ແຂ່ງຂັນຄະນິດຄິດໄວຊິງແຊ້ມວຽງຈັນຄັ້ງທີ III

- WhatsApp Image 2017 07 12 at 9 - ແຂ່ງຂັນຄະນິດຄິດໄວຊິງແຊ້ມວຽງຈັນຄັ້ງທີ III

ສູນຄະນິດຄິດໄວ ສະມາດ ແມ໊ດ ( Smart math ) ພະ ແນກສຶກສາທິການ ແລະ ກິລາ ນະຄອນຫຼວງວຽງຈັນ, ໄດ້ຈັດ ການແຂ່ງ ຂັນຄະນິດຄິດໄວຊິງ ແຊ້ມວຽງຈັນ ຄັ້ງທີ III, ຂຶ້ນໃນ ວັນທີ 17 ກັນຍາ ນີ້, ຢູ່ຫໍວັດທະ ນະທໍາແຫ່ງຊາດ. ເພື່ອໃຫ້ເຍົາ ວະຊົນລາວໄດ້ມີເວທີ ແລະ ໂອ ກາດໃນການສະແດງຄວາມ ສາມາດທາງຄະນິດສາດ ແລະ ທັກສະການຄິດຄຳນວນເລກ ໃຫ້ດີຂຶ້ນເທົ່າທຽບກັບສາກົນ ເທື່ອລະກ້າວ.

- lattana 1 - ແຂ່ງຂັນຄະນິດຄິດໄວຊິງແຊ້ມວຽງຈັນຄັ້ງທີ III

 

 

- DSC 0795 1024x683 - ແຂ່ງຂັນຄະນິດຄິດໄວຊິງແຊ້ມວຽງຈັນຄັ້ງທີ III

 

+ ນັກວິທະຍາສາດ ຄິດຄົ້ນແບັດເຕີຣີ Lithium-ion ນໍ້າໃຫມ່່ ປອດໄພ ແລະ ເກັບໄຟໄດ້ດົນຂຶ້ນ

+ ໂຮງຮຽນສິນໄຊ ຈັດພິທີຍ້ອງຍໍນັກຮຽນເກັ່ງລະດັບຊາດ 3 ຄົນ

 

