UN ຮຽກຮ້ອງເກີດິສຖານ ຍົກເລີກແຜນແຍກຕົວຈາກອີຣັກ

- WhatsApp Image 2017 07 12 at 9 - UN ຮຽກຮ້ອງເກີດິສຖານ ຍົກເລີກແຜນແຍກຕົວຈາກອີຣັກ

- Iraqi Kurdish president Barzani at independence rally 02 Reuters - UN ຮຽກຮ້ອງເກີດິສຖານ ຍົກເລີກແຜນແຍກຕົວຈາກອີຣັກ

- lattana 1 - UN ຮຽກຮ້ອງເກີດິສຖານ ຍົກເລີກແຜນແຍກຕົວຈາກອີຣັກ

ສະຫະ​ປະຊາ​ຊາດ​ຮຽກຮ້ອງ​ລັດຖະບານ​ຂອງ​ເຂດ​ປົກຄອງ​ຕົນ​ເອງ​ເກີ​ດິສຖານ ຍົກ​ເລີກ​ແຜນ​ຈັດການ​ລົງ​ປະຊາ​ມະຕິ​ແຍກ​ເອກະລາດ​ອອກ​ຈາກ​ອີຣັກ ທີ່​ຈະ​ມີ​ຂຶ້ນ​ໃນ​ວັນ​ທີ 25 ກັນຍາ​ນີ້.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ແບກ​ແດດ ປະ​ເທດ​ອີຣັກ ​ໃນ​ວັນ​ທີ 17 ກັນຍາ​ນີ້​ວ່າ: ທ່ານ ຍານ ຄູ​ບິ​ສ ທູດ​ພິ​ເສດ​ດ້ານ​ກິດຈະການ​ອີຣັກຂອງ​ສະຫະ​ປະຊາ​ຊາດ (UN) ຍື່ນ​ໜັງສື​ຕໍ່​ທ່ານ ມາ​ຊູດ ບາຣຊາ​ນີ ປະທານາທິບໍດີ​ແຫ່ງ​ເຂດ​ປົກຄອງ​ຕົນ​ເອງ​ເກີ​ດິສຖານ ຢູ່​ທາງ​ເໜືອ​ຂອງ​ອີຣັກ ມີ​ສາລະ​ສຳຄັນ​ຮຽກຮ້ອງ​ໃຫ້ທ່ານ​ ບາຣຊາ​ນີ ຍົກ​ເລີກ​ແຜນ​ຈັດການ​ລົງ​ປະຊາ​ມະຕິ​ແຍກ​ເອກະລາດ​ອອກ​ຈາກ​ລັດຖະບານ​ແບກ​ແດດ ​ໃນ​ວັນ​ທີ 25 ກັນຍາ​ນີ້ ຫຼື ຢ່າງ​ໜ້ອຍ​ຂໍ​ໃຫ້​ເລື່ອນ​ອອກ​ໄປ​ກ່ອນ ​ແລະ ​ເຂົ້າຮ່ວມ​ການ​ເຈລະຈາ​ທີ່​ສະພາ​ຄວາມ​ໝັ້ນຄົງ​ແຫ່ງ​ສະຫະ​ປະຊາ​ຊາດ (UNSC) ຈະ​ເຮັດ​ໜ້າ​ທີ່​ຜູ້​ໄກ່​ເກ່ຍ ​ເພື່ອ​ຫຼຸດຜ່ອນ​ຄວາມ​ຂັດ​ແຍ່ງ​ລະຫວ່າງ​ລັດຖະບານ​ແບກ​ແດດ​ກັບ​ເກີ​ດິສຖານ ອັນ​ຈະ​ນຳ​ໄປ​ສູ່​ສະຖຽນ​ລະ​ພາບ ​ແລະ ການ​ຮັກສາ​ຜົນ​ປະ​ໂຫຍ​ດຮ່ວມ​ກັນ​ລະຫວ່າງ​ທັງ​ສອງ​ຝ່າຍ​ຕໍ່​ໄປ.

