YouTube ເພີ່ມລາຍລະອຽດລະດັບ HDR ເປີດໃຫ້ໃຊ້ໃນແອັບມືຖືແລ້ວ

- WhatsApp Image 2017 07 12 at 9 - YouTube ເພີ່ມລາຍລະອຽດລະດັບ HDR ເປີດໃຫ້ໃຊ້ໃນແອັບມືຖືແລ້ວ

ຫລ້າສຸດສໍາລັບໃຜທີ່ຕອນນີ້ໃຊ້ມືຖືທີ່ໜ້າຈໍຮອງຮັບເຕັກໂນໂລຊີ HDR ແລ້ວ ລອງເປີດແອັບ YouTube ເບິ່ງ ຈະເຫັນວ່າໃນວິດີໂອຄຸນນະພາບສູງບາງຕົວ ເມນູປັບຄວາມລະອຽດວິດີໂອ ຈະມີຕົວອັກສອນ HDR ລົງທ້າຍຄວາມລະອຽດຂອງວິດີໂອ ໃຫ້ເລືອກຮັບຊົມອີກ.

- lattana 1 - YouTube ເພີ່ມລາຍລະອຽດລະດັບ HDR ເປີດໃຫ້ໃຊ້ໃນແອັບມືຖືແລ້ວ

ໂດຍສໍາລັບຟີເຈີນີ້ ຍັງບໍ່ໄດ້ມີການປະກາດຢ່າງເປັນທາງການ ຈາກທາງ YouTube ແຕ່ເກີດຈາກການພົບເຫັນຂອງຊາວເນັດໃນເວັບໄຊ Reddit ​ເຊິ່ງໄດ້ລອງກັບໂທລະສັບມືຖືທີ່ຮອງຮັບ HDR ແລ້ວ ປາກົດວ່າແອັບ YouTube ໄດ້ເປີດຟີເຈີນີ້ໃຫ້ພ້ອມໃຊ້ແລ້ວເຊັ່ນກັນ (ມືຖືທີ່ຮອງຮັບ HDR ໃນຕອນນີ້ໄດ້ແກ່ Sony Xperia XZ Premium, LG V30, Samsung Galaxy S8/S8+/Note 8 ແລະ Google Pixel) ແນ່ນອນວ່າໃນມືຖືຮຸ່ນອື່ນໆ ທີ່ບໍ່ຮອງຮັບຈະບໍ່ມີຟີເຈີນີ້ໃຫ້ເຫັນ.

-                            2 - YouTube ເພີ່ມລາຍລະອຽດລະດັບ HDR ເປີດໃຫ້ໃຊ້ໃນແອັບມືຖືແລ້ວ

            ຄວາມລະອຽດລະດັບ HDR ນີ້ ຈະມີໃຫ້ເປີດໃຊ້ນັບແຕ່ຄວາມລະອຽດນ້ອຍທີ່ສຸດເຊັ່ນ  144p  ໄປຈົນເຖິງຄວາມລະອຽດສູງທີ່ສຸດ ​ເຊິ່ງເລື່ອງການຮອງຮັບເຕັກໂນໂລຊີ HDR ບໍ່ແມ່ນເລື່ອງໃຫມ່ສໍາລັບ YouTube ແຕ່ເປັນເລື່ອງໃຫມ່ສໍາລັບແອັບ YouTube ໃນແອນດຣອຍ ​ເຊິ່ງມີການຮອງຮັບພຽງບໍ່​ເທົ່າ​ໃດຮຸ່ນເທົ່ານັ້ນ ແລະ ວິດີໂອກໍເຊັ່ນກັນ ທີ່ຈະຮອງຮັບການຫຼິ້ນ HDR ພຽງບາງລາຍການ.

ສໍາລັບໃຜທີ່ຢາກລອງໃຊ້ HDR ໃນແອັບ YouTube ກໍບໍ່ຍາກ ພຽງມີມືຖືທີ່ຮອງຮັບ HDR ທີ່ໄດ້ກ່າວໄວ້ໃນຕອນຕົ້ນ ເປີດແອັບ YouTube ທີ່ອັບເດດເປັນເວີຊັ່ນຫລ້າສຸດແລ້ວ ແລະ ເລືອກຫາຄິບວິດີໂອທີ່ຮອງຮັບ HDR ຈາກນັ້ນກົດທີ່ປຸ່ມ ຈຸດ 3 ຈຸດ ແລະ ເລືອກຄວາມລະອຽດຂອງວິດີໂອ ພຽງເທົ່ານີ້ກໍສໍາເລັດແລ້ວ.