ທ່ານ ສຸລະໄຊ ຈົງຈິດໄພ ສານ ຜູ້ອໍານວຍການ ສູນຄະນິດ ຄິດໄວ ສະມາດແມ໊ດກ່າວວ່າ: ການແຂ່ງຂັນຄັ້ງນີ້ໄດ້ຮັບການ ສະໜັບສະໜູນຈາກກຸ່ມບໍລິ ສັດດາວເຮືອງ, ຊີມັງກາອິນຊີ, ກ໊ອກນໍ້າກະລັດ, ທິບພະຍະປະ ກັນໄພ, ທະນາຄານ ST,ບໍລິສັດ ພູເບ້ຍ ມາຍນິງ, ໂຮງພິມແຫ່ງ ລັດ ແລະ ບໍລິສັດຟ້າວັດທະນາ ຄອນເຊົ້າຕິງ; ເພື່ອເປັນການ ສົ່ງເສີມໃຫ້ເຍົາວະຊົນລາວມີ ຄວາມສົນໃຈ ແລະ ເຫັນເຖິງ ຄວາມສຳຄັນຂອງຄະນິດສາດ ທັງເປັນການວັດໄອຄິວຂອງສະໝອງນ້ອງໆນັກຮຽນໃຫ້ມີການພັດທະນາທັກສະ, ຄວາມໃສ່ ໃຈ ແລະ ຮັກໃນການຮຽນຄະ ນິດສາດຫຼາຍຂຶ້ນ, ພ້ອມທັງ ຝຶກທັກ ສະຄວາມສາມາດ ແລະ ພັດທະນາຄວາມພ້ອມຂອງເຍົາ ວະຊົນລາວໃຫ້ມີສັກກາຍະພາບ ເທົ່າ ທຽມກັບພາກພື້ນ, ສາກົນ ແລະ ເຕີບໃຫຍ່ເປັນກຳລັງ ແຮງສຳຄັນໃນການພັດທະນາ ປະເທດຊາດໃນອະນາຄົດ.
ສໍາລັບການແຂ່ງຂັນໃນ ຄັ້ງນີ້, ມີນັກຮຽນເຂົ້າຮ່ວມ ຈໍາ ນວນ 125 ຄົນ, ໄດ້ແບ່ງເປັນ 3 ລະດັບ ຄື: ລະດັບ A ມີອາຍຸ 5-7 ປີ, ລະດັບ B ມີອາຍຸ 7-11 ປີ ແລະ ລະດັບ C ມີອາຍຸ 11-15 ປີ ຊຶ່ງທຸກລະດັບຈະມີຂໍ້ສອບ 2 ປະເພດຄື: ຂໍ້ສອບຕາມໂຈດ ບວກ ແລະ ລົບ ມີ 4 ຊັ້ນ 2 ຫຼັກ ຈຳນວນ 100 ຂໍ້ ໃຊ້ເວລາ 10 ນາທີ ແລະ ຂໍ້ສອບບອກຄຳ ປາກເປົ່າ ຕາມໂຈດບວກ ແລະ ລົບ ມີ 4 ຊັ້ນ 2 ຫຼັກ ຈໍານວນ 50 ຂໍ້ແລ້ວຄັດເອົາຜູ້ທີ່ມີຄະແນນ ສູງສຸດ 1-3 ຄື: ຜູ້ຊະນະເລີດທີ 1 ໄດ້ຮັບຂັນລາງວັນ ແລະ ທຶນ ຮຽນສະມາດແມ໊ດ 6 ເດືອນ, ລວມມູນຄ່າ 3.000.000 ກີບ, ຊະນະເລີດທີ 2 ໄດ້ຮັບຂັນ ລາງວັນ ແລະ ທຶນຮຽນສະມາດ ແມ໊ດ 4 ເດືອນ ລວມມູນຄ່າ 2.000.000 ກີບ ແລະ ຊະນະ ເລີດທີ 3 ຮັບຂັນລາງວັນ ແລະ ທຶນຮຽນສະມາດແມ໊ດ 2 ເດືອນ ລວມມູນຄ່າ 1.000.000 ກີບ. ແລະ ຜູ້ເຂົ້າແຂ່ງຂັນທຸກຄົນແມ່ນ ໄດ້ຮັບຫຼຽນລາງວັນຊົມເຊີຍ ແລະ ຜົນການແຂ່ງຂັນຂອງ ລະດັບ A ຊະນະເລີດທີ 1 ແມ່ນ ນາງ ອະນິດາ ທໍາມະວົງ, ດ້ວຍ ຄະແນນ 145 ໃນຄະແນນທັງ ໝົດ 150 , ຮອງຊະນະເລີດອັນ ດັບ 2 ແມ່ນ ນາງ ປາວິນາ ໄຊ ຍະວົງ, ດ້ວຍຄະແນນ 144 ແລະ ອັນດັບທີ 3 ທ້າວ ພາດາ ຈຸນລະມະນີ, ດ້ວຍຄະແນນ 144 ; ລະດັບ B ຊະນະເລີດທີ 1 ຄື: ນາງ ປາລະມີ ສີສຸຄໍາມະນີ, ດ້ວຍຄະແນນເຕັມ 150 , ຮອງ ຊະນະເລີດອັນດັບທີ 2 ຄື: ສໍມາລີ ຂັນຈະເລີນ, ດ້ວຍຄະແນນ 148 ແລະ ອັນດັບທີ 3 ຄື: ທ້າວ ເອກ ຊາບັນດິດ, ດ້ວຍຄະແນນ148 ; ສໍາລັບລະດັບ C ຊະ ນະເລີດທີ 1 ຄື: ນາງ ສຸດາລັດ ສີຫາມະນີວົງ, ດ້ວຍຄະແນນ 149 , ຮອງຊະ ນະເລີດອັນດັບທີ 2 ຄື: ນາງ ອັກ ສອນສະຫວັນ ບຸນທະລັງສີ, ດ້ວຍຄະ ແນນ 145 ແລະ ອັນ ດັບທີ 3 ຄື: ນາງວິລະສິນ ອິນ ທາຈັກ, ດ້ວຍຄະແນນ144 .