ກິນໝາກມັງກອນດີຕໍ່ສຸຂະພາບແນວໃດ ?

- advert banner 728 90 728x90 -  ກິນໝາກມັງກອນດີຕໍ່ສຸຂະພາບແນວໃດ ?

ໝາກມັງກອນມີລັກສະນະເປັນວຸ້ນຊ່ວຍດູດຊຶມນຳ້ໃນຮ່າງກາຍ ແລະ ຄວບຄຸມລະດັບນຳ້ຕານໃນຄົນເປັນເບົາຫວານຊະນິດ ທີ່ບໍ່ຕ້ອງໃຊ້ອິນຊູລິນໄດ້ ສາມາດຊ່ວຍໃນການຫລຸດຜ່ອນອາການພະຍາດເລືອດຈາງ ຊ່ວຍເສີມສ້າງທາດເຫລັກໃຫ້ແກ່ຮ່າງກາຍ ຊ່ວຍໃນການປ້ອງກັນພະຍາດຫົວໃຈ ແລະ ຫລອດເລືອດຫົວໃຈຕີບ, ມະເຮັງລຳໄສ້ ແລະ ຕ່ອມລູກໝາກ, ຊ່ວຍເສີມສ້າງພູມຕ້ານທານຂອງກະດູກ ແລະ ແຂ້ວ.

- lattana 1 -  ກິນໝາກມັງກອນດີຕໍ່ສຸຂະພາບແນວໃດ ?

ໃນຊີ້ນແດງເປືອກແດງຂອງໝາກມັງກອນມີສານໄລໂຄປີນມີຄຸນສົມບັດໃນການຕໍ່ຕ້ານການເກີດພະຍາດມະເຮັງ. ນອກຈາກນີ້, ໝາກມັງກອນຍັງມີຄຸນປະໂຫຍດຫລາຍຢ່າງ ເຊັ່ນ : ຊ່ວຍບຳລຸງຜິວໃຫ້ສົດໃສ, ຊຸ່ມຊື່ນ ແລະ ມີສ່ວນຊ່ວຍໃນການຕ້ານການເກີດຮອຍຫ່ຽວຕ່າງໆ, ຊ່ວຍດັບຮ້ອນ ແລະ ດັບກະຫາຍ, ຊ່ວຍເສີມສ້າງພູມຕ້ານທານໃຫ້ແຂງແຮງ ຍ້ອນມີວິຕາມິນເຊຫລາຍ, ຊ່ວຍຫລຸດອາການຄວາມດັນເລືອດໄດ້, ຕໍ່ຕ້ານອະນຸມູນອິດສະລະ ເຊິ່ງເປັນສາເຫດຂອງການເກີດມະເຮັງ, ຊ່ວຍກະຕຸ້ນການໄລ່ນຳ້ນົມໃນແມ່ລູກອ່ອນ, ຊ່ວຍດູດຊຶມສານພິດອອກຈາກຮ່າງກາຍ ເຊັ່ນ : ສານຕົກຄ້າງທີ່ມາຈາຄັວນລົດ ຫລື ສານຕົກຄ້າງຈາກຢາຂ້າແມງໄມ້, ມີກາກໄຍຊ່ວຍໃນການຂັບຖ່າຍໃຫ້ສະດວກ, ແກ້ອາການຖ່າຍຍາກ, ຊ່ວຍປັບຄວາມດຸ່ນດ່ຽງຂອງແບັກທີເຣຍໃນລຳໄສ້ ຈຶ່ງແກ້ບັນຫາອາການຖ່າຍຍາກຕ່າງໆໄດ້.

ໝາກມັງກອນເໝາະສົມກັບຜູ້ທີ່ກຳລັງຫລຸດນຳ້ໜັກ ແລະ ກຳລັງຟື້ນໂຕ ເພາະມີໄຟເບີ, ທາດເຫລັກ ລວມທັງວິຕາມິນເບ 1, ເບ 2, ເບ 3, ວິຕາມິນເຊ, ຟົສຟໍ, ໂປຣຕິນ ແລະ ທາດການຊຽມ ເຊິ່ງຫາກກິນໝາກມັງກອນ 1 ໜ່ວຍ ໜັກ 100 ກຣາມ ຮ່າງກາຍຈະໄດ້ສານອາຫານໃນປະລິມານຄື : ຄາໂບໄຮເດຣດ 12,4 ກຣາມ, ໂປຣຕິນ 1,4 ກຣາມ, ຟົສຟໍ 32 ມິນລີກຣາມ, ທາດການຊຽມ 9 ມິນລີກຣາມ, ວິຕາມິນເຊ 7 ມິນລີກຣາມ, ພະລັງງານ 66 ກິໂລກາລໍຣີ, ໄຍອາຫານ 2,6 ກຣາມ.