ຊົມເຊີຍຜູ້ໄດ້ຮັບລາງວັນວັນນະກຳ “ແມ່ນໍ້າຂອງ” ຄັ້ງທີ 8

- WhatsApp Image 2017 07 12 at 9 - ຊົມເຊີຍຜູ້ໄດ້ຮັບລາງວັນວັນນະກຳ “ແມ່ນໍ້າຂອງ” ຄັ້ງທີ 8

ແລງວັນທີ 13 ກັນຍານີ້, ສະມາຄົມນັກປະພັນລາວໄດ້ຈັດກອງປະຊຸມຊົມເຊີຍຜູ້ຮັບລາງວັນວັນນະກຳ “ແມ່ນໍ້າຂອງ” ຄັ້ງທີ 8 ຂຶ້ນຢູ່ກະຊວງຖະ

- lattana 1 - ຊົມເຊີຍຜູ້ໄດ້ຮັບລາງວັນວັນນະກຳ “ແມ່ນໍ້າຂອງ” ຄັ້ງທີ 8

ແຫລງຂ່າວ, ວັດທະນາທໍາ ແລະ ການທ່ອງທ່ຽວ, ໂດຍການເຂົ້າຮ່ວມຂອງທ່ານ ທອງໃບ ໂພທິສານ ປະທານສະມາຄົມນັກປະພັນລາວ, ມີບັນດານັກປະພັນ, ນັກກະວີລາວທັງລຸ້ນອາວຸໂສ, ລຸ້ນສືບທອດ ແລະ ກຸ່ມນັກທຸລະກິດຍິງເຂົ້າຮ່ວມເປັນຈໍານວນຫລວງຫລາຍ.

ໃນລະຫວ່າງວັນທີ 25-28 ສິງຫາຜ່ານມາ, ຄະນະຜູ້ແທນສະມາຄົມນັກປະພັນລາວຈໍານວນ 5 ທ່ານ, ນຳໂດຍທ່ານປະທານສະມາຄົມນັກປະພັນລາວ ແລະ ນັກຂຽນຜູ້ຮັບລາງວັນ ວັນນະກໍາ “ແມ່ນໍ້າຂອງ” ຄັ້ງທີ 8, ມີທ່ານນາງ ດາລີວັນ ສິດພະໄຊ ວັນນະກໍາ ປະເພດບົດບັກທຶກ “ໄປນໍາຫາພໍ່” ແລະ ທ່ານ ແກ້ວບຸນທັນ ແກ້ວປະເສີດ ວັນນະກໍາ ປະເພດບົດກະວີ “ເມືອງມຸນເມືອງແມ່” ໄດ້ເຂົ້າຮ່ວມພິທີມອບ-ຮັບລາງວັນດັ່ງກ່າວ ແລະ ຮ່ວມສໍາມະນາວິຊາການປະຈໍາປີ 2017 ທີ່ນະຄອນຫລວງບາງກອກປະເທດໄທ, ມີຜູ້ເຂົ້າຮ່ວມປະມານ 300 ຄົນ. ສໍາລັບຄະນະຜູ້ແທນ 6 ປະເທດພາຄີລາງວັນແມ່ນໍ້າຂອງມີປະເທດລະ 5 ທ່ານ.

ລາງວັນວັນນະກໍາແມ່ນໍ້າຂອງ, ໄດ້ຮັບການກໍ່ຕັ້ງຂຶ້ນໃນປີ 2007 ໂດຍການລິເລີ່ມຂອງສະມາຄົມນັກປະພັນຫວຽດນາມ, ລາວ ແລະ ກໍາປູເຈຍ ແລະ ມີການມອບລາງວັນເປັນຄັ້ງທໍາອິດໃນປີ 2008 ເພື່ອເສີມສ້າງສາຍພົວພັນມິດຕະພາບ ແລະ ການຮ່ວມມືຂອງນັກປະພັນ, ນັກກະວີ ໃນບັນດາປະເທດທີ່ມີຊາຍແດນຕິດກັບແມ່ນໍ້າຂອງ ດ້ວຍການມອບລາງວັນວັນນະກໍາສ້າງສັນທີ່ດີເດັ່ນ ແລະ ສໍາມະນາວິຊາການ ເພື່ອແລກປ່ຽນບົດຮຽນຊຶ່ງກັນ ແລະ ກັນ, ມາຮອດປັນຈຸບັນ, ມີນັກປະພັນ, ນັກກະວີຫລາຍສິບຄົນໄດ້ຮັບລາງວັນດັ່ງກ່າວໃນ 6 ປະເທດພາຄີຄື: ສປປ ລາວ, ສສ ຫວຽດນາມ, ກໍາປູເຈຍ, ໄທ, ມຽນມາ ແລະ ສປຈີນ ໄດ້ເຂົ້າຮ່ວມໃນປີ 2015.