ສາເຫດທີ່ເຟສບຸກບໍ່ມີປຸ່ມກົດ Dislike

- WhatsApp Image 2017 07 12 at 9 - ສາເຫດທີ່ເຟສບຸກບໍ່ມີປຸ່ມກົດ Dislike

ທຸກມື້ນີ້ປຸ່ມກົດ Like ໄດ້ກາຍເປັນສັນຍະລັກຍອດນິຍົມຂອງເຟດບຸກໄປແລ້ວ ໃນຂະນະທ່ີ ປຸ່ມກົດ Dislike ກໍກາຍເປັນປິດສະ ໜາທາງອິນເຕີເນັດມາຕະຫລອດ ເຊິ່ງໃນໄລຍະທີ່ຜ່ານມາກໍມີຜູ້ໃຊ້ເຟດບຸກຈຳນວນຫລາຍພັນຄົນໄດ້ເຂົ້າຮຽກຮ້ອງໃຫ້ເຟດບຸກເພີ່ມປຸ່ມກົດດັ່ງກ່າວ ຫລື ແມ່ນແຕ່ຄິດໄປໄກວ່າເຟດບຸກໜ້າຈະມີປຸ່ມກົດນິ້ວກາງກໍມີ ແລະ ເມື່ອມໍ່ໆນີ້ ທ່ານ ເບຣດ ເທເລີ ອະດີດຜູ້ບໍລິຫານລະດັບສູງຂອງເຟດບຸກຜູ້ສ້າງປຸ່ມກົດ Like ໄດ້ກ່າວສະເຫລີຍປິດສະໜາເລື່ອງນີ້ວ່າ : ໃນຂະນະທີ່ປຸ່ມກົດ  Like ຫລື ກົດມັກປຽບດັ່ງການໃຫ້ອຳນາດຜູ້ໃຊ້ເຟດບຸກໄດ້ສະແດງອອກເຖິງການກ່ຽວຂ້ອງດ້ານຕ່າງໆກັບໝູ່ຂອງພວກເຂົາ. ໃນອີກດ້ານໜຶ່ງ ເຟດບຸກເຫັນວ່າເປັນເລື່ອງບໍ່ເໝາະສົມທີ່ຈະໃຫ້ເຟດບຸກມີປຸ່ມກົດ Dislike ຫລື ປຸ່ມບໍ່ມັກ ຫລັງຈາກທີ່ທີມງານເຟດບຸກໄດ້ເຄີຍໂຕ້ຖຽງກັນມາແລ້ວ ໂດຍທຸກຝ່າຍລ້ວນແຕ່ສະຫລຸບກົງກັນວ່າການມີປຸ່ມບໍ່ມັກ ຈະນຳມາເຊິ່ງຜົນດ້ານລົບທີ່ຮຸນແຮງຂຶ້ນ.

- lattana 1 - ສາເຫດທີ່ເຟສບຸກບໍ່ມີປຸ່ມກົດ Dislike

ທ່ານ ເບຣດ ບອກວ່າ : ເຫດຜົນທີ່ທີມງານເຟດບຸກຜະລິດປຸ່ມ Like ອອກມາກໍຍ້ອນໂດຍສ່ວນຫລາຍແລ້ວຜູ້ຄົນຍ່ອມຕ້ອງການຈະສະແດງການຍອມຮັບໃນບາງສິ່ງ ຫລື ບາງຄົນທີ່ພວກເຂົາມັກເປັນຫລັກຢູ່ແລ້ວ, ແຕ່ສຳລັບປຸ່ມ ບໍ່ມັກ ບໍ່ສົມຄວນຫລາຍທີ່ຈະເອົາມາໃຊ້ ເຫດຜົນງ່າຍໆກໍຄືຫາກ ເອົາມາໃຊ້ມັນຈະກໍ່ໃຫ້ເກີດຜົນໃນ ດ້ານລົບຫລວງຫລາຍ ໂດຍສະ ເພາະການເຮັດໃຫ້ເຟດບຸກກາຍເປັນສະໜາມຮົບແຫ່ງການຜິດຖຽງກັນຫລາຍກ່ວາສະໜາມແລກປ່ຽນຄວາມຄິດເຫັນ ແລະ ໃນທາງປະຕິບັດ ຫາກເອົາປຸ່ມດັ່ງກ່າວມາໃຊ້ ມັນຈະທຳລາຍທ່າອ່ຽງການໂພສຂໍ້ຄວາມໃນດ້ານສ້າງສັນທີ່ຜູ້ຄົນຕ້ອງການຈະໃຫ້ຜູ້ອື່ນຍອມຮັບເຂົາໃນດ້ານບວກໃນດ້ານຈິດຕະວິທະຍາ. ນອກຈາກນີ້, ອີກດ້ານໜຶ່ງການໃຊ້ປຸ່ມກົດ Dislike ຍ່ອມຈະເຮັດໃຫ້ຜູ້ຄົນມີຄວາມຮູ້ສຶກບໍ່ດີ ຫລື ເປັນສັດຕູຕໍ່ກັນ ຫາກຂໍ້ຄວາມຂອງເຂົາຖືກກົດ ບໍ່ມັກ ຈາກໝູ່ຫລືບຸກຄົນອື່ນໆ.

