ງານວິໄຈໃຫມ່ຊີ້ ລະບົບລາກເສັ້ນປົດລັອກໜ້າຈໍຂອງ Android ນັ້ນ ບໍ່​ມີຄວາມປອດໄພ

- advert banner 728 90 728x90 - ງານວິໄຈໃຫມ່ຊີ້ ລະບົບລາກເສັ້ນປົດລັອກໜ້າຈໍຂອງ Android ນັ້ນ ບໍ່​ມີຄວາມປອດໄພ

ຖ້າໃຊ້ໂທລະສັບລະບົບ Android  ແລະ ໃຊ້ການປົດລັອກເຄື່ອງດ້ວຍ Unlock Patterns (ແບບລາກເສັ້ນຕໍ່ຈຸດ) ຢູ່ ແນະນໍາວ່າຄວນຈະປ່ຽນໄປໃຊ້ແບບ PIN (ໃສ່ລະຫັດຕົວເລກ) ແທນ ເພາະການວິໄຈດ້ານຄວາມປອດໄພທີ່ມີຊື່ວ່າ “Towards Baselines for Shoulder Surfing on Mobile Authentication” ໄດ້ສະແດງໃຫ້ເຫັນແລ້ວວ່າ ມັນເປັນລະບົບທີ່ບໍ່​ມີຄວາມປອດໄພ.

- lattana 1 - ງານວິໄຈໃຫມ່ຊີ້ ລະບົບລາກເສັ້ນປົດລັອກໜ້າຈໍຂອງ Android ນັ້ນ ບໍ່​ມີຄວາມປອດໄພ

ໃນລາຍງານສະບັບດັ່ງກ່າວ ໄດ້ພົບວ່າ Unlock Pattern ເປັນລະບົບທີ່ງ່າຍຕໍ່ການຈົດຈໍາ ແຕ່ເຮົາເບິ່ງຄົນອື່ນໆ ລາກເສັ້ນເພື່ອປົດລັອກຜ່ານໆ ເຮົາກໍາສາມາດຈື່ ແລະ ລາກຕາມໄດ້ທັນທີ ແນ່ນອນວ່າມັນປອດໄພຖ້າບໍ່ມີໃຜເຫັນຕອນທີ່ເຮົາລາກນິ້ວມືເທິງໜ້າຈໍ ແຕ່ຈະມີຈັກຄົນທີ່ພະຍາຍາມເຊື່ອງໄວ້ບໍ່ໃຫ້ໃຜເຫັນຕອນທີ່ເຮົາປົດລັອກ ຫຼື ບາງ​ເທື່ອຟິມເທິງໜ້າຈໍມືຖືອາດມີຮອຍ ທີ່ສະແດງໃຫ້ເຫັນຮ່ອງຮອຍຂອງການລາກ.

ລາຍງານ “Towards Baselines for Shoulder Surfing on Mobile Authentication” ເປັນລາຍງານຈາກນັກວິໄຈດ້ານຄວາມປອດໄພ ແຫ່ງ US Naval Academy ແລະ University of Maryland ທ່ານໄດ້ສ້າງລະບົບທົດສອບນີ້ຈະໃຫ້ຜູ້ທົດສອບລອງຄາດເດົາ Unlock pattern ຫຼື PIN ຫຼັງຈາກທີ່ໄດ້ເຫັນພຽງຄັ້ງດຽວ ຜົນອອກມາພົບວ່າ 64% ສາມາດທີ່ຈະຄາດເດົາ Unlock pattern ແບບ 6 ຈຸດໄດ້ຢ່າງຖືກຕ້ອງ ແລະ ເພີ່ມຂຶ້ນເປັນ 80% ຫາກໄດ້ເຫັນສອງຄັ້ງ ທຽບກັບແບບ PIN ມີພຽງ 11% ເທົ່ານັ້ນທີ່ສາມາດເດົາຖືກ ແລະ ເພີ່ມຂຶ້ນ 27% ຫາກໄດ້ເບິ່ງ 2 ຄັ້ງ. ດັ່ງນັ້ນ ໃຜທີ່ໃຊ້ການປົດລັອກເຄື່ອງແບບ Unlock pattern ແນະນໍາໃຫ້ປ່ຽນມາໃຊ້ແບບ PIN ແທນ. ແຕ່ສະໄໝນີ້ໂທລະສັບມືຖືສ່ວນໃຫຍ່ກໍຈະມີລະບົບສະແກນລາຍນິ້ວມືແລ້ວ ແລະ ນໍາໃຊ້ການສະແກນລາຍນິ້ວມືຈະດີກວ່າ.