ລາວຈະຈັດງານວາງສະແດງສິນຄ້າດ້ານກວັດສະດຸກໍ່ສ້າງ ແລະອຸປະກອນໄຟຟ້າ ຈັດເປັນຄັ້ງທໍາອິດໃນທ້າຍເດືອນກັນຍານີ້

- WhatsApp Image 2017 07 12 at 9 - ລາວຈະຈັດງານວາງສະແດງສິນຄ້າດ້ານກວັດສະດຸກໍ່ສ້າງ ແລະອຸປະກອນໄຟຟ້າ ຈັດເປັນຄັ້ງທໍາອິດໃນທ້າຍເດືອນກັນຍານີ້

ສະພາການຄ້າ ແລະ ອຸດສາຫະກໍາ ນະຄອນຫລວງວຽງຈັນໄດ້ຖະແຫລງຕໍ່ສື່ມວນຊົນໃນແລງວັນທີ 11 ກັນຍານີ້ ຢູ່ພະແນກສະພາການຄ້າ ນະຄອນຫຼວງວຽງຈັນ ວ່າ: ສະພາການຄ້າ ແລະ ອຸດສະຫະກໍາ ນະຄອນຫລວງວຽງຈັນ ຈະຮ່ວມກັບ ກຸ່ມບໍລິສັດກໍ່ສ້າງ ແລະ ຕິດຕັ້ງໄຟຟ້າ ຈັດງານວາງສະແດງສິນຄ້າ ດ້ານການກໍ່ສ້າງ, ວັດສະດຸກໍ່ສ້າງ ແລະ ອຸປະກອນໄຟຟ້າ, ຂຶ້ນໃນວັນທີ 20- 24 ກັນຍາ 2017, ຢູ່ສູນການຄ້າລາວ-ໄອເຕັກ. ເພື່ອເປັນການເປີດຕະຫລາດຈໍາຫນ່າຍສິນຄ້າ ແລະ ເປັນການໂຄສະນາສິນຄ້າໃຫ້ແກ່ຫົວຫນ່ວຍທຸລະກິດ ດ້ານການກໍ່ສ້າງ, ວັດສະດຸກໍ່ສ້າງ ແລະ ອຸປະກອນເຄື່ອງໃຊ້ໄຟຟ້າ ອັນເປັນທີ່ຍອມຮັບຂອງສັງຄົມ, ສິນຄ້າມີຄຸນນະພາບ ແລະ ສາມາດຕອບສະຫນອງຄວາມຕ້ອງການຂອງຜູ້ຊົມໃຊ້ ແລະ ກະຕຸກຊຸກຍູ້ໃຫ້ຜູ້ຜະລິດ ຫລືຜູ້ປະກອບການ ໄດ້ມີການພັດທະນາ, ດ້ານການຕະຫລາດ, ຄຸນນະພາບສິນຄ້າ ພ້ອມທັງເປັນການສ້າງລາຍຮັບ ແລະ ສ້າງຄວາມເຂັ້ມແຂງໃຫ້ແກ່ຫົວຫນ່ວຍທຸລະກິດການກໍ່ສ້າງ ແລະ ອຸປະກອນໄຟຟ້າ ທັງເປັນການແລກປ່ຽນບົດຮຽນ ລະຫວ່າງພາກທຸລະກິດ ດັ່ງກ່າວນໍາກັນອີກ. ປະກອບການເຄື່ອງໃຊ້ໄຟຟ້າ ພາຍໃນ ແລະ ຕ່າງປະເທດ ໃນຍຸກເຊື່ອມໂຍງເສດຖະກິດອາຊຽນ (AEC). ຜູ້ລາຍງານຂ່າວໃຫ້ຮູ້ວ່າ: ງານວາງສະແດງສິນຄ້າ ດ້ານການກໍ່ສ້າງ, ວັດສະດຸ ແລະອຸປະກອນໄຟຟ້າຄັ້ງນີ້ ເປັນຄັ້ງທໍາອິດທີ່ຈະຈັດຂຶ້ນໃນນະຄອນຫຼວງວຽງຈັນ ແລະ ຄາດວ່າຈະມີຫ້ອງວາງສະແດງ 39 ຫ້ອງ, ໃນນັ້ນຈະມີຫ້າງຮ້ານ, ບໍລິສັດ ດ້ານວັດສະດຸກໍ່ສ້າງ ແລະ ເຄື່ອງໃຊ້ໄຟຟ້າ ໃນນະຄອນຫຼວງວຽງຈັນ 22 ຫົວໜ່ວຍ ແລະ ບໍລິສັດຈາກປະເທດໄທ 17 ຫົວນ່ວຍ ເຂົ້າຮ່ວມນໍາດ້ວຍ.

- lattana 1 - ລາວຈະຈັດງານວາງສະແດງສິນຄ້າດ້ານກວັດສະດຸກໍ່ສ້າງ ແລະອຸປະກອນໄຟຟ້າ ຈັດເປັນຄັ້ງທໍາອິດໃນທ້າຍເດືອນກັນຍານີ້