ຜູ້ນຳຟີລິບປິນຂູ່ໃຊ້ກົດໄອຍະການເສິກ ຖ້າເກີດປະທ້ວງຮຸນແຮງ

- WhatsApp Image 2017 07 12 at 9 - ຜູ້ນຳຟີລິບປິນຂູ່ໃຊ້ກົດໄອຍະການເສິກ ຖ້າເກີດປະທ້ວງຮຸນແຮງ

ທ່ານ ​ເດລຟິນ ລໍ​ເຣນຊາ​ນາ ລັດຖະມົນຕີ​ວ່າການ​ກະຊວງ​ປ້ອງ​ກັນ​ປະ​ເທ​ດຟີ​ລິບ​ປິນ ​ເປີດ​ເຜີຍ​ໃນ​ວັນ​ທີ 15 ກັນຍາ​ວ່າ: ປະທານາທິບໍດີ ​ໂຣດຣິ​ໂກ ດູ​ເຕີ​ເຕ ອາດ​ຈະ​ປະກາດ​ໃຊ້​ກົດ​ໄອ​ຍະ​ການ​ເສິກ​ທົ່ວ​ປະ​ເທດ ຖ້າ​ການ​ຊຸມນຸມ​ປະ​ທ້ວງ​ຂອງ​ກຸ່ມ​ກອມ​ມູນິດ ​ແລະ ຜູ້​ຊຸມນຸມ​ຝ່າຍ​ຊ້າຍ​ມີ​ຄວາມ​ຮຸນ​ແຮງ ​ແລະ ສົ່ງ​ຜົນ​ກະທົບ​ຕໍ່​ປະ​ເທດ.

- lattana 1 - ຜູ້ນຳຟີລິບປິນຂູ່ໃຊ້ກົດໄອຍະການເສິກ ຖ້າເກີດປະທ້ວງຮຸນແຮງ

ທ່ານ ລໍ​ເຣນຊາ​ນາ ກ່າວ​ກັບ​ນັກ​ຂ່າ​ວພາຍຫລັງ​ຫາລື​ກັບ​ປະທານາທິບໍດີ ດູ​ເຕີ​ເຕ ວ່າ: ຖ້າ​ຜູ້​ຊຸມນຸມ​ຝ່າຍ​ຊ້າຍ​ພະຍາຍາມ​ປຸກ​ລະດົມ​ໃຫ້​ເກີດ​ການ​ປະ​ທ້ວງ​ຄັ້ງ​ໃຫຍ່, ​ໃຊ້​ອາວຸດ​ລະຫວ່າງ​ການ​ຊຸມນຸມ ​ແລະ ສ້າງ​ຜົນ​ກະທົບ​ຕໍ່​ປະ​ເທດ, ປະທານາທິບໍດີອາດ​ຈະ​ຕັດສິນ​ໃຈ​ໃຊ້​ກົດ​ໄອ​ຍະ​ການ​ເສິກ. ​ເຖິງ​ຢ່າງ​ໃດ​ກໍ​ດີ, ທ່ານ ລໍ​ເຣນຊາ​ນາ ຄິດ​ວ່າ: ການ​ປະກາດ​ໃຊ້​ກົດ​ໄອ​ຍະ​ການ​ເສິກ​ຍັງ​ຖື​ເປັນ​ເລື່ອງ​ຫ່າງ​ໄກ ​ເພາະ​ການ​ຊຸມນຸມ​ປະ​ທ້ວງ​ອາດ​ຈະ​ບໍ່​ໄດ້​ໃຫຍ່​ຄື​ບັນດາ​ແກນ​ນຳ​ຄາດ​ຄິດ ພຽງ​ແຕ່​ປະທານາທິບໍດີ ດູ​ເຕີ​ເຕ ຢ້ານ​ວ່າ​ສະຖານະ​ການ​ຈະ​ລຸກລາມ.

ກຸ່ມ​ເຄື່ອນ​ໄຫວ​ຕໍ່ຕ້ານ​ຜະ​ເດັດ​ການ (Movement Against Tyranny) ປະກາດ​ລວມຕົວ​ຊຸມນຸມ​ຢູ່​ສວນສາທາລະນະ​ແຫ່ງ​ໜຶ່ງ​ໃນ​ນະຄອນຫລວງ​ມະນິລາ ​ໃນ​ວັນ​ທີ 21 ກັນຍາ​ນີ້ ​ໂດຍ​ຈະ​ເປັນ​ການ​ເຄື່ອນ​ໄຫວ​ສະ​ແດງ​ຈຸດ​ຢືນ​ຕໍ່ຕ້ານ​ນະ​ໂຍບາຍ​ປາບ​ປາມ​ຢາ​ເສບ​ຕິດ​ຢ່າງ​ຮຸນ​ແຮງ​ພາຍ​ໃນ​ປະ​ເທດ ​ແລະ ປະ​ທ້ວງ​ທ່ານ ດູ​ເຕີ​ເຕ ທີ່​ໃຫ້ການ​ສະໜັບສະໜູນ​ທ່ານ ​ເຟີ​ດິນານ  ມາຣກອສ ອະດີດ​ຜູ້ນຳ​ຜະ​ເດັດ​ການ​ທີ່​ຖືກ​ໂຄ່ນ​ລົ້ມອຳນາດ​ໃນ​ໄລຍະ​ເກີດ​ເຫດການ​ປະຕິວັດ​ພະລັງ​ປະຊາຊົນ ​ໃນ​ປີ 1986. ທັງ​ນີ້ ວັນ​ທີ 21 ກັນຍາ ຈະ​ກົງ​ວັນ​ຄົບຮອບ 45 ປີການ​ປົກຄອງ​ຂອງ​ທ່ານ ມາຣກອສ.