວຽດນາມ ເພີ່ມທະວີການຮ່ວມມືດ້ານວຽກງານ ຖວທ