ເຕື່ອນໄພຊ່ອງຫວ່າງໃຫມ່ BlueBorne ແຮກເກີຣ໌ສາມາດລັກຂໍ້ມູນໃນມືຖື Android ຜ່ານບູທູດ

- WhatsApp Image 2017 07 12 at 9 - ເຕື່ອນໄພຊ່ອງຫວ່າງໃຫມ່ BlueBorne ແຮກເກີຣ໌ສາມາດລັກຂໍ້ມູນໃນມືຖື Android ຜ່ານບູທູດ

ໄພຄຸກຄາມໃຫມ່ສໍາລັບ Android ມາອີກແລ້ວ ​ເຊິ່ງຊ່ອງຫວ່າງໃຫມ່ນີ້ ແຮກເກີຣ໌ໃຊ້ຊ່ອງທາງການເຊື່ອມຕໍ່ແບບບູທູດ ເພື່ອເຂົ້າມາລັກຂໍ້ມູນໃນອຸປະກອນ Android ຂອງເຮົາ ໃນຂະນະທີ່ເຄື່ອງຄອມທີ່ຣັນ Windows ແລະ ອຸປະກອນ iOS ຈະໄດ້ຮັບການອັດຊ່ອງຫວ່າງນີ້ ໂດຍສໍາລັບລະບົບ Windows ຕ້ອງທໍາການຕິດຕັ້ງ Security patch ທີ່ມີການປ່ອຍອອກມາເມື່ອວັນທີ 12 ກັນຍາ ແລະ ສໍາລັບອຸປະກອນ iOS ລະບົບປະຕິບັດການເວີຊັ່ນ 9.3.5 ຫຼື ສູງກວ່າ ກໍຈະໄດ້ຮັບການອັດຊ່ອງຫວ່າງນີ້ເຊັ່ນກັນ ສ່ວນທາງຝັ່ງຂອງອຸປະກອນ Android ນັ້ນ ກໍມີການປ່ອຍອັບເດດມາເພື່ອອັດຊ່ອງຫວ່າງນີ້ເຊັ່ນກັນ ແຕ່ກໍແນ່ນອນວ່າອຸປະກອນ Android ເຊັ່ນ: ໂທລະສັບມືຖື, ແທັບເລັດບາງຮຸ່ນ ກວ່າຈະໄດ້ຮັບການອັບເດດຄົງຈະຖືກກິນເປັນເວລາດົນແລ້ວ ຫຼື ອາດຈະບໍ່ໄດ້ຮັບການອັບເດດເລີຍ ຖ້າເປັນອຸປະກອນທີ່ຕົກຮຸ່ນ.

- lattana 1 - ເຕື່ອນໄພຊ່ອງຫວ່າງໃຫມ່ BlueBorne ແຮກເກີຣ໌ສາມາດລັກຂໍ້ມູນໃນມືຖື Android ຜ່ານບູທູດ

​ເຊິ່ງຊ່ອງຫວ່າງທີ່ອາໄສການເຊື່ອມຕໍ່ບູທູດນີ້ມີຊື່ວ່າ BlueBorne  ແຮກເກີຣ໌ສາມາດໃຊ້ຊ່ອງຫວ່າງນີ້ ເພື່ອລັກຂໍ້ມູນຈາກອຸປະກອນທີ່ຮອງຮັບການເຊື່ອມຕໍ່ບູທູດໄດ້ຫຼາກຫຼາຍຮູບແບບ ລວມເຖິງເຄື່ອງຄອມ ແລະ ອຸປະກອນ IoT ທັງຫຼາຍ ໂດຍບໍລິສັດທາງດ້ານຄວາມປອດໄພຂອງລະບົບຄອມພິວເຕີ ທີ່ອອກມາເປີດເຜີຍຊ່ອງຫວ່າງນີ້ມີຊື່ວ່າ Armis ໂດຍທີ່ BlueBorne  ເປັນຊື່ເອີ້ນລວມຂອງຊ່ອງຫວ່າງທັງ 8 ຮູບແບບ ທີ່ແຮກເກີຣ໌ສາມາດໃຊ້ເຈາະລະບົບເຂົ້າໄປໃນອຸປະກອນທີ່ຮອງຮັບການເຊື່ອມຕໍ່ແບບບູທູດ ທີ່ມີຈໍານວນອຸປະກອນກວ່າ 5,3 ພັນລ້ານອັນໃນທົ່ວໂລກ ບໍ່ພຽງແຕ່ສະເພາະອຸປະກອນ Android ເທົ່ານັ້ນ.

ແລະ ເມື່ອແຮກເກີຣ໌ພົບອຸປະກອນເປົ້າໝາຍທີ່ຕ້ອງການເຈາະ ພວກເຂົາກໍສາມາດລັກຂໍ້ມູນທີ່ມີຄວາມສໍາຄັນໄດ້ຫຼາຍຮູບແບບ ລວມເຖິງຄີ ແລະ ລະຫັດຜ່ານຕ່າງໆ.

ແຮກເກີຣ໌ສາມາດເຊື່ອມຕໍ່ກັບໂທລະສັບຂອງເຮົາໄດ້ ໂດຍທີ່ເຮົາບໍ່ຮູ້ໂຕ ແລະ ຄົນທີ່ມັກເປີດສັນຍານບູທູດຂອງໂທລະສັບ ໂດຍບໍ່ມີຄວາມຈໍາເປັນ ກໍຈະຕົກເປັນເຫຍື່ອຂອງແຮກເກີຣ໌ ແລະ ເມື່ອແຮກເກີຣ໌ເລີ່ມເຮັດການຄວບຄຸມໜ້າຈໍ ຫຼື ຄວບຄຸມແອັບໃນເຄື່ອງ ເຮົາກໍຈະເລີ່ມສົງໄສວ່າເຄື່ອງຂອງເຮົາເກີດອາການຜິດປົກກະຕິບາງຢ່າງ.

ໂດຍທີ່ທາງບໍລິສັດ Armis ໄດ້ເຮັດຄິບທີ່ສາທິດໃຫ້ເຫັນວ່າ ຮູບແບບການໂຈມຕີຂອງ BlueBorne ເປັນແບບໃດ ວິທີການປ້ອງກັນຕົວເອງທີ່ງ່າຍທີ່ສຸດຄື ປິດບໍລິການເຊື່ອມຕໍ່ບູທູດຂອງອຸປະກອນຂອງເຮົາ ເມື່ອບໍ່ມີຄວາມຈໍາເປັນຕ້ອງໃຊ້ ແລະ ໜັ່ນອັບເດດລະບົບປະຕິບັດການໃຫ້ທັນສະໄໝຢູ່ສະເໝີ.