Google ກໍາລັງຈະເປີດໂຕໂທລະສັບຮຸ່ນໃຫມ່ Pixel 2

- WhatsApp Image 2017 07 12 at 9 - Google ກໍາລັງຈະເປີດໂຕໂທລະສັບຮຸ່ນໃຫມ່ Pixel 2

ຢ້ອນກັບໄປເມື່ອວັນທີ 5 ຕຸລາ ປີ 2016 ທາງ Google ໄດ້ເປີດໂຕໂທລະສັບມືຖືແບຣນ Pixel ໂດຍເປັນໂທລະສັບຮຸ່ນທໍາອິດທີ່ Google ອອກແບບທັງຮາດແວ ແລະ ຊອບແວເອງ ຕ່າງຈາກ Nexus ທີ່ Google ໄດ້ຈ້າງບໍລິສັດອື່ນຜະລິດໃຫ້. ມາຕອນນີ້ Google ໄດ້ປ່ອຍຄິບວິດີໂອປິດສະໜາລົງໃນ YouTube ເປັນພາບຜົນການຄົ້ນຫາໃນ Google ດ້ວຍຄໍາຖາມກ່ຽວກັບໂທລະສັບເຊັ່ນ: ແບັດເຕີຣີໂທລະສັບມີບັນຫາບໍ່ ? ເປັນຫຍັງໂທລະສັບເຖິງພື້ນທີ່ເຕັມຢູ່ສະເໝີ ? ເປັນຫຍັງໂທລະສັບຈຶ່ງຖ່າຍພາບໄດ້ເບີໆ ? ຄໍາຖາມນີ້ Google ຕ້ອງການທີ່ຈະສື່ກໍຄື ການເປີດໂຕ Pixel ຮຸ່ນໃຫມ່ນັ້ນເອງ ຖ້າສັງເກດດີໆຈະພົບວ່າເລືອກເປີດວັນດຽວກັນກັບວັນເປີດໂຕໂທລະສັບຮຸ່ນທໍາອິດ.

- lattana 1 - Google ກໍາລັງຈະເປີດໂຕໂທລະສັບຮຸ່ນໃຫມ່ Pixel 2

ຄາດກັນວ່າອາດຈະໄດ້ເຫັນທັງ Pixel 2 ແລະ Pixel XL 2. ສໍາລັບສະເປັກລືກັນວ່າມັນຈະມາພ້ອມກັບ Snapdragon 835, ໜ້າຈໍ 1,440p, ແຣມ 4GB, ໜ່ວຍຄວາມຈໍາພາຍໃນເຄື່ອງ 128GB ແລະ ໜ້າຈໍແບບ AMOLED.

ແນວໃດກໍຕາມ, ຂ່າວຮ້າຍ Google Pixel ຮຸ່ນທໍາອິດບໍ່ມີການນໍາເຂົ້າມາຈໍາໜ່າຍໃນປະເທດເຮົາ ແລະ ຮຸ່ນຫລ້າສຸດກໍບໍ່ມີທ່າ​ອ່ຽງພໍປານໃດ ຫວັງນ້ອຍໆວ່າ Google ຈະມີແຜນຂະຫຍາຍຕະຫຼາດໄປຍັງປະເທດຕ່າງໆຫຼາຍຂຶ້ນ.