- 9152017IraqiKurdistanParliamentCreditFalahMustafa - UN ຮຽກຮ້ອງເກີດິສຖານ ຍົກເລີກແຜນແຍກຕົວຈາກອີຣັກ

ຂະນະ​ທີ່​ຜູ້ນຳ​ເກີ​ດິສຖານ​ກ່າວ​ລະຫວ່າງ​ລົງພື້ນທີ່​ພົບ​ປະ​ປະຊາຊົນ ​ໃນ​ວັນ​ທີ 16 ກັນຍາ​ວ່າ: “ຊ້າ​ໄປ​ແລ້ວ” ທີ່​ຈະ​ເລື່ອນ ຫຼື ຍົກ​ເລີກ​ຈັດການ​ລົງ​ປະຊາ​ມະຕິ, ​ແຕ່​ກ່າວ​ວ່າ​ເກີ​ດິສຖານ​ບໍ່​ເຄີຍ​ເປີດ​ປະຕູ​ຂອງ​ການ​ເຈລະຈາ. ສ່ວນ​ທຳນຽບຂາວ​ຖະ​ແຫຼ​ງການ​ເຕືອນ​ອີກ​ວ່າ: ການຈັດ​ລົງ​ປະຊາ​ມະຕິ​ໃນ​ພື້ນທີ່​ຂັດ​ແຍ່ງ​ຖື​ເປັນ “​ເຈຕະນາຍົ່ວຍຸ” ​ແລະ ລັດຖະບານ​ວໍ​ຊິງ​ຕັນ​ເຄີຍ​ເຕືອນ​ເກີ​ດິສຖານ​ຫຼາຍ​ເທື່ອ​ແລ້ວ​ວ່າ: ການຈັດ​ລົງ​ປະຊາ​ມະຕິ​ແຍກ​ເອກະລາດ​ອອກ​ຈາກ​ອີຣັກຈະ​ສົ່ງ​ຜົນ​ຕໍ່​ຄວາມ​ພະຍາຍາມ​ຮ່ວມ​ກັນ ​ເພື່ອ​ປາບ​ປາມ​ກຸ່ມ IS ​ແລະ ສະຖຽນ​ລະ​ພາບ​ດ້ານ​ຄວາມ​ໝັ້ນຄົງ​ໃນ​ພື້ນທີ່.

- 2baef2475b484c239b9dcd20dd99d3bd 18 - UN ຮຽກຮ້ອງເກີດິສຖານ ຍົກເລີກແຜນແຍກຕົວຈາກອີຣັກ

ສ່ວນ​ນາຍົກລັດຖະມົນຕີ ​ໄຮ​ເດີ ອັດ ອາ​ບາ​ດີ ຜູ້ນຳ​ອີຣັກ ກ່າວ​ເຖິງ​ສະຖານະ​ການ​ທາງ​ການ​ເມືອງ​ຢູ່​ເກີ​ດິສຖານ​ວ່າ: ລັດຖະບານ​ແບກ​ແດດ​ຮັບ​ຮູ້ ​ແລະ ​ເຂົ້າ​ໃຈຄວາມ​ຕ້ອງການ​ຂອງ​ອີກ​ຝ່າຍ​ໃນ​ເລື່ອງ​ນີ້​ມາ​ຕະຫລອດ,​ ​ແຕ່​ການ​ເຈລະຈາ​ຮ່ວມ​ກັນ​ເທົ່າ​ນັ້ນຄື​ຫົນທາງ​ເໝາະ​ສົມ​ທີ່​ສຸດ​ໃນ​ການ​ຫຼຸດຜ່ອນ​ສະຖານະ​ການ. ​ເຖິງ​ຢ່າງ​ໃດ​ກໍ​ຕາມ, ຖ້າ​ແຜນການ​ລົງ​ປະຊາ​ມະຕິ​ຂອງ​ເກີ​ດິສຖານ​ແຜ່​ລາມ​ກາຍ​ເປັນຄວາມ​ຮຸນ​ແຮງ, ລັດຖະບານ​ແບກ​ແດດ​ບໍ່​ລັງ​ເລ​ທີ່​ຈະ​ໃຊ້ “ມາດ​ຕະການ​ທາງ​ທະຫານ” ​ເພື່ອ​ຄວບ​ຄຸມ​ສະຖານະການ.