ການບິນລາວເປີດນໍາໃຊ້ແອັບຂາຍປີ້ຜ່ານມືຖື

- advert banner 728 90 728x90 - ການບິນລາວເປີດນໍາໃຊ້ແອັບຂາຍປີ້ຜ່ານມືຖື

- 20171003153943535 86753 - ການບິນລາວເປີດນໍາໃຊ້ແອັບຂາຍປີ້ຜ່ານມືຖື

- lattana 1 - ການບິນລາວເປີດນໍາໃຊ້ແອັບຂາຍປີ້ຜ່ານມືຖື

ໃນວັນທີ 3 ຕຸລານີ້, ທີ່ສໍານັກງານໃຫຍ່ລັດວິສາຫະກິດ ການບິນລາວ ນະຄອນຫຼວງວຽງຈັນ ໄດ້ພິທີເປີດການນໍາໃຊ້ Application lao Airlines Mobile ໂດຍການເຂົ້າຮ່ວມຂອງທ່ານ ສັນຕິສຸກ ສິມມາລາວົງ ຮອງລັດຖະມົນ ຕີກະຊວງໂຍທາທິການ ແລະ ຂົນສົ່ງ, ມີຜູ້ຮ່ວມທຸລະກິດ, ມີຕົວແທນຈຳໜ່າຍຂາຍປີ້ການບິນລາວ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.

ທ່ານ ສົມພອນ ດວງດາລາ ຜູ້ອໍານວຍການລັດວິສາຫະກິດ ການບິນລາວ ກ່າວວ່າ: ທຸກສາຍການບິນໃນໂລກລ້ວນແຕ່ມີການພັດທະນາໃຫ້ໄດ້ມາດຕະຖານຄວາມປອດໄພ ແລະ ການບໍລິການ ໂດຍນໍາໃຊ້ເຕັກໂນໂລຊີຂໍ້ມູນຂ່າວສານເປັນເຄື່ອງມືຮັບຮອງໃນການຄ້າການໂຄສະນາໃຫ້ກວ້າງຂວາງ ແລະ ເພື່ອເປັນການຕອບຮັບຄວາມຕ້ອງການຂອງສັງຄົມ. ດັ່ງນັ້ນ ລັດວິສາຫະກິດ ການບິນລາວ ຈຶ່ງໄດ້ຫັນເປັນມາດຕະຖານສາກົນໂດຍພື້ນຖານ ໃນການຮັບຮອງການບໍລິການ ISO ໄດ້ຮັບການຢັ້ງຢືນ ໃຫ້ເປັນສາຍການ ບິນທີ່ມີຄວາມປອດໄພ ໄອໂອຊາ ແລະ ໄດ້ຮັບເຂົ້າເປັນສະມາຊິກສົມບູນຂອງ ອົງການໄອອາຕາອີກດ້ວຍ.

ຜະລິດຕະພັນນີ້ໄດ້ພັດທະນາມາແຕ່ຕົ້ນປີ 2017 ແລະ ເລີ່ມໃຫ້ໃຊ້ບໍລິການຢ່າງເປັນທາງການແລ້ວ ພຽງແຕ່ເຂົ້າໄປທີ່ App Store ແລະ Play Store ກໍສາມາດດາວໂຫລດແອັບ lao Airlines ໄດ້ເພື່ອຄວາມສະດວກສະບາຍໃຫ້ແກ່ສັງຄົມ ​ເພື່ອ​ໃຫ້ລູກຄ້າຊອກຫາຂໍ້ມູນກ່ຽວກັບປີ້ເຮືອບິນໄດ້ງ່າຍຂຶ້ນ, ການຊອກຫາຖ້ຽວບິນ, ສາມາດເບິ່ງເວລາບິນ, ຊື້ປີ້ເຮືອບິນຜ່ານທາງໂທລະສັບມືຖື, ສາມາດຊໍາລະຄ່າປີ້ຜ່ານບັນດາບັດ VISA ແລະ Master ສໍາລັບໂດຍສານທີ່ມີປີ້ແລ້ວ ກໍສາມາດແຈ້ງປີ້ອອນລາຍຜ່ານມືຖື ເພື່ອເລືອກບ່ອນນັ່ງຕາມຕ້ອງການ ແລະ ສາມາດເອົາກະເປົາໄປສັ່ງທີ່ປ່ອງບໍລິການ ແລະ ຮັບບັດຂຶ້ນເຮືອບິນນໍາພະນັກງານໄດ້ທັນທີ.