ປະທານສະນຸກເກີລາວ ພໍໃຈຜົນງານຫຼຽນຄຳປະຫວັດສາດ ກົວລາລຳເປີເກມ ພ້ອມຢືນຢັນຈະສືບຕໍ່ສົ່ງເສີມຢ່າງຮອບດ້ານ

- WhatsApp Image 2017 07 12 at 9 - ປະທານສະນຸກເກີລາວ ພໍໃຈຜົນງານຫຼຽນຄຳປະຫວັດສາດ ກົວລາລຳເປີເກມ ພ້ອມຢືນຢັນຈະສືບຕໍ່ສົ່ງເສີມຢ່າງຮອບດ້ານ

- Untitled 1 copy 7 300x201 - ປະທານສະນຸກເກີລາວ ພໍໃຈຜົນງານຫຼຽນຄຳປະຫວັດສາດ ກົວລາລຳເປີເກມ ພ້ອມຢືນຢັນຈະສືບຕໍ່ສົ່ງເສີມຢ່າງຮອບດ້ານປະທານສະຫະພັນກິລາ ບີນລຽດ-ສະນຸກເກີ ແຫ່ງຊາດ ພໍໃຈຜົນງານຂອງທັບນັກກິລາສະນຸກເກີທີມຊາດລາວ ທີ່ສາ ມາດສ້າງປະຫວັດສາດ ໃຫ້ ແກ່ທັບນັກກິລາລາວ ກໍຄືວົງ ການກິລາສະນຸເກີໃນ ສປປ ລາວ ໃນການຄວ້າ 1 ຫຼຽນ ຄຳ ແລະ 1 ຫຼຽນທອງ ໃນ ງານມະຫະກຳກິລາຊີເກມ ຄັ້ງ ທີ 29 ຫຼື ກົວລາລຳເປີ ເກມ ທີ່ປະເທດມາເລເຊຍ ພ້ອມທັງ ຢືນຢັນຈະສືບຕໍ່ສົ່ງເສີມສະໜັບສະໜູນການພັດທະນາກິລາ ສະນຸກເກີຢ່າງຮອບດ້ານ ເພື່ອ ຈະຮັກສາມູນເຊື້ອປ້ອງກັນ ແຊ໊ມຊີເກມ ຄັ້ງທີ 30 ທີ່ປະ ເທດຟິລິບປິນ ຈະເປັນເຈົ້າພາບ ໃນປີ 2019.
ຕາມການໃຫ້ສຳພາດ ຂອງ ທ່ານ ປະສິດໄຊ ຫຼວງ ໂຄດ ປະທານສະຫະພັນກິລາ ບີນລຽດ-ສະນຸກເກີແຫ່ງຊາດລາວ ເມື່ອບໍ່ດົນມານີ້ ໃຫ້ຮູ້ວ່າ: ສຸດທີ່ມີຄວາມພາກພູມເປັນ ຢ່າງສູງ ທີ່ເຫັນຜົນງານຂອງ ທັບນັກກິລາສະນຸກເກີລາວ ສາ ມາດສ້າງປະຫວັດສາດໃຫ້ແກ່ທັບນັກກິລາລາວ ໃນການ ຄວ້າ 1 ຫຼຽນຄຳ ຈາກ ທ້າວ ສັກບ່ຽງ ແລະ 1 ຫຼຽນທອງ ຈາກ ທ້າວ ສຸລິຍາ ມີນາລາວົງ ລາຍການສະນຸກເກີດ່ຽວຊາຍ ໃນງານມະຫະກຳກິລາຊີເກມ ຄັ້ງທີ 29 ທີ່ປະເທດມາເລເຊຍ ຕໍ່ຜົນງານຄັ້ງນີ້ຈະໄດ້ສືບຕໍ່ປະຕິບັດຕາມທີ່ໃຫ້ຄຳໝັ້ນສັນຍາຖ້າຫາກໄດ້ຫຼຽນຄຳກໍຈະໃຫ້ ເງິນລາງວັນ 50 ລ້ານກີບ, ຫຼຽນເງິນ 30 ລ້ານກີບ ແລະ ຫຼຽນທອງ 15 ລ້ານກີບ ໃນບໍ່ ດົນນີ້ກໍຈະໄດ້ຈັດງານສະຫຼຸບ ມອບເງິນອັດສິດສະຫຼອງຫຼຽນປະຫວັດສາດໃຫ້ສົມກຽດ.
ທ່ານປະທານສະຫະພະ ພັນກິລາບີນລຽດ-ສະນຸກເກີ ແຫ່ງຊາດລາວ ກ່າວຕື່ອີກວ່າ: ເພື່ອເປັນການສືບຕໍ່ປ້ອງກັນ ແຊ໊ມງານມະຫະກຳກິລາຊີ ເກມ ຄັ້ງທີ 30 ທີ່ປະເທດຟິລິບ ປິນ ຈະເປັນເຈົ້າພາບໃນປີ 2019 ຈະໄດ້ສືບຕໍ່ສົ່ງເສີມ ການພັດທະນາວົງການກິລາ ສະນຸກເກີ ລາວ ຢ່າງຮອບ ດ້ານ ໂດຍຈະສ້າງຕຶກ 7 ຊັ້ນ ໃນນັ້ນຈະມີສູນກິລາສະນຸກເກີທີ່ໄດ້ມາດຕະຖານລະດັບສາ ກົນ ແລະ ຈະມີການຮັກສາຄຸ້ມ ຄອງຢ່າງເປັນລະບົບຫລີກ ເວັ້ນບັນຫາຫຍໍ້ທໍ້ຕ່າງໆ ພ້ອມ ຈະຈັດການແຂ່ງຂັນໃຫ້ໄດ້ ເປັນລະດັບອາຊີ ທັງນີ້ ກໍເພື່ອ ເປັນການສະໜັບສະໜູນນັກກິລາສະນຸກເກີລາວ ໂດຍສະ ເພາະສ້າງຮຸ່ນສືບທອດ ເພື່ອ ກ້າວຂຶ້ນມາທົດແທນທີມຊາດໃນອະນາຄົດ.
ຂ່າວຈາກ:laosportnews.com.

- lattana 1 - ປະທານສະນຸກເກີລາວ ພໍໃຈຜົນງານຫຼຽນຄຳປະຫວັດສາດ ກົວລາລຳເປີເກມ ພ້ອມຢືນຢັນຈະສືບຕໍ່ສົ່ງເສີມຢ່າງຮອບດ້ານ