ສັບພະຄຸນ 12 ຢ່າງທີ່ທ່ານຈະໄດ້ຈາກຢາວິກ

- WhatsApp Image 2017 07 12 at 9 - ສັບພະຄຸນ 12 ຢ່າງທີ່ທ່ານຈະໄດ້ຈາກຢາວິກ
  1. ຊ່ວຍໃຫ້ຫາຍໃຈໂລ່ງ : ແນ່ນອນວ່າທຸກຄົນຮູ້ຄຸນປະໂຫຍດຂໍ້ນີ້ດີ ເມື່ອໃດທີ່ເປັນໄຂ້ຫວັດ, ຕັນດັງ, ຫາຍໃຈບໍ່ໂລ່ງ ໃຫ້ທາຟາວິກໄວ້ບໍລິເວນໜ້າເອິກ ແລະ ລຳຄໍ ຈະຊ່ວຍຫລຸດອາການຕັນດັງໄດ້.
  2. ຫລຸດອາການໄອ : ເຮົາບໍ່ໄດ້ໝາຍຄວາມວ່າທ່ານຈະຕ້ອງກິນຢາວິກເພື່ອຫລຸດອາການໄອ, ແຕ່ສິ່ງທີ່ຄວນເຮັດກໍຄື ທາຢາວິກໄວ້ຝາຕີນ ແລະ ນວດເບົາໆ ຈາກນັ້ນໃຫ້ໃສ່ຖົງຕີນ ພຽງເວລາບໍ່ດົນ ອາການໄອກໍຈະຫລຸດຜ່ອນລົງ ໂດຍສະເພາະຄົນທີ່ມີອາການໄອໃນຕອນກາງຄືນ ແລະ ເດັກນ້ອຍກໍໃຊ້ວິທີນີ້ໄດ້ຄືກັນ.
  3. ຫລຸດອາການເຈັບກ້າມຊີ້ນ : ບໍ່ໜ້າເຊື່ອວ່າຢາວິກຈະຊ່ວຍໄດ້, ແຕ່ຢາວິກໄປຊ່ວຍໃຫ້ການໄຫລວຽນຂອງເລືອດດີຂຶ້ນ ເຮັດໃຫ້ອາການເຈັບ ແລະ ປວດກ້າມຊີ້ນຫລຸດລົງ ໂດຍທາໃຫ້ທົ່ວບໍລິເວນທີ່ປວດ ລວມໄປເຖິງທາປະໄວ້ໝົດຄືນ.
  4. ກຳຈັດເຊື້ອລາຢູ່ເລັບຕີນ : ຮູ້ສຶກລັງກຽດເຊື້ອລາຢູ່ເລັບຕີນຂອງທ່ານຫລືບໍ່ ຢາວິກຊ່ວຍໄດ້ ນວດຢາວິກໃສ່ນິ້ວຕີນທີ່ເບິ່ງຄືວ່າຈະມີເຊື້ອລາ ພາຍໃນ 1 ມື້ ເລັບຈະມີສີເຂັ້ມຂຶ້ນ ນັ້ນໝາຍຄວາມວ່າຢາວິກໄປຈັດການກັບເຊື້ອລານັ້ນແລ້ວ ຫລັງຈາກທີ່ເລັບຍາວຂຶ້ນ ພາກສ່ວນເລັບທີ່ດຳກໍຈະຄ່ອຍຫາຍໄປ ຍ້ອນເມື່ອເລັບຍາວກໍຕັດພາກສ່ວນດຳນັ້ນຖິ້ມ.

5.​ ໃຊ້ຢຸດພຶດຕິກຳຂູດຂີດຂອງແມວ : ເປັນພຶດຕິກຳປົກກະຕິຂອງແມວທີ່ມັກຂູດຂີດພື້ນທີ່ແຂງໆດັ່ງປະຕູ, ຝາໄມ້ ຫລື ປ່ອງຢ້ຽມ ເຮົາປ້ອງກັນໄດ້ໂດຍການທາຢາວິກບາງໆໃສ່ບໍລິເວນເຫລົ່ານັ້ນ ແມວບໍ່ມັກກິ່ນແບບນີ້ ແລະ ຈະບໍ່ເຂົ້າໃກ້ເລີຍ ເຮົາສາມາດເອົາມາທາບໍລິເວນທີ່ແມວມັກມາຂູດຕາມຮ່າງກາຍເຮົາໄດ້ເຊັ່ນກັນ.

