ນາໂຕກັງວົນຣັດເຊຍກຽມ ຊ້ອມຮົບຄັ້ງໃຫຍ່ຢູ່ເບລາຣຸດ

- WhatsApp Image 2017 07 12 at 9 - ນາໂຕກັງວົນຣັດເຊຍກຽມ ຊ້ອມຮົບຄັ້ງໃຫຍ່ຢູ່ເບລາຣຸດ

- hqdefault 1 - ນາໂຕກັງວົນຣັດເຊຍກຽມ ຊ້ອມຮົບຄັ້ງໃຫຍ່ຢູ່ເບລາຣຸດ

- lattana 1 - ນາໂຕກັງວົນຣັດເຊຍກຽມ ຊ້ອມຮົບຄັ້ງໃຫຍ່ຢູ່ເບລາຣຸດ

​ເລຂາທິການ​ນາ​ໂຕ​ຮຽກຮ້ອງຣັດ​ເຊຍ​ເປີດ​ທາງ​ໃຫ້​ມີ​ການ​ຮ່ວມ​ສັງ​ເກດ​ການ​ການ​ຊ້ອມ​ຮົບ​ “ຊາ​ປັດ 2017” ທີ່​ຈະ​ມີ​ຂຶ້ນຢູ່​ເບ​ລາ​ລຸດກາງ​ອາທິດ​ນີ້ ​ເຊິ່ງວ່າ​ກັນ​ວ່າ​ເປັນ​ການ​ຊ້ອມ​ຮົບ​ຄັ້ງຍິ່ງ​ໃຫຍ່​ທີ່​ສຸດ​ຂອງຣັດ​ເຊຍ ນັບ​ແຕ່​ໝົດ​ຍຸກ​ສົງຄາມ​ເຢັນ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງບຣຸກ​ແຊນ ປະ​ເທດ​​ແບນ​ຊິກ ​ໃນ​ວັນ​ທີ 11 ກັນຍາ​ວ່າ: ທ່ານ ​ເຢນ ສະ​ໂຕ​ລ​ເທ​ນ​ເບິ​ກ ​ເລຂາທິການ​ອົງການ​ສົນທິສັນຍາ​ອັດ​ລັງ​ຕິກ​ເໜືອ (ນາ​ໂຕ) ກ່າວ​ໃນ​ວັນ​ທີ 10 ກັນຍາ ຮຽກຮ້ອງຣັດ​ເຊຍ​ອະນຸຍາດ​ໃຫ້​ຄະນະ​ຜູ້​ສັງ​ເກດ​ການ​ຂອງ​ນາ​ໂຕ​ເຂົ້າຮ່ວມ​ຊົມ​ການ​ເຝິກຊ້ອມ​ຮົບ “ຊາ​ປັດ 2017” ຢູ່​ເບ​ລາຣຸດ ​ໃນ​ອາທິດ​ນີ້ ​ເພື່ອ​ສ້າງ​ຄວາມ​ເຊື່ອ​ໝັ້ນ ​ແລະ ​ເປັນ​ການສະ​ແດງ​ຄວາມ​ປອດ​ໃສ​ໃຫ້​ແກ່​ທຸກ​ຝ່າຍວ່າ: ລັດຖະບານ​ມົດ​ສະ​ກູ​ຈະ​ບໍ່​ອາ​ໄສ​ການ​ຊ້ອມ​ຮົບ​ໃນ​ຄັ້ງນີ້​ເປັນ​ເຄື່ອງ​ບັງ​ໜ້າ​ໃນ​ການສະ​ແດງ​ພຶດຕິ​ກຳ​ຂົ່ມຂູ່​ຄຸກ​ຄາມ​ປະ​ເທດ​ສະມາຊິກ​ນາ​ໂຕ​ໃນ​ກຸ່ມ​ທະ​ເລ​ບອລຕິກ.

ທັງ​ນີ້, ການ​ຊ້ອມ​ຮົບ​ຊາ​ປັດ 2017 ຈະ​ມີຂຶ້ນລະຫວ່າງ​ວັນ​ທີ 14-20 ກັນຍາ​ນີ້ ບໍລິ​ເວນ​ຊາຍ​ແດນ​ຂອງ​ເບ​ລາຣຸດ ບໍ່​ຫ່າງ​ຈາກ​ຊາຍ​ແດນ​ຂອງ​​ແອັດສະ​ໂຕ​ນີ, ລັດ​ເວ​ຍ, ລິດ​ຕົວ​ນີ ​ແລະ ​ໂປ​ໂລ​ຍຫລາຍ​ເທົ່າ​ໃດ ​ໂດຍ​ນາ​ໂຕ​ກັງວົນ​ວ່າການ​ຊ້ອມ​ຮົບ​ຄັ້ງນີ້​ອາດ​ຈະ​​ເປັນ​ການ​ເຝິກຊ້ອມ​ທາງ​ທະຫານ​ຄັ້ງຍິ່ງ​ໃຫຍ່​ທີ່​ສຸດ​ຂອງຣັດ​ເຊຍ ນັບ​ແຕ່​ສິ້ນສຸດ​ສົງຄາມ​ເຢັນ ​ແລະ ​ເບິ່ງ​ວ່​າ​ເປັນ​ການ​ກຽມ​ຄວາມ​ພ້ອມ​ໃນ​ການ​ໂຈມ​ຕີ​ຕໍ່​ໂປ​ໂລ​ຍ, ລິດ​ຕົວ​ນີ ຫຼື ອູ​ແກຣນ.