ຊຸມຊົນແອອັດໃນເມືອງຫລວງ ມີຄວາມສ່ຽງສູງຂຶ້ນໃນອາຊີ

- advert banner 728 90 728x90 - ຊຸມຊົນແອອັດໃນເມືອງຫລວງ ມີຄວາມສ່ຽງສູງຂຶ້ນໃນອາຊີ

- C9B8E7335F3E4552A81EE1494CFD5BF4 - ຊຸມຊົນແອອັດໃນເມືອງຫລວງ ມີຄວາມສ່ຽງສູງຂຶ້ນໃນອາຊີ

- lattana 1 - ຊຸມຊົນແອອັດໃນເມືອງຫລວງ ມີຄວາມສ່ຽງສູງຂຶ້ນໃນອາຊີ

ທະນາຄານ​ໂລກ​ເປີດ​ເຜີຍ ຊຸມ​ຊົນ​ແອ​ອັດ​ໃນ​ອາຊີ​ຕາ​ເວັນ​ອອກ ​ແລະ ຕາ​ເວັນ​ອອກສຽງ​ໃຕ້ ລວມທັງ​ພາກພື້ນປາຊີ​ຟິກ ມີ​ຂະໜາດ​ໃຫຍ່​ທີ່​ສຸດ​ໃນ​ໂລກ ​ແລະ ຄວາມ​ບໍ່​ເທົ່າ​ທຽມ​ໃນ​ຊຸມ​ຊົນ​ພວມ​ເປັນຄວາມ​ສ່ຽງ​ເພີ່ມ​ຂຶ້ນ​ໃນ​ພາກພື້ນ​ເຫລົ່າ​ນີ້.

ສຳນັກ​ຂ່າວ AFP ລາຍ​ງານ​ຈາກ​ປະ​ເທດ​ສິງກະ​ໂປ ​ໃນ​ວັນ​ທີ 3 ຕຸລາ​ວ່າ: ລາຍ​ງານ​ຂອງ​ທະນາຄານ​ໂລກ ​ເລື່ອງ​ສະພາບ​ຄວາມທຸກ​ຍາກ​ເຂດ​ຊຸມ​ຊົນ​ໃນ​ເມືອງ​ຫລວງ ​ເຜີຍ​ແຜ່​ໃນ​ວັນ​ທີ 3 ຕຸລາ ລະບຸ​ວ່າ: ປັດຈຸບັນ​ປະຊາກອນ​ໂລກ​ຫລາຍ​ກວ່າ 250 ລ້ານ​ຄົນ ອາ​ໄສ​ຢູ່​ເຂດ​ຊຸມ​ຊົນ​ແອ​ອັດ​ຢູ່​ຈີນ, ອິນ​ໂດ​ເນ​ເຊຍ, ຟີ​ລິບ​ປິນ ​ແລະ ບ່ອນ​ອື່ນໆ ​ໃນ​ອາ​ຊີ​ຕາ​ເວັນ​ອອກ ລວມທັງ​ປະ​ເທດ​ເກາະ​ນ້ອຍໆ​ໃນ​ພາກພື້ນປາຊີ​ຟິກ ຖື​ເປັນ​ອັດຕາ​ສ່ວນ​ຫລາຍ​ທີ່​ສຸດ​ໃນ​ໂລກ.

ການ​ຕັ້ງຖິ່ນ​ຖານ​ຂອງ​ຊຸມ​ຊົນ​ເຫລົ່າ​ນີ້​ມີ​ສະພາບ​ການ​ດຳລົງ​ຊີວິດ ​ແລະ ການ​ເປັນ​ຢູ່​ແບບ​ສິ້ນຫວັງ, ຢູ່​ອາ​ໄສ​ບຽດ​ສຽດ​ກັນ​ຢ່າງ​ແອ​ອັດ ​ໂດຍ​ບໍ່​ສາມາດ​ເຂົ້າ​ເຖິງ​ປັດ​ໄຈ​ພື້ນຖານ​ທີ່​ຈຳ​ເປັນ​ຕໍ່​ການ​ດຳລົງ​ຊີວິດ​ເຊັ່ນ: ນ້ຳປະປາ, ​ໄຟຟ້າ, ການ​ກຳຈັດ​ຂີ້​ເຫຍື້ອ, ການ​ຂົນ​ສົ່ງສາທາລະນະ ​ແລະ ການ​ມີ​ບ່ອນຢູ່​ອາ​ໄສ​ທີ່​ເໝາະ​ສົມ. ສະພາບ​ຊຸມ​ຊົນ​ລັກສະນະ​ນີ້​ບົ່ງ​ບອກ​ເຖິງ​ຄວາມ​ຫລຸດ​ຖອຍ ​ແລະ ຄວາມ​ບໍ່​ເທົ່າ​ທຽມ​ທາງ​ດ້ານ​ການ​ເງິນ, ​ໂຄງ​ສ້າງ​ພື້ນຖານ, ສັງຄົມ ​ແລະ ການ​ເມືອງ.