ອາເມລິກາເນລະເທດ 15 ນັກການທູດກູບາ ອອກນອກປະເທດພາຍໃນ 7 ວັນ

- advert banner 728 90 728x90 - ອາເມລິກາເນລະເທດ 15 ນັກການທູດກູບາ ອອກນອກປະເທດພາຍໃນ 7 ວັນ

- 2467936 1280x720 1 - ອາເມລິກາເນລະເທດ 15 ນັກການທູດກູບາ ອອກນອກປະເທດພາຍໃນ 7 ວັນ

- lattana 1 - ອາເມລິກາເນລະເທດ 15 ນັກການທູດກູບາ ອອກນອກປະເທດພາຍໃນ 7 ວັນ

ອາເມລິກາເນລະເທດເຈົ້າໜ້າທີ່ການທູດຊາວກູບາປະຈຳນະຄອນຫລວງວໍຊິງຕັນ 15 ທ່ານ ໃຫ້ເດີນທາງອອກ ນອກປະເທດພາຍໃນ 1 ອາທິດ, ພາຍຫລັງນັກການທູດອາເມລິກາຢູ່ນະຄອນຫລວງຮາວານາຫລາຍກວ່າ 20 ທ່ານ ບໍ່ສະບາຍຢ່າງປິດສະໜາ.

ສຳນັກຂ່າວຕ່າງປະເທດລາຍງານຈາກນະຄອນຫລວງວໍຊິງຕັນ ປະເທດສະຫະລັດອາເມລິກາ ໃນວັນທີ 3 ຕຸລາວ່າ: ກະຊວງການຕ່າງປະເທດອາເມລິກາອອກຖະແຫລງການໃນວັນທີ 3 ຕຸລາວ່າ: ເຈົ້າໜ້າທີ່ການທູດຊາວກູບາ ປະຈຳນະຄອນຫລວງວໍຊິງຕັນຈຳນວນ 15 ທ່ານ ມີສະຖານະເປັນ “ບຸກຄົນບໍ່ເພິ່ງປາຖະໜາ” ແລະ ຕ້ອງເດີນທາງອອກນອກປະເທດພາຍໃນ 7 ວັນ ໂດຍລັດຖະບານວໍຊິງຕັນໄດ້ແຈ້ງລາຍຊື່ນັກການທູດດັ່ງກ່າວຫາສະ ຖານເອກອັກຄະລັດຖະທູດກູບາປະຈຳນະຄອນຫລວງວໍຊິງຕັນແລ້ວ.

ກະຊວງການຕ່າງປະເທດອາເມລິກາໃຫ້ເຫດຜົນຂອງການເນລະເທດນັກການທູດກູບາໃນຄັ້ງນີ້ວ່າ: ເປັນໄປຕາມ ຂັ້ນຕອນຂອງອະນຸສັນຍາວຽນນາ ເພື່ອເປັນການ “ຕອບໂຕ້” ຕໍ່ກໍລະນີລັດຖະບານຮາວານາບໍ່ສາມາດປົກປ້ອງເຈົ້າ ໜ້າທີ່ການທູດຂອງອາເມລິກາຢູ່ກູບາໄດ້ ໂດຍມີລາຍງານນັກການທູດຊາວອາເມລິກາຢ່າງໜ້ອຍ 22 ທ່ານບໍ່ສະບາຍ ຈາກອາການທີ່ຍັງເປັນປິດສະໜາ, ແຕ່ສ່ວນຫລາຍມີອາການຂອງສະພາບສູນເສຍການໄດ້ຍິນ, ສູນເສຍການແນມເຫັນ ແລະ ການຄວບຄຸມການຊົງຕົວ ເຊິ່ງເປັນສະພາບທີ່ໜ່ວຍຂ່າວອາເມລິກາວິເຄາະວ່າເປັນຜົນຈາກຄື້ນສ່ຽງຄວາມຖີ່ສູງ.

ເຖິງຢ່າງໃດກໍຕາມ, ລັດຖະບານວໍຊິງຕັນຢືນຢັນວ່າ: ຍັງບໍ່ມີການສະຫລຸບທີ່ແນ່ນອນວ່າ: ລັດຖະບານຮາວານາມີ ສ່ວນກ່ຽວຂ້ອງກັບເຫດການທີ່ເກີດຂຶ້ນ ຫລື ບໍ່ ແລະ ອາເມລິກາກັບກູບາຍັງມີການພົວພັນທາງການທູດທີ່ແໜ້ນແຟ້ນຕໍ່ ກັນ. ນອກຈາກນີ້ ທັງສອງປະເທດຈະຮ່ວມມືກັນສືບສວນເພື່ອໄຂປິດສະໜາຂອງ “ການໂຈມຕີຈຳເພາະ” ທີ່ເກີດຂຶ້ນ, ແຕ່ໃນອາທິດຜ່ານມາ ອາເມລິກາສັ່ງຖອນນັກການທູດອອກຈາກນະຄອນຫລວງຮາວານາຫລາຍກວ່າ 2 ໃນ 3 ຈາກ ທີ່ມີຢູ່ 54 ທ່ານ ແລະ ອອກປະກາດເຕືອນພົນລະເມືອງຂອງຕົນໃນການຢ້ຽມຢາມກູບາ.