4 ສາເຫດທີ່ເຮັດໃຫ້ທ່ານມີພຸງໂດຍບໍ່ຮູ້ໂຕ

- advert banner 728 90 728x90 - 4 ສາເຫດທີ່ເຮັດໃຫ້ທ່ານມີພຸງໂດຍບໍ່ຮູ້ໂຕ
  1. ນອນພັກຜ່ອນໜ້ອຍ : ທ່ານອາດເຄີຍໄດ້ຍິນມາວ່າການມີພຸງເກີດຈາກການກິນແປ້ງ ແລະ ນຳ້ຕານຫລາຍເກີນໄປ ຈົນຮ່າງກາຍບໍ່ສາມາດກຳຈັດພະລັງງານອອກໄປໄດ້ໝົດ ແຕ່ສາເຫດຫລັກຢ່າງໜຶ່ງທີ່ຫລາຍຄົນບໍ່ຮູ້ກໍຄື ການນອນຫລັບພັກຜ່ອນໜ້ອຍ ກໍເປັນສາເຫດໜຶ່ງທີ່ເຮັດໃຫ້ພຸງຂອງທ່ານເຕັມໄປດ້ວຍໄຂມັນ ເນື່ອງຈາກການນອນຫລັບພັກຜ່ອນທີ່ໜ້ອຍກ່ວາ 6 ຊົ່ວໂມງຮັບຮອງວ່າຈະເຮັດໃຫ້ນຳ້ໜັກໂຕຂອງທ່ານຂຶ້ນຢ່າງໄວວາ ເພາະການນອນໜ້ອຍຈະເຮັດໃຫ້ຮ່າງກາຍຫລັ່ງຮໍໂມນຄວາມຂອງເຄັ່ງຄຽດເພີ່ມຂຶ້ນ ຈຶ່ງເຮັດໃຫ້ເຮົາຢາກກິນອາຫານຫວານ ແລະ ແປ້ງຫລາຍເປັນພິເສດ ດັ່ງນັ້ນຫາກຢາກມີໜ້າທ້ອງແປກໍໃຫ້ນອນຫລັບໃຫ້ໄດ້ຢ່າງໜ້ອຍ 6 – 8 ຊົ່ວໂມງຕໍ່ຄືນ.
  2. ກິນໄຟເບີໜ້ອຍ : ການຫລຸດນຳ້ໜັກທີ່ດີນັ້ນ ນອກຈາກການກິນອາຫານໃນປະລິມານທີ່ເໝາະສົມແລ້ວ ການກິນໄຟເບີ ໜ້ອຍກໍຍັງເປັນສາເຫດໜຶ່ງທີ່ເຮັດໃຫ້ພຸງຂອງທ່ານສວດອອກ ເພາະໄຟເບີນັ້ນເປັນສິ່ງທີ່ຈະຊ່ວຍກຳຈັດໄຂມັນສະສົມທີ່ຢູ່ໃນບໍລິເວນພຸງ ດັ່ງນັ້ນຫາກຢາກມີໜ້າທ້ອງແປກໍຢ່າລືມຫາຜັກໃບຂຽວມາກິນ ເຊິ່ງໄດ້ແກ່ຜັກກາດນາ, ຖົ່ວຊະນິດຕ່າງໆ, ໝາກອະໂວກາໂດ້ ຫລື ຈະເປັນໝາກໄມ້ຕະກູນເບີຣີ ກໍຊ່ວຍກຳຈັດໄຂມັນໄດ້ເປັນຢ່າງດີ.
  3. ດື່ມຫລາຍ : ສຳລັບຜູ້ທີ່ມັກດື່ມອານກໍຮໍ ໄປງານລ້ຽງສັງສັນຢູ່ບໍ່ຂາດ ທ່ານມີຄວາມສ່ຽງສູງທີ່ຈະມີພຸງສວດ ເພາະໃນອານກໍຮໍເຕັມໄປດ້ວຍກາລໍຣີ ຍິ່ງດື່ມຫລາຍກໍຍິ່ງເຮັດໃຫ້ຮ່າງກາຍສະສົມພະລັງງານສ່ວນເກີນຫລາຍຂຶ້ນ ຈົນກາຍເປັນໄຂມັນບໍລິເວນໜ້າທ້ອງທີ່ເພີ່ມຫລາຍຂຶ້ນເປັນພິເສດ ດັ່ງນັ້ນທາງທີ່ດີຫລີກເວັ້ນງານລ້ຽງສັງສັນ ຫລື ດື່ມໜ້ອຍໆກໍພໍແລ້ວ.
  4. ກິນໄຂມັນຜິດປະເພດ : ໄຂມັນເປັນສາເຫດໜຶ່ງທີ່ເຮັດໃຫ້ທ່ານມີນຳ້ໜັກໂຕເກີນ ເຮັດໃຫ້ການຫລຸດນຳ້ໜັກເປັນເລື່ອງຍາກ ແຕ່ແນວໃດກໍບໍ່ຄວນຢຸດການກິນໄຂມັນໄປເລີຍ ແຕ່ຄວນເລືອກກິນປະເພດໄຂມັນທີ່ດີຕໍ່ຮ່າງກາຍ ເຊັ່ນ : ໝາກອະໂວກາໂດ ຫລື ເນີຍຖົ່ວ ແລະ ຫລີກເວັ້ນການກິນໄຂມັນທີ່ບໍ່ດີຕໍ່ຮ່າງກາຍ ເຊັ່ນ : ຄຸກກີ້, ເຄັກ, ເນີຍ ແລະ ອາຫານສຳເລັດຮູບ ເປັນຕົ້ນ.
- lattana 1 - 4 ສາເຫດທີ່ເຮັດໃຫ້ທ່ານມີພຸງໂດຍບໍ່ຮູ້ໂຕ