ສານແຂວງອຸດົມໄຊຕັດສີນລົງໂທດຜູ້ຄ້າຢາເສບຕິດ

- advert banner 728 90 728x90 - ສານແຂວງອຸດົມໄຊຕັດສີນລົງໂທດຜູ້ຄ້າຢາເສບຕິດ

ເມື່ອບໍ່ດົນມານີ້, ສານ​ປະຊາຊົນ​​ແຂວງ​ອຸດົມ​ໄຊ, ໄດ້ຕັດສີນລົງໂທດທ້າວ ພອນ​ໄຊ (​ເຮີ) ອາຍຸ 28 ປີຢູ່​ບ້ານ​ນາ​ແສນ​ຄຳ​ເມືອງ​ໄຊ ໃຫ້ຈໍາຄຸກເປັນເວລາ 3 ປີພ້ອມປັບ​ໄໝ 20 ລ້ານກີບ ແລະ ​ທ້າວ ​ເຢຍ​ເຮີ ອາຍຸ 28 ປີຢູ່​ບ້ານ​ຮອງ​ທູ ​ເມືອງ​ງາແຂວງອຸດົມໄຊ ໃຫ້ຈໍາຄຸກເປັນເວລາ 5 ປີພ້ອມປັບ​ໄໝ 10 ລ້ານກີບ, ໃນຂໍ້ຫາຄ້າຂາຍຢາເສບຕິດ, ໂດຍທັງສອງຖືກເຈົ້າໜ້າທີ່ຈັບຕົວໄດ້ເມື່ອກາງປີ 2017 ພ້ອມຂອງກາງ​ເຮ​ໂຣອິນ 11 ຖົງ​ນ້ອຍ ​ແລະ ຢາ​ບ້າ 70 ກວ່າ​ເມັດ.

- lattana 1 - ສານແຂວງອຸດົມໄຊຕັດສີນລົງໂທດຜູ້ຄ້າຢາເສບຕິດ

ແຫລ່ງຂ່າວໃຫ້ຮູ້ຕື່ມວ່າ: ເມື່ອບໍ່ດົນມານີ້, ເຈົ້າໜ້າທີ່ ປກສ ເມືອງອານຸວົງແຂວງໄຊສົມບູນ ສາມາດຈັບຜູ້ຄ້າຂາຍຢາເສບຕິດມາດໍາເນີນຄະດີຄື: ​ທ້າວ ຄຳ​ເພັດ (​ເຕື່ອຍ) ອາຍຸ 24 ປີ ​ແລະ ນາງ ນູວ່າງ (​ເຢົ່າຊົ່ງ) ອາຍຸ 25 ປີທັງສອງເປັນຜົວເມຍກັນຢູ່​ບ້ານ​ພູ​ຫົວຊ້າງ​ເມືອງ​ອານຸວົງ, ພ້ອມຂອງ​ກາງ​ຢາ​ບ້າ​ 323 ​ເມັດຊຸກເຊື່ອງໄວໃນເຮືອນ, ເຈົ້າໜ້າທີ່ຈຶ່ງໄດ້ຍຶດໄວ້ເປັນຫລັກຖານເພື່ອດໍາເນີນຄະດີຕາມລະບຽບກົດໝາຍ ແລະ ໃນອາທິດຜ່ານມານີ້, ເຈົ້າໜ້າທີ່ ປກສ ຜົ້ງສາລີ ​ໄດ້ນໍາກໍາລັງ​ເຂົ້າກວດຄົ້ນ​ເຮືອນເປົ້າໝາຍຄ້າຂາຍຢາເສບຕິດຢູ່ບ້ານຈາ​ຄຳ​ປາເມືອງຜົ້ງສາລີ ແລະ ພົບເຫັນຂອງກາງຝິ່ນ​ຫລາຍກວ່າ 3 ກິ​ໂລ, ຈຶ່ງ​ໄດ້ຈັບຕົວເຈົ້າຂອງເຮືອນຊື່ທ້າວ ປາ​ຊ້າງ ມາສືບສວນ-ສອບສວນ ແລະ ໄດ້ຮັບສາລະພາບວ່າ: ຕົນເອງໄດ້​ເຄື່ອນ​ໄຫວ​ຄ້າຂາຍ​ຢາ​ເສບ​ຕິດຫລາຍຄັ້ງ ​ແລະ ຝິ່ນດັ່ງກ່າວໄດ້ຊື້ມາຈາກເຄືອຂ່າຍ​ຂະ​ບວນດຽວກັນເພື່ອຈະໄປຂາຍ​​​ໃຫ້​ລູກຄ້າ, ແຕ່ຖືກເຈົ້າໜ້າທີ່ຈັບຕົວກ່ອນ.

ປັດຈຸບັນ, ຄະດີ​ດັ່ງກ່າວ​ເຈົ້າໜ້າ​ທີ່​ພວມ​ເລັ່ງຂະຫຍາຍ​ຜົນຫາຜູ້ຮ່ວມຂະບວນການ​ເພື່ອຈັບ​ຕົວ​ມາ​ດຳ​ເນີນ​ຄະດີຕາມລະບຽບກົດໝາຍໂດຍໄວ.