ຊາດອກເກັກຮວຍດີຕໍ່ສຸຂະພາບແນວໃດ ?

- WhatsApp Image 2017 07 12 at 9 - ຊາດອກເກັກຮວຍດີຕໍ່ສຸຂະພາບແນວໃດ ?

ດອກເກັກຮວຍ ຫລາຍໆຄົນອາດຈະເຄີຍກິນ ໂດຍສະເພາະນຳ້ຊາດອກເກັກຮວຍ, ແຕ່ຮູ້ຫລືບໍ່ວ່າມີຊາດອກເກັກຮວຍທີ່ບໍ່ມີກາເຟອີນ ແລະ ດີຕໍ່ສຸຂະພາບ ທັງຍັງຫລຸດອາການໄຂ້ຫວັດໄດ້ນຳອີກ ເຊິ່ງແຕກຕ່າງຈາກຊາດອກມະລິ ຫລື ແມ່ນແຕ່ຊາຂຽວ ຢູ່ບ່ອນວ່າ ຊາດອກເກັກຮວຍບໍ່ມີກາເຟອີນ ຈຶ່ງເໝາະສົມສຳລັບຄົນທີ່ມີອາການໃຈສັ່ນ, ກະວົນກະວາຍ, ໝຸດໝັດ, ອາລົມບໍ່ດີທຸກເທື່ອທີ່ດື່ມຊາ ຫລື ກາເຟ.

- lattana 1 - ຊາດອກເກັກຮວຍດີຕໍ່ສຸຂະພາບແນວໃດ ?

ຕຳລາແພດແຜນຈີນເກົ່າແກ່ເຊື່ອວ່າຕຸ່ມຝົດຜື່ນເກີດຈາກຄວາມບໍ່ດຸ່ນດ່ຽງຂອງອຸນຫະພູມພາຍໃນຮ່າງກາຍ ໂດຍມີສູດຄື : ຕົ້ມດອກເກັກຮວຍແຫ້ງ 2 ບ່ວງແກງ ເຂົ້າກັບໃບຜັກຫອມລາບ 1 ບ່ວງແກງ ປະສົມກັບນຳ້ຮ້ອນຊົງປະໄວ້ 20 ນາທີຈຶ່ງກອງເອົາແຕ່ນຳ້ ແລ້ວດື່ມເຄິ່ງຈອກ ທຸກໆ 2 – 3 ຊົ່ວໂມງ ຕຸ່ມຝົດຜື່ນນັ້ນກໍຈະຫາຍໄປ.

ຊາດອກເກັກຮວຍມີລິດຊ່ວຍຫລຸດຜ່ອນອາການໄຂ້ຫວັດ ເນື່ອງຈາກສັບພະຄຸນເປັນຢາເຢັນ, ແຕ່ຄວນຈະດື່ມຊາອຸ່ນໆ ຫລື ດື່ມໃນອຸນຫະພູມທຳມະດາ ກໍຈະຊ່ວຍຫລຸດອາການເຈັບຄໍ ແລະ ຫລຸດອາການເຈັບຫົວໄດ້ໂດຍໃຫ້ດື່ມທຸກໆ 2 ຊົ່ວໂມງຈົນກ່ວາອາການຈະດີຂຶ້ນ.