ມາຮູ້ຈັກ, ສິດທິເດດ ນັກກິລາຫຼຽນຄຳສະນຸກເກີຊີເກມ ຄັ້ງທີ 29

- WhatsApp Image 2017 07 12 at 9 - ມາຮູ້ຈັກ, ສິດທິເດດ ນັກກິລາຫຼຽນຄຳສະນຸກເກີຊີເກມ ຄັ້ງທີ 29

- 21742002 670789093131667 995688187 o 300x200 - ມາຮູ້ຈັກ, ສິດທິເດດ ນັກກິລາຫຼຽນຄຳສະນຸກເກີຊີເກມ ຄັ້ງທີ 29ງານມະຫະກໍາກີລາຊີ ເກມ ຄັ້ງທີ 29 ທີ່ປະເທດມາ ເລເຊຍ ຫາກໍຈົບໄປບໍ່ພໍເທົ່າ ໃດມື້ ເຊິ່ງເຕັມໄປດ້ວຍສີສັນ ແຫ່ງຄວາມດີໃຈ ແລະ ຄວາມ ໂສກເສົ້າປະສົມປະສານກັນ ໄປ ບາງຄົນກໍສົມຫວັງ ແລະ ບາງຄົນກໍຜິດຫວັງ ຂະນະທີ່ ສປປ ລາວ ໄດ້ສົ່ງນັກກິລາເຂົ້າ ຮ່ວມທັງໝົດ 221 ຄົນ ຈາກ ກິລາ 22 ປະເພດ ໂດຍຕັ້ງເປົ້າ ຢ່າງໜ້ອຍ 3-5 ຫລຽນຄໍາ ແຕ່ຜ່ານການແຂ່ງຂັນປາກົດ ວ່າ: ສາມາດຍາດໄດ້ພຽງແຕ່ 2 ຫລຽນຄໍາ, 3 ຫລຽນເງິນ ແລະ 21 ຫລຽນທອງ ລວມ ເປັນ 26 ຫລຽນ ຈັດຢູ່ອັນດັບ ທີ 9 ຂອງຕາຕະລາງສະຫລຸບ ຫລຽນ. ຢ່າງໃດກໍຕາມ, ເຖິງ ຊີເກມຄັ້ງນີ້ເຖິງວ່າຈະເຮັດບໍ່ ໄດ້ເປົ້າກໍຕາມ ແຕ່ກໍເປັນໃບ ໜ້າໃບຕາໃໝ່ຂອງວົງການກິລາສະນຸກເກີລາວໂດຍສະ ເພາະ ທ້າວ ສິດທິເດດ ສັກ ບ່ຽງ ສາມາດສ້າງປະຫວັດ ສາດຄວ້າຫລຽນຄໍາໄດ້ສໍາ ເລັດ ເຊິ່ງເປັນຫລຽນຄໍາທໍາ ອິດຂອງກິລາສະນຸກເກີລາວ ທີ່ຍາດໄດ້ໃນຊີເກມເຊິ່ງມື້ນີ້ ພວກເຮົາຈະມາຮູ້ຈັກກັບໜຸ່ມ ຄົນນີ້ວ່າ ມີດີແນວໃດ ຈຶ່ງກ່າວ ເປັນເບີ 1 ຂອງກີລາສະນຸກເກີ ໃນຊີເກມ 2017.
ທ້າວ ສິດທິເດດ ສັກບ່ຽງ ເກີດເມື່ອວັນທີ 8 ພະຈິກ 1983 ຢູ່ເມືອງໄກສອນພົມວິ ຫານ ແຂວງສະຫວັນນະເຂດ ສປປ ລາວ ເຊິ່ງເລີ່ມຫລິ້ນກິລາ ສະນຸກເກີຕັ້ງແຕ່ຕອນອາຍຸ 12 ປີ ໂດຍຕິດພັນກັບກິລານີ້ມາ ເນື່ອງພໍ່ມັກພາເຂົ້າໄປຫລິ້ນ ສະນຸກເກີຫລາຍເທື່ອ ແລະ ຝຶກຫລິ້ນນັບແຕ່ນັ້ນມາ ສໍາ ລັບນັກກິລາຂວັນໃຈແມ່ນ ທ້າວ ຕ໋ອງ ສິດຊ່ອຍ ນັກກິລາ ຊາວໄທ. ປັດຈຸບັນນີ້, ໃຊ້ຊີວິດ ຢູ່ປະເທດໄທ ເນື່ອງຈາກຕ້ອງ ແຂ່ງຂັນສະນຸກເກີລີກໄທ ແລະ ຫລາຍລາຍການ ໃນປີໜຶ່ງຕົນ ເອງເຂົ້າຮ່ວມຫລາຍກວ່າ 10 ລາຍການ ໂດຍຄວາມໄຝ່ຝັນ ໃນອະນາຄົດຢາກໄປແຂງຢູ່ ປະເທດອັງກິດ ສໍາລັບຜົນງານ ຂອງຕົນເອງໄລຍະຜ່ານມາ ເຄີຍຍາດໄດ້ຫລຽນຄໍາທຸກຄັ້ງ ໃນງານມະຫະກໍາກິລາແຫ່ງ ຊາດ ທີ່ກໍານົດກິລາສະນຸກເກີ ເຂົ້າຮ່ວມການແຂ່ງຂັນ, ສ່ວນ ຜົນງານໃນມະຫະກໍາຊີເກມ ຄັ້ງທີ 27 ສາມາດຍາດໄດ້ ຫລຽນເງິນຊີເກມ 2013 ທີ່ ປະເທດມຽນມາ, ໄດ້ແຊ໊ມຢູ່ ປະເທດໄທ ລາຍການດິວິຊັ່ນ 2 ປີ 2008, ເຄີຍເຂົ້າຮອບ 4 ຄົນລາຍການຊີງແຊ໊ມປະເທດໄທ ແລະ ເຄີຍເຂົ້າຊີງຊະນະ ເລີດລາຍການ 6 ແດງລາຍ ການໂປຊາເລນຂອງປະເທດ ໄທ ເຊິ່ງຜົນງານລ້າສຸດແມ່ນ ສາມາດຍາດໄດ້ຫລຽນຄຳໃນມະຫະກໍາຊີເກມຄັ້ງທີ 29 ທີ່ ປະເທດມາເລເຊຍນີ້ ແລະ ເປັນ ຄັ້ງທໍາອິດຂອງຕົນເອງໃນຊີ ເກມ ໄດ້ມີຄວາມພາກພູມໃຈ ຫລາຍທີ່ສຸດ ແລະ ເປັນການ ປະກອບສ່ວນອັນສໍາຄັນ ແລະ ສ້າງຊື່ສຽງມາໃຫ້ກັບປະເທດຊາດ.
ການເຂົ້າຮ່ວມແຂ່ງຂັນ ໃນມະຫະກໍາຊີເກມຄັ້ງທີ 29 ຜ່ານມານີ້ ສະຫະພັນນັກກິລາ ສະນຸກເກີໄດ້ສົ່ງນັກກິລາເຂົ້າ ຮ່ວມທັງໝົດ 4 ຄົນ ສາມາດ ຍາດໄດ້ຫລຽນ 1 ຫລຽນຄໍາ ໂດຍ ທ້າວ ສິດທິເດດ ສັກບ່ຽງ ແລະ 1 ຫລຽນທອງ ໂດຍ ທ້າວ ສຸລິຍາ ມີນາລາວົງ. ຈາກຜົນງານດັ່ງກ່າວ ທ່ານ ປະສິດໄຊ ຫລວງໂຄດ ປະ ທານສະຫະພັນສະນຸກເກີແຫ່ງຊາດລາວ ອັດສີດເງິນຈໍານວນ 50 ລ້ານກີບໃຫ້ ທ້າວ ສິດທິ ເດດ ສັກບ່ຽງ ນັກສະນຸກເກີມື 1 ຂອງ ສປປ ລາວ ເຈົ້າຂອງ ຫລຽນຄໍາສະນຸກເກີດ່ຽວຊາຍ ພ້ອມທັງເປີດເຜີຍຈຸດພິເສດ ຂອງນັກກິລາຕົນເອງວ່າ: ທ້າວ ສິດທິເດດ ສັກບ່ຽງ ເປັນ ຄົນທີ່ມີຄວາມເອົາໃຈໃສ່, ອົດ ທົນພະຍາຍາມ, ຄວາມທຸ່ນ ທ່ຽງ ແລະ ຄວາມຮອບຄອບ ເຊິ່ງຈາກປະສົບການທີ່ຕິດພັນກັບລາວເຫັນວ່າຈຸດເດັ່ນຂອງ ລາວຢູ່ທີ່ໃນກໍລະນີທີ່ບໍ່ໝັ້ນໃຈ ລາວຈະບໍ່ສ່ຽງຍິງລົງຂຸມ ຖ້າ ບໍ່ໝັ້ນໃຈຮອດ 80% ແຕ່ຈະ ປ່ຽນການຕີມາເປັນການປ້ອງກັນບໍ່ໃຫ້ຄູ່ແຂ່ງຫລິ້ນໄດ້. ຢ່າງ ໃດກໍຕາມ, ຜົນສໍາເລັດຄັ້ງນີ້ ທາງ ສະຫະພັນສະນຸກເກີ ຈະ ສະເໜີຕໍ່ກະຊວງສຶກສາທິ ການ ແລະ ກິລາ ເພື່ອສົ່ງເສີມ ແລະ ມີແຜນສົ່ງ ສິດທິເດດ ໄປ ແຂ່ງຂັນໃນລີກອາຊີບຂອງປະເທດໄທຕໍ່ໄປ ແລະ ແຜນໃຫຍ່ ຄືສົ່ງລາວໄປຫລິ້ນທີ່ ສປ ຈີນ ໃນອະນາຄົດ.
ຂະນະທີ່ລັດຖະບານອັດ ສີດໃຫ້ນັກກິລາຜູ້ທີ່ໄດ້ຫລຽນ ຄໍາຈໍານວນ 25 ລ້ານກີບ ພ້ອມຫລຽນໄຊແຮງງານຊັ້ນ 2, ສ່ວນຫລຽນເງິນອັດສີດຈໍາ ນວນ 15 ລ້ານກີບ ພ້ອມ ຫລຽນໄຊແຮງງານຂັ້ນ 3, ສໍາລັບຫລຽນທອງອັດສີດຈໍານວນ 10 ລ້ານກີບ ໃນນັ້ນ, ບໍລິສັດເບຍລາວໄດ້ອັດສີດ ຫລຽນຄໍາ 8 ລ້ານກີບ, ຫລຽນເງິນ 3 ລ້ານກີບ, ຫລຽນທອງ 1 ລ້ານກີບ.

- lattana 1 - ມາຮູ້ຈັກ, ສິດທິເດດ ນັກກິລາຫຼຽນຄຳສະນຸກເກີຊີເກມ ຄັ້ງທີ 29