ຢ່າໃຫ້ບັນຫາບານປາຍ

- WhatsApp Image 2017 07 12 at 9 - ຢ່າໃຫ້ບັນຫາບານປາຍ

ໂດຍ: ທ່ຽງ​ທຳ

- lattana 1 - ຢ່າໃຫ້ບັນຫາບານປາຍ

ສະບາຍດີ ​ເພື່ອນ​ຜູ້​ອ່ານ​ທີ່​ຮັກ​ແພງ, ຫລາຍຄົນ​ກໍ​ຈະ​ໄດ້​ເບິ່ງ​ໄດ້​ຟັງ ​ແລະ ຮັບ​ຮູ້​ເຖິງ​ເຫດການ​ທີ່​ບໍ່​ເພິ່ງ​ປາຖະໜາ​ທີ່​ສະມາຊິກ​ຜູ້​ຝາກ​ເງິນ​ກັບ​ບໍລິສັດ PS ນັບ​ຫຼາຍ​ຮ້ອຍ​ຄົນ​ໃນ​ນະຄອນຫຼວງ​ວຽງ​ຈັນ ​ແລະ ​ແຂວງ​ຕ່າງໆ​ໄດ້​ລຸ​ລັ່ງກັນ​ເຂົ້າມາ​ຫາ​ບໍລິສັດ​ດັ່ງກ່າວ ​ເພື່ອ​ຮຽກຮ້ອງ​ໃຫ້​ບໍລິສັດ PS ຕ້ອງ​ສົ່ງ​ເງິນ​ທີ່​ເຂົາ​ເຈົ້າ​ໄດ້​ໄປ​ຝາກ ຫຼື ​ເວົ້າຢ່າງ​ໜຶ່ງ​ວ່າ: ​ໄປ​ຮ່ວມ​ທຶນ​ກັບ​ບໍລິສັດ​ດັ່ງກ່າວ ​ເພື່ອ​ຫວັງ​ຜົນ​ກຳ​ໄລ ຫຼື ດອກ​ຄືນ​ມາ, ​ແຕ່​ຕ້ອງ​ຜິດ​ຫວັງ ​ເມື່ອ​ບໍລິສັດ​ປະຕິ​ເສດ​ມາ​ເປັນ​ຫຼາຍ​ຫຼົບ​ຫຼາຍ​ຕ່າວ​ແລ້ວ ​ແລະ ສະພາບ ​ແລະ ​ເຫດການ​ທີ່​ເກີດ​ຂຶ້ນ​ແບບ​ນີ້​ກໍ​ບໍ່​ແມ່ນ​ພຽງ​ເທື່ອ​ດຽວ ​ແລະ ​ໄດ້​ມີ​ມາ​ຫຼາຍ​ຄັ້ງ​ແລ້ວ ຈົນ​ທາງ​ທະນາຄານ​ແຫ່ງ ສປປ ລາວ ​ໄດ້​ອອກ​ແຈ້ງ​ການ​ຮຽກຮ້ອງ​ໃຫ້​ບໍລິສັດ PS ຕ້ອງ​ຈ່າຍ​ເງິນ​ຄືນ​ໃຫ້​ຜູ້​ເປັນ​ສະມາຊິກ​ດັ່ງກ່າວ​ໂດຍ​ໄວ ​ແຕ່​ກໍ​ໄດ້​ຮັບ​ການ​ປະຕິ​ເສດ​ຈົນ​ແກ່ຍາວ​ມາ​ຮອດ​ປັດຈຸບັນ, ຖ້າ​ເບິ່ງ​ໃນ​ແງ່​ສັງຄົມ​ອອນ​ລາຍ ຜູ້​ມີ​ຄຳ​ເຫັນ​ສ່ວນ​ຫຼາຍ​ແມ່ນ​ຢາກ​ໃຫ້​ເບື້ອງລັດຖະບານ​ອອກ​ມາ​ແກ້​ໄຂ​ຊ່ວຍ​ປະຊາຊົນ ​ເພື່ອ​ບໍ່​ຢາກ​ໃຫ້​ບັນຫາ​ນີ້​ບານ​ປາຍ ຫຼື ອາດ​ຈະ​ມີ​ເຫດການ​ຮ້າຍ​ແຮງ​ຂຶ້ນນັບ​ມື້. ຖ້າ​ຫາກ​ບໍ່​ໄດ້​ຮັບ​ການ​ແກ້​ໄຂ. ​ເອົາລະ​ເວົ້າມາ​ກໍ​ອາດ​ຈະ​ເຫຼືອ ​ເພາະ​ປັດຈຸບັນ​ເບື້ອງລັດ​ເພິ່ນ​ກໍ​ຈະ​ມີ​ແຜນການ​ແກ້​ໄຂ​ແລ້ວ ​ເພື່ອ​ຄວາມ​ຈະ​ຫງົບ​ສຸກ ​ແລະ ຄວາມ​ເປັນ​ລະບຽບ​ຮຽບຮ້ອຍ​ຂອງ​ບ້ານ​ເມືອງ, ຖ້າ​ຈະ​ເຮັດ​ຫຍັງ, ປະພຶດ​ຫຍັງ​ກໍ​ຂໍ​ຮຽກຮ້ອງ​ໃຫ້​ທຸກ​ຝ່າຍ​ເຄົາລົບ​ລະບຽບ​ກົດໝາຍ.