ຈີນ-ອາຊຽນ ຮ່ວມເປີດງານ China-ASEAN Expo ຄັ້ງທີ 14

- WhatsApp Image 2017 07 12 at 9 - ຈີນ-ອາຊຽນ ຮ່ວມເປີດງານ China-ASEAN Expo ຄັ້ງທີ 14

- f44d307d8ec91b21d64705 - ຈີນ-ອາຊຽນ ຮ່ວມເປີດງານ China-ASEAN Expo ຄັ້ງທີ 14

- lattana 1 - ຈີນ-ອາຊຽນ ຮ່ວມເປີດງານ China-ASEAN Expo ຄັ້ງທີ 14

ບັນດາຜູ້ນຳປະເທດສະມາຊິກອາຊຽນ ແລະ ຜູ້ແທນຈາກຈີນ ຮ່ວມກັນເປີດງານສະແດງສິນຄ້າ ຈີນ-ອາຊຽນ ຫຼື China-ASEAN Expo ຄັ້ງທີ 14 ເນັ້ນສົ່ງເສີມການຮ່ວມມືໃນເສັ້ນທາງສາຍໄໝຜ່ານການທ່ອງທ່ຽວ.

ໃນວັນທີ 12 ກັນຍານີ້, ຜູ້ແທນລະດັບສູງຈາກຈີນ ແລະ ຜູ້ນຳຈາກ 10 ປະເທດສະມາຊິກອາຊຽນ ຮ່ວມເປີດງານມະຫະກຳ ຈີນ-ອາຊຽນ ຄັ້ງທີ 14 (the 14th China-ASEAN Expo: CAEXPO) ແລະ ກອງປະຊຸມສຸດຍອດການຄ້າການລົງທຶນ ຈີນ-ອາຊຽນ ຄັ້ງທີ 14 (the 14th China-ASEAN Business and Investment Summit: CABIS) ຢູ່ສູນສະແດງສິນຄ້າ ແລະ ກອງປະຊຸມນາໆ ຊາດແຫ່ງເມືອງໜານໜິງ (The Nanning International Convention and Exhibition Center: NICEC). ງານດັ່ງກ່າວຈັດຂຶ້ນ ພາຍໃຕ້ແນວຄິດ: “ຮ່ວມສ້າງເສັ້ນທາງສາຍໄໝທາງທະເລແຫ່ງສະຕະວັດທີ 21 ສົ່ງເສີມການບູລະນະເສດຖະກິດພາກພື້ນຜ່ານ ການທ່ອງທ່ຽວ” (Co-building the 21th Century Maritime Silk Road, Promoting Regional Economic Integration through tourism).

- 136601519 15051711678951n - ຈີນ-ອາຊຽນ ຮ່ວມເປີດງານ China-ASEAN Expo ຄັ້ງທີ 14

ທ່ານ ຈາງ ກາວຫຼີ ສະມາຊິກຄະນະກຳມະການຖາວອນປະຈຳກົມການເມືອງແຫ່ງພັກກອມມູນິດຈີນ ແລະ ຮອງນາຍົກລັດຖະ ມົນຕີ ກ່າວວ່າ: ການຈັດງານ CAEXPO ຄັ້ງນີ້ຈະຊ່ວຍຊຸກດັນການຮ່ວມມື ແລະ ການເຊື່ອມໂຍງລະຫວ່າງຈີນກັບປະຊາຄົມອາຊຽນ ໃຫ້ບັນລຸເປົ້າໝາຍໄວຂຶ້ນ, ຈີນຖືວ່າອາຊຽນເປັນພັນທະມິດສຳຄັນທີ່ຈະຊ່ວຍໃຫ້ໂຄງການເສັ້ນທາງສາຍໄໝແຫ່ງສະຕະວັດທີ 21 ຂອງຈີນປະສົບຜົນສຳເລັດ ເຊິ່ງຈະບໍ່ພຽງເປັນປະໂຫຍດຕໍ່ຈີນເທົ່ານັ້ນ, ແຕ່ຍັງຈະຊ່ວຍໃຫ້ເສດຖະກິດໂລກ ລວມທັງເສດຖະກິດອາ ຊຽນກ້າວໜ້າ. ງານ CAEXPO ຄັ້ງທີ 14 ມີຈຸດປະສົງເພື່ອການຮ່ວມມພັດທະນາເສັ້ນທາງສາຍໄໝ ໂດຍໃຊ້ການທ່ອງທ່ຽວເປັນ ກົນໄກສຳຄັນ ເພາະປີນີ້ຖືເປັນປີແຫ່ງການຮ່ວມມືດ້ານການທ່ອງທ່ຽວ ຈີນ-ອາຊຽນ, ຈີນຈຶ່ງຫວັງວ່າງານດັ່ງກ່າວຈະຊ່ວຍສົ່ງເສີມ ໃຫ້ການທ່ອງທ່ຽວລະຫວ່າງຈີນ ແລະ ອາຊຽນພັດທະນາຂຶ້ນໄປອີກ.

ງານ CAEXPO ຄັ້ງທີ 14 ປະກອບມີການຈັດສະແດງສິນຄ້າ, ການຄ້າພາກບໍລິການ, ການລົງທຶນເຕັກໂນໂລຊີສະໄໝໃໝ່ ແລະ ເມືອງທ່ອງທ່ຽວແຫ່ງມົນສະເໜ່ ແລະ ຖືເປັນຄັ້ງທຳອິດ ທີ່ມີປະເທດໃນທາງຜ່ານເສັ້ນທາງສາຍໄໝ ນອກຈາກຈີນ ແລະ ປະເທດ ອາຊຽນ ມາຮ່ວມສະແດງສິນຄ້ານຳອີກ.