ສວນພຶກສາແຫລ່ງທ່ອງທ່ຽວແຫ່ງໃໝ່

- WhatsApp Image 2017 07 12 at 9 - ສວນພຶກສາແຫລ່ງທ່ອງທ່ຽວແຫ່ງໃໝ່

ສວນພຶກສາເປັນສະຖານ ທີ່ທ່ອງທ່ຽວໃໝ່ອີກແຫ່ງໜຶ່ງ ຢູ່ເຂດບ້ານໃໝ່ດ່ານຊີ, ເມືອງນາ ຊາຍທອງ, ນະຄອນຫຼວງວຽງ ຈັນ, ໂດຍມີເສັ້ນທາງເຂົ້າ- ອອກ ສະດວກສະບາຍ ເຊິ່ງຫ່າງຈາກ ເສັ້ນທາງ 13 ເໜືອເຂົ້າໄປປະ ມານ 1 ກິໂລແມັດ, ພວກເຮົາກໍ ສາມາດ ເຂົ້າໄປຮອດສວນພຶກ ສາແຫ່ງນີ້ທີ່ຖືກຕົບແຕ່ງປະຕິ ມະກໍາຂຶ້ນໂດຍນາຍຊ່າງທີ່ມີສີ ມືດີ, ມີຫົວຄິດປະດິດສ້າງສາ ມາດປັບປຸງເນື້ອທີ່ດິນອັນ ແປນ ເປົ່າໃຫ້ກັບກາຍມາເປັນສະຖານ ທີ່ທ່ອງທ່ຽວທາງດ້ານທໍາມະ ຊາດ ທີ່ແສນສວຍສົດງົດງາມ ທີ່ເຕັມໄປດ້ວຍຕົ້ນໄມ້ໃບຫຍ້າອາ ກາດປອດໂປ່ງສົດໃສດີແກ່ການ ມາພັກຜ່ອນຢ່ອນໃຈ ດັ່ງທ່ານ ຄໍາ ພູວົງຜູ້ລົງທຶນສ້າງສະຖານທີ່ ທ່ອງ ທ່ຽວແຫ່ງນີ້ ເລົ່າວ່າ:

- lattana 1 - ສວນພຶກສາແຫລ່ງທ່ອງທ່ຽວແຫ່ງໃໝ່

 

 

- IMG 3660 1024x683 - ສວນພຶກສາແຫລ່ງທ່ອງທ່ຽວແຫ່ງໃໝ່

 

 

+ ແຫລ່ງທ່ອງທ່ຽວພູຖະແຫລງເຂດທະເລໝອກ

+ ກາບໄຫ້ວພະທອງສາມສີຊົມຊາກເຮືອບູຮານທີ່ບ້ານຫລີ່ງຊັນ

+ ຊົມປູສະນີຍະຖານພ້ອມກັບກາບໄຫ້ວ “ວັດປ່າຖ້ຳຄອກມ້າ”

 

ສວນພຶກສາແຫ່ງນີ້ ມີເນື້ອ ທີ່ ທັງໝົດປະມານ 10 ກວ່າເຮັກ ຕາ, ປະກອບມີໜອງປາ 2-3 ໜອງ, ໄວ້ສໍາລັບບໍລິການໃຫ້ລູກ ຄ້າ ແລະ ນັກທ່ອງທ່ຽວທີ່ມີ ຄວາມມັກດ້ານກິລາຕຶກເບັດ, ມີ ສະຖານທີ່ພັກຜ່ອນ ແລະ ໃຫ້ ຄວາມສະດວກຫຼາຍຢ່າງເຊັ່ນ: ມີຕູບນ້ອຍອ້ອມບໍລິເວນໜອງ ປາມີລາຍການອາຫານຕາມສັ່ງ ພ້ອມທັງເຄື່ອງດື່ມໄວ້ຄອຍບໍລິ ການລູກຄ້າ ແລະ ນັກທ່ອງທ່ຽວ ໄດ້ກິນໄດ້ດື່ມໄປພ້ອມກັບບັນ ຍາກາດຕຶກເບັດ. ນອກຈາກ ນັ້ນ, ຜູ້ມາທ່ຽວຍັງສາມາດສຳ ພັດກັບທຳມະຊາດດອກໄມ້ ນາໆຊະນິດຢັງຢາຍກັນເປັນ ຈຸດໆ ໂດຍໄດ້ຖືກຕົບແຕ່ງ ແລະ ສ້າງຂຶ້ນຢ່າງງົດງາມພ້ອມ ເຄື່ອງປັ້ນທີ່ມີຄວາມໂດດເດັ່ນ ເປັນພິເສດປະສານໄປກັບຕົ້ນ ໄມ້ທີ່ຂຽວງາມເຫັນແລ້ວໜ້າ ສະອອນໃຈ ເຮັດໃຫ້ຜູ້ທີ່ມາທ່ຽວ ໄດ້ພະຈົນໄພຍ່າງອອກກໍາລັງ ກາຍ ແລະ ຖ່າຍຮູບເກັບໄວ້ເປັນ ທີ່ລະນຶກ, ຈາກມົນສະເໜ່ ແລະ ບັນຍາກາດດີໆເຫຼົ່ານັ້ນຈິ່ງເຮັດ ໃຫ້ນັກທ່ອງທ່ຽວທຸກຄົນລືມຈາກ ຄວາມອິດເມື່ອຍ ແລະ ຫາຍຈາກ ຄວາມ ຕຶງຄຽດໄດ້.

 

 

- IMG 3653 1024x683 - ສວນພຶກສາແຫລ່ງທ່ອງທ່ຽວແຫ່ງໃໝ່

 

 

ເຖິງແມ່ນວ່າ ສະຖານທີ່ບາງບ່ອນຍັງບໍ່ທັນກໍ່ ສ້າງໄດ້ຢ່າງສົມບູນແບບກໍຕາມ, ແຕ່ ພາບບັນຍາກາດພາຍໃນກໍຍັງ ມີຄວາມໂດດເດັ່ນ ແລະ ເບີກບານ ມ່ວນຊື່ນໄປກັບສະເໜ່ແຫ່ງ ຄວາມງົດງາມຂອງມັນ ແລະ ຖ້າ ທ່ານໃດຫາກໄດ້ໄປເຂດ ເມືອງນາ ຊາຍທອງກໍຢ່າລືມໄປແວ່ຊົມ ສວນພຶກສາແດ່ເດີແລ້ວທ່ານຈະ ໄດ້ສໍາພັດກັບບັນຍາກາດທີ່ແທ້ຈິງ ອັນເປັນເອກກະລັກສະເພາະຂອງ ດິນແດນແຫ່ງນີ້.