ການຂວ້ຳບາດກາຕາບາດເຈັບທັງ 2 ຝ່າຍ

- WhatsApp Image 2017 07 12 at 9 - ການຂວ້ຳບາດກາຕາບາດເຈັບທັງ 2 ຝ່າຍ

- 1503224304550 - ການຂວ້ຳບາດກາຕາບາດເຈັບທັງ 2 ຝ່າຍ

- lattana 1 - ການຂວ້ຳບາດກາຕາບາດເຈັບທັງ 2 ຝ່າຍ

ການ​ຂວ້ຳບາດ​ກາ​ຕາ​ໂດຍ​ກຸ່ມ​ປະ​ເທດ​ອາຣັບ ນຳ​ໂດ​ຍອາຣັບບີ ຊາ​ອຸ​ດິດ ສົ່ງ​ຜົນ​ກະທົບ​ຕໍ່​ເສດຖະກິດ​ຂອງ​ທຸກ​ປະ​ເທດ​ທີ່​ກ່ຽວຂ້ອງ, ​ແຕ່​ບາ​ເຣນ ​ແລະ ກາ​ຕາ​ໜັກ​ທີ່​ສຸດ ຈາກ​ການ​ເປີດ​ເຜີຍ​ຂອງ​ບໍລິສັດ​ຈັດ​ອັນ​ດັບ​ຄວາມ​ໜ້າ​ເຊື່ອ​ຖື ມູດີ ອິນ​ເວສ​ເຕີ ​ເຊີ​ວິສ ​ໃນ​ວັນ​ທີ 13 ກັນຍາ.

ສຳນັກ​ຂ່າວ​ AFP ລາຍ​ງານ​ຈາກ​ເມືອງ​ດູ​ໄບ ປະ​ເທດ​ສະຫະ​ນະຄອນ ອາ​ເມຣັດ ​ເອມິ​ເຣດ (UAE) ​ໃນ​ວັນ​ທີ 13 ກັນຍາ​ວ່າ: ຄວາມ​ຂັດ​ແຍ່ງ​ຖືກ​ປ່ຽນ​ເປັນຄວາມ​ໜ້າ​ເຊື່ອ​ຖື​ຕິດ​ລົບ ສຳລັບ 6 ປະ​ເທດ​ສະມາຊິກຄະນະ​ມົນຕີ​ການ​ຮ່ວມ​ມື​ລັດ​ອ່າວ​ອາຣັບ (GCC) ທັງ​ໝົດ ​ເຊິ່ງປະກອບ​ມີ: ອາຣັບບີ ຊາ​ອຸ​ດິດ, UAE, ບາ​ເຣນ, ກູ​ເວດ, ​ໂອ​ມານ ​ແລະ ກາ​ຕາ ຈາກ​ລາຍ​ງານ​ຂອງມູດີ.

ວັນ​ທີ 5 ມິຖຸນາ, ອາຣັບບີ ຊາ​ອຸ​ດິດ, UAE, ບາ​ເຣນ ​ແລະ ​ເອຢິບ ປະກາດຕັດ​ການ​ພົວພັນ​ທາງ​ການ​ທູດ ​ແລະ ກຳນົດ​ມາດ​ຕະການ​ຂວ້ຳບາດ​ທາງ​ເສດຖະກິດ​ຕໍ່​ກາ​ຕາ ຕາມ​ຂໍ້​ກ່າວ​ຫາ​ໃຫ້ການ​ສະໜັບສະໜູນ​ກຸ່ມ​ຫົວ​ຮຸນ​ແຮງ​ທາງ​ສາສະໜາ, ​ແຕ່​ກາ​ຕາ​ປະຕິ​ເສດ.

- DIA5v0sXcAI7aV  - ການຂວ້ຳບາດກາຕາບາດເຈັບທັງ 2 ຝ່າຍ

ທ່ານ ສ​ເຕຟ​ເຟນ ​ໄດ ຮອງ​ປະທານ​ມູດີ ກ່າວ​ວ່າ: ຄວາມ​ຮຸນ​ແຮງ​ຂອງ​ຄວາມ​ຂັດ​ແຍ່ງ​ທາງ​ການ​ທູດ​ລະຫວ່າງ​ກຸ່ມ​ປະ​ເທດ​ອ້ອມ​ອ່າວ​ເປີ​ເຊຍ​ບໍ່​ເຄີຍ​ເກີດ​ຂຶ້ນມາ​ກ່ອນ ​ເຊິ່ງຂະຫຍາຍ​ຄວາມ​ບໍ່​ແນ່ນອນ ​ແລະ ສົ່ງ​ຜົນ​ກະທົບ​ຕໍ່​ເສດຖະກິດ, ການ​ເງິນ ​ແລະ ສັງຄົມ​ຂອງ GDP ທັງ​ໝົດ.

ກາ​ຕາ​ຜະ​ເຊີນ​ຄ່າ​ໃຊ້​ຈ່າຍ​ຈຳນວນ​ຫຼາຍ​ທາງ​ເສດຖະກິດ, ການ​ເງິນ ​ແລະ ສັງຄົມ ​ອັນ​ເປັນ​ຜົນ​ຈາກ​ການ​ຖືກ​ຈຳກັດ​ດ້ານ​ການ​ເດີນທາງ ​ແລະ ການ​ຄ້າ, ​ແຕ່​ຜ່ານ​ມາ ກາ​ຕາ​ໄດ້​ຮັບ​ຜົນ​ກະທົບ​ໜັກ​ທີ່​ສຸດ​ທາງ​ດ້ານ​ການ​ຄ້າ, ການທ່ອງທ່ຽວ ​ແລະ ການ​ທະນາຄານ ​ໂດຍ​ມີ​ເງິນ​ທຶນ​ໄຫຼ​ອອກ​ຈາກ​ລະບົບ​ທະນາຄານ​ຂອງ​ກາ​ຕາ​ປະມານ 30.000 ລ້ານ​ໂດ​ລາ​ສະຫະລັດ ລະຫວ່າງ​ເດືອນ​ມິຖຸນາ ​ແລະ ກໍລະກົດ ​ແລະ ຄາດ​ວ່າ​ຈະ​ໄຫຼ​ອອກ​ອີກ ​ເມື່ອ​ທະນາຄານ​ຕ່າງໆ​ຂອງ GCC ​ເລືອກ​ຈະ​ບໍ່​ຕໍ່​ອາຍຸ​ສິນ​ເຊື່ອ​ຂອງ​ຕົນ.

ຕີ​ລາຄາ​ວ່າ: ລັດຖະບານ​ກາ​ຕາ​ໃຊ້​ເງິນ​ປະມານ 38.500 ລ້ານ​ໂດ​ລາ​ສະຫະລັດ ຫຼື ​ເທົ່າ​ກັບ 23% ຂອງ GDP ​ເພື່ອ​ສະໜັບສະໜູນ​ເສດຖະກິດ​ໃນ​ໄລຍະ 2 ​ເດືອນ​ທຳ​ອິດ​ທີ່​ຖືກ​ຂວ້ຳບາດ.

ຄາດ​ວ່າກາ​ຕາ​ຈະ​ບໍ່​ຈຳ​ເປັນ​ຕ້ອງ​ກູ້​ຢືມ​ຈາກ​ຕະຫຼາດ​ທຶນ​ສາກົນ​ໃນ​ປີ​ນີ້, ​ແຕ່​ຄ່າ​ໃຊ້​ຈ່າຍ​ດ້ານ​ການ​ເງິນ​ຂອງ​ປະ​ເທດ​ຈະ​ສູງ​ຂຶ້ນ.