ທ່ານ ເບຣດ ກ່າວວ່າ : ຖ້າເຟດບຸກເກີດມີປຸ່ມ ບໍ່ມັກ ນັ້ນຈະເຮັດໃຫ້ເຟດບຸກເພີ່ມທັດສະນະຄະຕິໃນດ້ານລົບຕໍ່ກັນ ເພາະຄົນຍ່ອມຮູ້ສຶກບໍ່ດີເມື່ອທັດສະນະຂອງເຂົາ ຖືກປະຕິເສດ ຫລື ຖືກລັງກຽດ ຈາກການຖືກກົດ ບໍ່ມັກ ແລະ ສຸດທ້າຍບົດທົນທະນາໃນໂພສຕ່າງໆໃນເຟດບຸກຈະຈົບລົງດ້ວຍການເປັນສັດຫລາຍກ່ວາຄວາມເປັນມິດ ເຊິ່ງນີ້ເປັນສິ່ງສຳຄັນທີ່ເຮົາຄຳນຶງວ່າອຳນາດຂອງປຸ່ມບໍ່ມັກ ນັ້ນມີອານຸພາບດ້ານລົບທີ່ສົ່ງຜົນໄດ້ຢ່າງຮ້າຍແຮງ ແລະ ຮຸນແຮງຫລາຍໆຫາກເຮົາເອົາມາໃຊ້ແທ້.

ແລະ ເຖິງວ່າປຸ່ມກົດ ມັກ ຈະບໍ່ແມ່ນປຸ່ມທີ່ສົມບູນແບບ ເພາະບາງເທື່ອມັນບໍ່ໄດ້ສະແດງອອກເຖິງອາລົມແທ້ຈິງຂອງບຸກຄົນ, ແຕ່ການມີປຸ່ມດັ່ງກ່າວກໍມີໄວ້ໂດຍຄຳນຶງຫລັກແຫ່ງມາລະຍາດໃນດ້ານສັງຄົມເທິງຖະໜົນສື່ສານນາມເຟດບຸກ ເພາະທີ່ຜ່ານມາ ຕ້ອງຍອມຮັບວ່າເຟດບຸກໄດ້ກາຍເປັນສື່ ຫລື ຊ່ອງທາງສື່ສານທີ່ຊົງອິດທິພົນຢູ່ໄດ້ ເພາະການວາງກົນລະຍຸດກຳກັບການສື່ສານຂອງຜູ້ຄົນພາຍໃນເຄືອຂ່າຍຊຸມຊົນອອນລາຍ ໂດຍເຟດບຸກເລືອກທີ່ຈະຫລຸດ ແລະ ສະກັດສານທີ່ຈະສ້າງບັນຍາກາດຮ້າຍໆພາຍໃນສັງຄົມເຟດບຸກ ແລະ ຕໍ່ຕ້ານຜູ້ໃຊ້ ຫລື ອາດເວົ້າໄດ້ວ່າ ໃນດ້ານໜຶ່ງ ເຟດບຸກໄດ້ດຳເນີນບົດບາດໃນຖານະຜູ້ກຳກັບບົດວ່າບົດສົນທະນາໃດສົມຄວນມີ ແລະ ບົດສົນທະນາໃດບໍ່ສົມຄວນຈະໃສ່ລົງໄປ. ດັ່ງນັ້ນ, ອາດເວົ້າໄດ້ວ່າເຟດບຸກມີຫລັກການງ່າຍໆວ່າ ຖ້າທ່ານບໍ່ຢາກເວົ້າຫຍັງດີໆກໍບໍ່ຕ້ອງເວົ້າເລີຍດີກ່ວາ ເພາະແນ່ນອນວ່າການເວົ້າເລື່ອງບໍ່ດີຍ່ອມບໍ່ສ້າງສັນ ແລະ ນັ້ນຈະເຮັດໃຫ້ເຟດບຸກກາຍເປັນສັງວຽນປະທະຄາລົມລະຫ່ວາງຜູ້ໃຊ້ຫລາຍກ່ວາສະຖານທີ່ໂອ້ລົມຢ່າງຜ່ອນຄາຍສະບາຍສ້າງສັນ ແລະ ກໍ່ໃຫ້ເກີດຜົນດີຫລາຍກ່ວາຜົນເສຍ.