- lattana 1 - ສັບພະຄຸນ 12 ຢ່າງທີ່ທ່ານຈະໄດ້ຈາກຢາວິກ
  1. ປ້ອງກັນສັດລ້ຽງບໍ່ໃຫ້ຍ່ຽວບໍ່ເປັນບ່ອນ : ຖ້າໝາ ຫລື ແມວຂອງທ່ານຍັງບໍ່ໄດ້ຮັບການຝຶກແອບໃຫ້ຂັບຖ່າຍເປັນບ່ອນ ຫລື ຍັງຝຶກໄດ້ບໍ່ດີພໍ ໃຫ້ທາຢາວິກບໍລິເວນທີ່ໝາ ແລະ ແມວມັກໄປຍ່ຽວ ຫລື ຖ່າຍໃສ່ແຖວໆນັ້ນ ເມື່ອພວກມັນຖືກກິ່ນກໍຈະບໍ່ກ້າຈະຍົກຂາຂຶ້ນຍ່ຽວອີກ.

7.​ ແກ້ອາການເຈັບຫົວ : ນວດຢາວິກປະລິມານໜ້ອຍໜຶ່ງໃສ່ຂະໝັບ ແລະ ໜ້າຜາກ ຈະຊ່ວຍຫລຸດອາການເຈັບຫົວໄດ້ ແລະ ກິ່ນຂອງເມັນໂທລາທຳ ຈະຊ່ວຍຫລຸດອາການເຄັ່ງຄຽດຢູ່ຫົວໄດ້ດີນຳ.

  1. ຊ່ວຍໃຫ້ນອນຫລັບງ່າຍ : ໃນຄົນທີ່ນອນຫລັບຍາກ ແລະ ບໍ່ແພ້ກິ່ນຢາວິກ ຫາກຢູ່ເຮືອນມີເຄື່ອງເຮັດຄວາມຊຸ່ມ ໃຫ້ເພີ່ມຢາ ວິກເຂົ້າໄປໃກ້ໆ ຊ່ວຍໃຫ້ບັນຍາກາດຂອງຫ້ອງໂລ່ງຂຶ້ນ, ຫາຍໃຈໄດ້ສະດວກຈົນສົ່ງຜົນໃຫ້ນອນຫລັບຝັນດີໃນທີ່ສຸດ ຫລື ພຽງແຕ່ ປະສົມຢາວິກກັບນຳ້ ແລ້ວເອົາໄປໃສ່ເທິງເຕົາສຳລັບນຳ້ມັນຫອມລະເຫີຍກໍຊ່ວຍໄດ້.
  2. ຊ່ວຍບໍ່ໃຫ້ບາດແຜຕິດເຊື້ອ : ຫາກຖືກມີດບາດ ຫລື ໄດ້ຮັບບາດເຈັບໃຫ້ທາຢາວິກບາງໆ ຊ່ວຍບໍ່ໃຫ້ບາດແຜຕິດເຊື້ອ ແລະ ຊ່ວຍໃຫ້ບາດແຜເຊົາໄວຂຶ້ນ.
  3. ຢຸດການລົບກວນຈາກແມງໄມ້ຕ່າງໆ : ກິ່ນຂອງຢາວິກຈະຊ່ວຍບໍ່ໃຫ້ແມງໄມ້ຕ່າງໆເຂົ້າໃກ້ເຮົາ ທາບາງໆໃນຫລາຍໆຈຸດ.

11.​ ໃຊ້ເພື່ອໃຫ້ມ້າແຂ່ງມີສະມາທິ : ບໍ່ໜ້າເຊື່ອວ່ານອກຈາກຈະໃຊ້ກັບເຮົາໄດ້ແລ້ວຍັງໃຊ້ກັບມ້າໄດ້ນຳ ໂດຍເພິ່ນຈະທາຢາວິກໃສ່ດັງມ້າ ເພື່ອປ້ອງກັນບໍ່ໃຫ້ມ້າໄດ້ກິ່ນມ້າໂຕອື່ນ ຫລື ໄດ້ກິ່ນມ້າໂຕແມ່ ຊ່ວຍໃຫ້ມ້າມີສະມາທິຈົດຈໍ່ຢູ່ກັບການແຂ່ງຂັນໄດ້ດີ.

  1. ໄລ່ຍຸງ : ທາວິກບາງໆໃສ່ເສື້ອ ແລະ ຜິວໜັງຂອງເຮົາໃຫ້ຫລາຍຈຸດທີ່ຄາດວ່າຍຸງມັກມາກັດຍຸງກໍຈະບໍ່ມາກວນ ແລະ ຫາກເຮົາຖືກຍຸງກັດໄປກ່ອນແລ້ວ ໃຫ້ທາຢາວິກບາງໆ ແລະ ຕິດພລາສະເຕີໄວ້ເພື່ອບໍ່ໃຫ້ເກີດອາການຄັນ.